السلام عليكم ورحمة الله
بداية انا اكتب لكم من جوال وبالظلمه ونعسانه يعني سوري مقدما ع الاسلوب
مشكلتي الرئيسية واللي منغصه علي حياتي احساسي ان زوجي مستغلني ماديا واجتماعيا
زوجي مطلق قبلي مرتين ولديه ولد وبنت وانا ايضا مطلقه بسبب عقم طليقي ..
عندما تقدم لي زوجي اشترطت عليه مالي دخل بأولاده وﻻ يسكنهم عندي .. امه ماشاء الله امرأه في الاربعينات وتقدر تتكفل بأطفاله غير ان امهم موجوده .. وافق وتم الزواج وﻻحظت بشهر العسل كذا مرا يستغل اي فرصه ويتكلم عن بنته وانها مطيعه وخجوله وزي العجين يقدر الواحد يشكلها على كيفه .. مشت الايام وقربت الدوامات وبحكم ان وظيفيتي بمدينه بعيد ان اهلي وعنه شخصيا اقترح علي يجيب اوﻻده عندي بس الين ما انقل لمدينته حتى ﻻ اشعر بالخوف ، وافقت بشرط اول ما انقل له يرجعهم لامهم عاشو عندي سنه هم وخدامتهم اكتشفت خلالها ان البنت عنيده لسانها طويل تنقل الحكي فضحتني بالمدرسه حيث انها كانت تدرس بنفس المدرسه اللي انا ادرس فيها ، غير كذا الشغاله غثيثه وماتسمع الكلام وتتصرف من راسها يعني مرت علي هالسنه ماحسيت باستقرار وراحه ابد ، وعزائي الوحيد اول ما انقل برتاح من هذا كله ..
بعد مانقلت رفض يرجعهم ﻻمه بحجة انها ماتقدر عليهم وانه مايرتاح وهم بعاد عنه ..
نجي لمشكلة الماده ..من اول ماتزوجت ﻻحظت زوجي يده ثقيله شوي من ناحية المصاريف قلت انا ليه احرم نفسي دام الله مغنيني ، صرت اصرف احيانن على نفسي الين صرت اصرف كليا على نفسي
الرجال شال يده من المصروف ..
غير انه لما نزل القرض العقاري طلب اخذ له قرض عشان يشري اﻻرض ووعدني هو اللي يسدد القسط شهريا
بداية رفضت بس لما شفته متأزم وحاب يبني خذيته له صار يسدد اول كذا شهر بعدها لما بدى بالعمار سحب
الحين وبعد ثلاث سنوات زواج لقيت نفسي اسدد قرض ماكل نص راتبي والنص الثاني اصرف فيه ع البيت وعلى عيالي وعياله
واذا وفرت لي اي مبلغ مايرتاح الين ياخذه ...
مني حاسه براحه واستقرار ببيتي خصوصا مع مشاكل بنته اللي كل ماتكبر تزيد
هو انسان غير مضمون خايفه بعد كل هالاستنزاف يرميني زي مارمى غيري ومستحيل اتزوج بياخذ مني عيالي
من اﻻخير احس خذيت اكبر مقلب بزواجي منه
ع فكره انا حبيته وهو حبني بس للاسف مشاعر الرجال غير مستقره وغير مضمونه ، وحتى لو استمر حبه لي انا غير سعيده معاه نهائيا
انصحوني خففو عني هل انا محمله الموضوع اكبر من حجمه او انا فعلا ملعوب علي
وكيف اتصرف ...

اختي الكريمة
لا يوجد احد كامل فأنتي تركتي العقيم لتجدي من هو اسوأ منه
من رأييء انك تزوجتي هذا الرجل لتنعمي بنعمة الأطفال فرزقك الله ما كنتي تتمنين فكل شيء له مقابل و هذا اهم شيء وهو الأطفال

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

مع امين الثاني الحمدلله رزقني الاطفال واعتبري تربيتك لعياله اجر

اختي انت اخطائتي باخذ القرض ولكن بعد فوات الاوان خليه يكتب ورقه بالدين اللي عليه او مايثبت ذلك
وبالنسبه لصرفك ع البيت واطفالك واطفاله وع البيت وقفي صرف قولي دخلت جمعيه او ماعندي لاي سبب في البدايه بيزعل ويمكن مايصرف لكن مااحد ميت من الجوع فترة وبيرجع يصرف النفقه واجبه عليه
واذا جمعتي مبلغ مو لازم يدري ان عندك مبلغ
سوي حساب ثاني وادخري فيه

الله يكتب لك اللي فيه الخير وييسرلك امورك

انتي غلطانه ليش تتنازلين عن حقوقك في النفقه وليش تطلعين قرض لان الرجال اغلبهم مالهم امان
الي فوق يقولون اهم شي جاك اطفال هي تزوجت رجال عارفين وش يعني رجال يصرف ويعطي وتتكل بعد الله عليه يرحمه ويحن عليها واكيد بتجيب منه عيال الفائده للاثنين بس برضوه لها حقوق مو عشان الاطفال خلاص تبيع كرامتها لان من حقها دام انه يستمتع فيها وشايله بيته وعياله يدفع نفقتها كما اوصانا نبينا
اختي لاتندفعين في التغيير حبه حبه وتاخذي حقوقك صعبه بعد كل هالسنوات تتغيرين دفعه مثلا هالشهر ارفضي تصرفين على عياله واستمري كم شهر وبعدها ارفضي تدفعين رياال للبيت واستمري بس اياك تندفعين وتعصبين بكل ثقه وحزم مع هدوء لان زوجك فهمت طينته وهذا علاجه وبعدها ارفضي تدفعين القسط شيلي يدك تماما بس كل شهر مثلا ادفعي راتب الخادمه وجيبي كم شغله بسيطه
الله يوفقك ويسهل لك

اشكر كل اللي رد علي
باللنسبه للاخ اللي يقول هذي ضريبة اﻻطفال وانو انتي تركتي العقيم وكأنه يلوم علي
انا ماتركت العقيم اﻻبعد عشر سنوات وعشرات المحاوﻻت للانجاب وما اتوقع لو رجل بمكاني تحمل عقم زوجته كل هذي السنين ..
وباللنسبة للاخوات الي يقولو انتي غلطانه انا فعلا غلطانه بس لما اجلس افكر بيني وبين نفسي لو ما اخذت له اﻻرض كان مابنى للحين يعني انا مو مستقره ذهنيا وﻻ حاسه بالرضى احيان اقول عادي اوقف جنبه دام عندي مقدره واحيان اقول انا ايش دخلني حتى مصرف البيت والعيال لو ماقمت فيه هو ماراح يقدر ﻻن فلوسه كلها بالعمار
بس انا احس اني جالسه اهد نفسي عشان هو يبني نفسه
بالاخير هذا مشروع استثماري له ولعياله اللي نصهم مو عيالي
وانا الحين على بوابة الثلاثين وموظفه من ست سنوات وﻻ سوت لنفسي شي يضمن مستقبلي
حاسه بالاستغلال وهذا الشي منعكس على اسلوبي معاه وعلاقتي الخاصه فيه ومادري هذا صح وﻻ غلط

نعم مقلب...لكن بامكانك تدارك ذلك
كم باقي لك لتنتهي من التسديد...اقصد المدة؟

__________________

باقي 4 سنوات

أجلسي معاه وقوليله احنا اتفقنا تتحمل بالأقساط وأنا صار لي فترة طويلة ادفعها بنفسي ..
خليه يرجع يدفعها من الشهر القادم ..

اعملي بنصيحة ام الدانة
اذا رضى كان بها و إذا لا...ان شاء الله الاربع سنوات تقضى بسرعة..وغيري سياستك بعدها
وارفعي يدك عن مصروفات عياله و عيالكم و طالبيه بصراحة

__________________