السلام عليكم ورحمة الله وبركاته :
كيف احوالكم عساكم بخير وصحة وعافية ؟
طبعًا بادخل بالموضوع بدون اي مقدمات ..
هالموضوع شغل بالي كثير بهالفترة و تفكيري
صار مرتكز عليه .. لدرجة أسرح بهالموضوع حتى
وانا بالطريق وانسى كل شي في حياتي غيره ..
تعرفت على وحدة عن طريق برامج التواصل
الاجتماعي ، و من بداية ماكلمتها وانا اقول في
نفسي : راح احذفها بكرة . يوم بعد يوم وكل
يوم اقول بكرة لين مازادت الايام وزاد الود معها
حبيتها و ادري ان طريقتي من اساسها خطأ وعشان
كذا قررت ابتعد عنها وأصحح خطأي واخطبها
واخذها بالحلال .. لكن المشكلة هنا انّي شاورت
الوالدة وخبّرتها ان فيه واحد حكاني عن عائلتهم
وانّي انعجبت بعائلتهم وابي اخذ بنتهم .. وان شاء
الله ربّي يغفر لي كذبتي .. قالت لازم اشوفها اوّل
شيء واذا عجبتني اخطبها لك .. لا اخفيكم انا
على وشك السفر خارج المملكة لاكمال دراستي
و ابي اخطبها قبل لا اسافر .. ناهيكم عن جهلي
بموافقة او رفض اهلها .. و ما اعرف الطريقة اللي
تخليني اخطبها بدون ما ازرع شكوك بين اهلي
واهلها .. وكيف بأخلي امّي تقابلها وتشوفها قبل
لا اسافر .. ماعندي اي خلفيّة عن الاشياء اللي
راح تصير بالموضوع .. وكلت امري لله وان شاء
الله تتيسر .. لان رغبتي فيها كل يوم تزيد
وان شاء الله ربّي يرزقني اياها زوجة صالحة
تعينني واعينها على الخير ..
اللي يقدر يساعدني برأيه الله يسعده ويحفظه
و اللي مايقدر يساعدني .. دعوة في ظهر الغيب
تكفيني ♡
01-06-2014, 10:44 PM
ضوابط المشاركة
العرض الشجري