السلام عليكم ولرحمة الله وبركاته
انا اكثر من مره اكتب عن مشاكل تصير مع زوجي بسبب انه يدرس ويشتغل ومهملني ومهمل اولادي وتجيه دورات خارجيه ولايفكر ياخذني معاه اغير جو وتتغير نفسيتي وطلبته اكثر من مره باصرار ياخذني معه بس انه يرفض رفض تام وانا صبرت عليه كلل هالفتره واخرتها الصيفيه اللي فاتت سافر رحله خارجه للترفيه عن نفسه لمدة اسبوعين وزعلت وفكرت اترك له البيت بس عندي اطفال كاسرين ظهري مااقدر احرمهم من ابوهم وانا صبرت معاه على الحلوه والمره وصبرت على تقصيره كله والحين تخرج واخذ الشهاده وصار عنده وقت فراغ وكنت احسبه بيعوضني عن اللي فات وانصدمت انه تفرغ لنفسه وطلع له فيز لدول كثيره وكل مره بيقضي اجازه بدوله سألته عن وضعي انا ووين كلامه انه بيعوضني وانه بيسفرني معاه بعد مازعلت يوم سافر بالصيفيه وقالي لا انسي بوديك ماانكر انه بيوديني اي مكان كم يوم ويرجع يحطني بالبيت ويسافر مع اصحابه انا من جد مابقدر ولا بتحمل انه كل عطله يسافر ويخلينا ويسكتني بكم يوم وانا معي ثلاثة أطفال وكلهم صغار اكبرهم عمره 4 سنوات والحين انا طلبت الطلاق لاني جدا متضايقه واحس بالراحه اذا فكرت بالطلاق خلاص النفس ملت وكلت والحين ابغى اروح لأهلي واخاف اندم
بس مشكلته انه مايحافظ على صلواته ومقصر جدا في امور دينه لايقرأ قرأن ولاعمري شفته فتح مصحف من يوم تزوجته ويتفرج على اشياء تخدش الحياء في التلفزيون كيف اقدر اثق فيه وهو مقصر مع ربه التفكير بيقتلني وانا الحمدالله محافظه على صلواتي واذكاري ووردي اليومي انا اخاف ربي بس هو ماخافه فيني وكل ماصبرت يقول هل من مزيد مافي شكر ولا تقدير
اريد مشورتكم الله يوفقكم ويسعدكم
مع العلم انا عمري 28 وهو عمره 38

((تم التعديل ليتناسب مع المضمون))

وعليكم السلام ورحمه الله وبركاته

اختي عليك بالاستخارة
لا تنسي عندك اطفال صغار يعني الوضع صعب
الله يسر لك ويسخر لك الخير
ويهدي لك زوجك ويحمي لك عيالك

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

طيب اختي ممكن هو يبي شوية وقت يونس حاله ويرفه نفسه عن تعب الفترة الي طافت
وبعدها ياخذكم معه

هل في امكانية ان احد يساعدك مع اطفالك
بحيث يبقوا معهم كم يوم وانتي تسافري مع زوجك

يمكن هو ما يقدر ياخذكم كعائلة معه لاتنسي السفر بوجود الاطفال متعب جدا
وماهو مثل السفر لشخصين
رتبي امورك مع احد - اختك او امكاو احد من اهله مثلا

لا تستعجلي على الذهاب لبيت اهلك

صربتي كثير لا تضعي صبرك الان
ربي يهديك ان شاء الله

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

انا معاك وحاسهةفيك
بس مو معقوله تشتتي عائله عشان سفر

أنا فعلا عندي خوات ومااحد بيقول لا لو بحط عيالي عنده ونسافربس هو ابدا ماعرض علي وصدقوني اني مافكرت بالطلاق الا بعد ماشفت ان مافيه امل يتغير ويتغير للاسوأ وحياة الزوجات اللي ازواجهم دايم يسافرون في عذاب دايم وانا شفت بعيني من اقاربي وانا مو مستعده اعيش هالمعاناه طول العمرفانا تحملت كل شي الا انه يسافر وانا مابتهمه بشي ربي يعلم هو مسافر لايش وعالم بنيته وليش الانانيه هو معد يفكر الا بنفسه وكيف يبسطها وانا محملني مسؤلية البيت وتربية العيال وحارمني من كل شي من الطلعات والاسواق وحتى مااذكر متى اخر مره طلعني مطعم واقسم بالله حياتي معاه معد لها طعم ابدا وحتى الزيارات لا ادخل احد بيتي لانه يتضايق لان البيت صغييييير مره مافيه الا صاله وغرفتين نوم واذا عزمت واحده لازم يطلع من البيت الى متى وانا حالي كذا انا صرت اشوف ان حياتي ببيت اهلي بتكون افضل بمليون مره وانا استخررت كثير بس احس ضايعه

وعليكم السلام ورحمة الله وبركاته ..
مرحباً أختي الكريمة ..
أولاً / ابتعدي البعد التام عن الطلاق فالأمور لاتُحل بهذه الطريقة أختي ..
ثانياً / ماهي أهم مميزاته موجوده فيه ؟! وهل كان من بداية زواجكِ هكذا ؟!
ثالثاً / ماهي الطرق التي فعلتيها لأصلاحه ؟!
هداه الله وأصلحه ..
بإنتظار ردكِ
جبر الله قلبكِ بكل ماتُحبين ..

ياسر الحياه اهم مميزاته انه كرررريم جدا والحمدالله هذي صفه جدا رااائعه وانسان محترمني عمره ماأهاني بأي كلمه تقلل من احترامي او تقلل قيمتي وانا ماانكر هالشي واحمد ربي واشكره
ولا ابدا ماكان كذا اول ماتزوجته هوكان كذا قبل الزواج يسافر كثير واول ماتزوجت بطل سفراته ووعدني بانه ياخذني وين مايسافر وللأسف ماشفت شي

الطرق اللي حاولت فيها اصلاحه انا احاول اتكلم معاه بالطيب بس صاريعاندني ويتحداني بأنه بكيفه بيسافر ويبغى يشوف انا وش بقدر اسوي
انا حاليا مااقدر اسوي شي غير اني ادعي له بالهدايه كسر قلبي والله يجبر كسري

ماشاء الله تبارك الله ..وأشكركِ على قول صفاته الطيبة ..
أختي الكريمة الحمدلله رب العالمين بأن زوجكِ يحترمكِ ولديه من الصفات الجميلة ..
استغلي هذه الصفات الجميلة في إصلاح عيوبة ..
دوماً بذرة الخير عندما تزرع بالطيب ستبذر خيراً وفيراً لكن أن تصبري في إصلاحه ولا تيأسي ..
امدحيه دوماً الرجل يحب المدح ..
البعض لايحب أسلوب النصح المباشر بمثلاً هذا حرام ووو يُعاند ..ابتعدي البعد التام عن الأسلوب ..
بالتلميح وإختاري الأوقات التي يكون فيها هادئاً جداً وعقله صافِ ..
حببيه بالأمر بالأسلوب الطيب ..
وارسلي له دوماً رسائل دافئة وفيها عن الصلاة كيف تسعد الإنسان ووووو ..
وهل يطول في سفره ومالهدف من سفره هذا ؟!
إذا كان يُسافر مع أصدقائه وصالحين لاتمنعيه ..
عندما تريدي شيء منه ابتعدي عن الأسلوب الصريح هو لا يحب هذا الأمر بالطيبة تنالي واصبري ..
وادعي له دوماً بالهداية اصبري على إصلاحه وكوني صادقة في هذا الأمر ولن يُخيبكِ الله ..
المواقف الجميلة ومميزاته كذلك كفيلة بأن تجعلكِ تصبرين على إصلاحه ..
نحن البشر فينا عيوب لاأحد كامل والحياة لابد لها من المشاكل والهموم ..
فليصبر الإنسان ليعطيه على صبره ..
جبر الله قلبكِ بكل ماتُحبين ورقق قلبه عليكِ ..وهداه الله وأفرح الله قلبكِ بدعوة لاتُرد ..

شكرا لك ياسر الحياه فعلا كلامك في محله هو ابدا مايحب النصيحه ويعاند ولكن ان جت بالتلميح يتأثر اكثر الله يعيني يارب وأسأل الله له الهدايه والصلاح