السلام عليكم ورحمة الله وبركاته
انا قبل الزواج وبعد ما تخرجت من الكليه توجهت الى احدى الشركات للتدريب بهدف اخذ خبرة. وايضا كنت اتمنى يصير شي مثل الحلم او بالأفلام ان يعجب بي فارس أحلامي ويخطبني واتزوج. انا معروفه باخلاقي وسمعتي الي الكل يمدح فيها انا واهلي والحمدلله ناس طيبين جداً وملتزمين وخلوقين. كانت امي تتمني لي زوج بمثل صفاتنا.
في نفس القسم الي تدربت فيه فالشركة كان هناك موظف بنفس المكتب انا وهو. عندما رايته قلت فنفسي خلاص هذا فارس أحلامي وأكيد بيعجب بي وباخلاقي وجمالي. وايضا بشرت امي بان هناك شخص بنفس المواصفات تقريبا الي نتمناها. حتى كانت جارتي واخواتها لما علمن بان هذا الشاب معي فنفس المكتب بان في عيونهن الحسد لانه شاب خلوق وولد ناس معروفه وملتزم ومثقف. ووسيم وشاب بدايه ثلاثينات يعني مناسب لي فكل شي. كان يدافع عني وينصحني ويساعدني ويغار علي من الشباب الي يكلموني لاحظته كم مرة. وكنت اكلمه قليل بس ما اكثر من الكلام حتى ما ياخذ عني فكرة مب زينه. وكان يعلق علي بعض البنات الي فدوام انهن متبرجات وكثيرات الكلام مع الشباب وهذا مب زين ولا تسايري هالاشكال لانج عزيزه.
وفي مرة قال لي انه مر من بيتنا هو وامه وكان يريدو يزوروني لانه امه طلعت تقرب لابي من بعيد وكانت تريد تشوفني ولكن بيتنا فاذيك الفترة نجري عليه تعديلات فاستحيت انهم يجو وقلتله.
لكن هو قال ان امي بغت تزوركم بس تاخرنا ورجعنا
ياترى هل كان في نيه انه يخطبني؟ انا كنت كذي متوقعه لكن توقعي مب فمحله
لاني سمعت ان خطب بنت من عائلة غنيه جداً جداً
انحبطت الصراحه لان طار مني لو مثلا وقعت فحبه يمكن كان بيحبني وبيزوجني وبفرح امي
بروحها تعبانه مني ومن حظي الردي
والحين زوجي كل المواصفات الي فيه عكس عكس
اكبر مني كثير ومش مثقف ومش وسيم وعمرنا ما سافرنا مكان ويتحجج بدوام او فلوسه متكفي
كل الي اعرفهم والله سافرو عالاقل مب الخارج على الاقل هني في دول الخليج لكن أبدا ما طلعنا مكان من تزوجته لي اليوم صار عندي ولدين وهم بعد ضحايا مثلي والله حتى الطلعه بنفس المنطقه يتحجج يشغله ولو طلعنا شوي ونرجع. الي يشوف او يسمع كثر شغله ودوامه يقول هذا ضام لنا شقق وبنايات ومحلات والله دوامه عالفاضي راتبه كله يروح على مصاريف بيته وامه ......... . الي تطلب منه عن كل البيت وهو ينفذ على حساب تعاستنا
حتي هديه عمره ما هداني وانا الي بادرت بهديه ساعه ثمينه لما توظفت
واخوه لما تزوج اهداه هديه جميله حسبي الله عليه عجبتني وغرت الصراحه
بالله عليكم مو زوجي غريب ولا في احد ما سافر أبدا ابدا مكان غيرنا
ادعولي ان زوجي يتغير ويصير مثل الي اتمناه
الي فيه كافي انه مب وسيم وماعنده شهاده وكبير بالنسبه لي
اقول فنفسي ليه حظي كذا وانا الي عمري ما حبيت حد مجرد اعجاب
وانا الي اصلي واقرأ وايد وادعى
وامي الي تدعي كثير عشاني وهي مريضه تتعب لما تشوف كذا حظي مو مثل صديقاتي

هذا ابليس يوسوس لك ..تعوذي من الشيطان واستغفري وعيب تذمي امه وتحكي انها طماعه بخيله.. مو تقولي انتي خلوقه خلاص بلاش تنمي بام زوجك هي حسبت امك..

__________________
الحمدلله

مو مهم السفر و الشكل
اهم شي انه ولد ناس ومحترم ومايعرف الحرام ويخاف الله
الباقي يتعوض
وهذا الشاب ايش يدريك او تزوجتيه انك بتكونين مبسوطه
يمكن يعايرك
او يكون محل اعجاب كل البنات ويحاكي بنات

اتقي الله في نفسك وفي زوجك
وهذي ايام مباركه
ادعي الله يألف بين قلوبكم ويسعدكم
اتركي المقارنات


الله يهديك بس

لا حول ولا قوة الا بالله تزوجتي وعندك ولدين ولسى فاكره الموظف اللي كان معاك
احمدي ربك يا اختي تعايري زوجك انو مو وسيم هذا خلق الله ما يجوز واتوقع شفتيه قبل الزواج
ليه وافقتي اذا مو عاجبك
من جد مثل ما قالت الاخت اللي قبلي هذي وساوس الشيطان
واذا انتي خلقوقه اتمنى ابتغاء الاجر من الله من عشان كلام الناس
(
كنت اكلمه قليل بس ما اكثر من الكلام حتى ما ياخذ عني فكرة مب زينه)

مو كل الأزواج والزوجات اتربطوا باللي يتمنوهم

هذا نصيبك اللي الله كتبه لك

( ارض بما كتب الله لك تكن اسعد الناس)

من اصعب الامور انك تقارنين نفسك باللي حولك

ترى تلاقينهم هم يتمنوا في ازواجهم صفات ويمكن تكون في زوجك

لاتقيسين بالظاهر البيوت اسرار وكثير اللي مو مرتاحين لكن مستمرين عشان ماتغرق السفينة

،
القناعة كنز لايفنى .

لو حبيتي زوجك فعلا كان مافكرتي بهذا الشخص..

التذمر والمقارنة طبع جدأ سئ..

غيري نفسك واسلوبك يتغير زوجك ياحلوه ..fg

على فكرة الرجل الي مايقصر مع امه هذا فيه خير كثير انا ام زوجي مو كثير طيبه معاي لكن مااحب اشوف ناقصها شي ..
الرجل مسؤل عن امه حتى لو تزوج ..

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

السلام عليكم ,,

,,,,,,,,,

أختي الكريمة أنا اطلعت على موضوعك الأول , وأعتقد مع موضوعك هذا اتضحت لي الصورة أكثر ,,

كمية الغيرة التي تملكينها إن لم تقومي بضبطها ستؤثر سلبا على علاقتكِ بزوجك وبأهله ,, وربما التقدير الذي تحتاجين لإشباعه مرتبط بالكماليات أو بأمور كان لكِ الخيار فيها قبل الزواج ,

تقولين أنك معروفة بأخلاقك وسمعتك , وتتكلمين عن أم زوجك بألفاظ خادشة , أستحي من اقتباسها , لذلك استغفري ربكِ واعرفي لأمه قدرها , فكم يؤذيكِ أن يتكلم أحدٌ على أمك بسوء يتأذي ربما أكثر منكِ آخرون فالتمني شيء والواقع شيء آخر , تتمنين أن تُرزقي بزوج مثقف ومتعلم وواعي وبمثل فكرك , لماذا وافقتي على زوجكِ الحالي إذا !! فبأي حال لا تجعلي واقعكِ أسيرا لأمنياتك , لأن القناعة مطلبٌ لكل البيوت .

لا أرى في موضوعك إلا إجلال لكِ ولأهل بيتكِ وإنقاص من زوجكِ وأهل زوجكِ فاتقي الله يا أختي الفاضلة ,,

ثم السفر للخارج ليس ضرورة , بل إنفاقها على الأهل إن كانوا محتاجين أولى وأوجب , وجعل الكماليات مقياس للمقارنة يجعل من الإنسان غالبا أن يكون عديم الرضى بقضاء الله وقدره , لذلك وصانا رسولنا أن ننظر لمن هو أدنى منا حالا ولا ننظر لمن هو أعلى منا ,,


انتهى

__________________

اتركي المقارنه الحمدلله عندك عيال وزوج غيرك يتمنى نص عالنعمه
اخذي فره على خواضيع المطلقات او المتاخرات بالحمل
السفر مو شرط من شروط الزواج السعيد

واذا كانت سلبيات زوجك كذا مايطلعك ولايسفرك
وشكله غير وسيم ولاهو جاي مثل فارس احلامك

_طيب انتي ايش سلبياتك .......
عندك الغيره وبتغاري من اهله وبتحقدي عليهم
ونكدتي على نفسك وعلى زوجك وهنا زوجك بيطفش منك ولابيتكلم معاك مثل ماطرحتي سبقاً تقولي:
زوجي مابيتكلم معي ومع اخته لا بيتكلم معها كثير ،
طيب كيف ياحبيبتي بيتكلم معك وانتي هذا اسلوبك ؛
بسراحة اقولها :
لاتقارني نفسك بغيرك
اذا كنتي بتشوفي ايش عند الناس وماعندك مثله سعادتك راح تنخفض جداً
وتتجاهلين ايش ماعندك انتي من خير ونعمه منتي عارفتها .

__________________

يا جماعه انتو هجمتو علي
الصراحه زوجي كثير مقصر معي وانا معاملتي معاه زينه وطيبه كثير بس هو الي يفضل اهله علي وما يعاملني مثلهم
عشان كذا الظروف اجبرتني اني اتكلم بهذا الشكل
الحين اوكي ما يحق لي اغار من اهله طيب والبنات الي برع ضروري يتكلم ويضاحك البنات الغريبات قدامي ما يراعي شعوري
خصوصا البنات المندفعات الجريئات يعجبه السوالف معاهن ويتحجج اني افهم غلط
وغير انه كثير اشيا تصير معاه أبدا ما يكلمني كله عنده بالسر وانا كاني غريبه
ويريدني انا الي اكلمه بالي يصير معي
وهو دائماً مشغول ولما اريد اروح السوق اقضي حاجتي ياخذني شوي ويرجعني كله مستعجل ومافي وقت
واذا صرت مع اهلي السوق يقول انتي دائماً تريدي تروحي السوق طيب انا اريد اقضي حاجتي مو جالسه اغازل
انا الظروف الي خلتني عصبيه شوي لكن الحمدلله على كل حال
وايضا انا موظفه وأساعد اهلي وهو زوجي يريدني اساعده انا بصراحه ودي اساعده بس ما اقدر لاني اساعد اهلي واخواني ايتام.
اذا كلمته عن بيت بروحنا يقول ساعديني
واذا بغيت سفرة يقول ساعديني عيل شو فايده الزوج لو صرنا ببيت بروحنا ما فيها مشكله راح اساعده ان شاالله.
وطبعا يا حريم انتو تعرفو ان بعض الرجال ممكن يخدع زوجته
الله يهديكم هجمتو علي بكلام جارح كاني شريره
وانا الله اعلم بحالي.