(مترددة بقبول خاطب ذو بشرة سمراء )

السلام عليكم ورحمه الله وبركاته


تقدم لي شخص اخلاقه عاليه جدا ومتعلم ويمدحوونه كثير
لكن فيه شيئ متردده فيه
سبب ترددي هو ان لونه اسود ........... وشفت صورته الصراحه مافيه شي مريب
لكن ااهلي يقولون عيالك بيطلعون سمرر ويقولون الشكل مهم ومدري كيف عشان الاطفال
واهلي من النوع العيارر ماودَي يعايرون عيالي بعدين
والله محتاره بالحييل حاسه انه حرام ارده
حاسه بتشتت محد شجعني والله مع اني ممقتنعه ببدايه الامر
لكن يوم شفت ردات الفعل ضاق صدري وترددت
ادري بيجي احد وبيقول ا(ذا جاءكم من ترضون دينه وخلقه فزوجوه) ادري والله
بعدين بالنهايه قالوا هذي حياتك وبكيفك

هيلب مي ابي مشورتكم

(تم التعديل ليتناسب مع المضمون)

استخيري كثيرا لما يطمئن خاطرك
والله يكتب لك الخير
ا

__________________
اللهم اغفر لي واهلي واحفظ لي عائلتي واهلي من كل سوء واجعلها هاديه مهديه ♥

ممم لون بشرته مو سبب للرفض ..

استخيري والله يكتب لك الخير

اكيد لون البشششره ماله دخل بالقرار
وغريب انك متردده اصلا عشان لون بشرته وعشان خايفه من شماتة اهلك فيكي!!!
وان طلع عيالك سمر ولا حنطين مافيها شي!!!
سوري بس تفكيركم مره سطحي
اذا ابن الحلال مافي شي يعيبه الا لونه توكلي علي الله
بس يا تري وش بيكون رد فعله لو عرف تفكيرك انتي واهلك بلون بشرته😳

مرومه نفس كلام اهلي
تقدم لي واحد قبل زوجي كان اسمر حييييل
وقال لي ابوي اختاري بس تخيلي شكلك وانتي جنبه الا يجي يوم وتزل منك كلمة اتجاهه
والا يجي يوم وتندمي
عشان عيالك وعشان تبغين واحد على الاقل مقبول تقدرين تصبحين عليه وتمسين عليه
انا شخصيا اقتنعت في كلام الوالد تدرين ليش ؟
لانه اعرف نفسي بس بدايات وراح اندب حظي وابكي وممكن اعايرة
لذلك اجلسي مع نفسك واعرفي وش خاطرك ووش بيكون بعد سنه وسنتين تفكيرك
يعني القرار يرجع لك لانك اعلم بنفسك
هذي عشرة سنين
و على فكرة يمكن هو اسمر وسيم يمكن وسامته تغطي عيب سماره
يعني فكري مضبووط
وشوفي كم عمرك يمكن هذا النصيب وجاء
الله يسهل لك

السلام عليكم اختي

القرار بيدك انتي اللي لازم تاخديه و تدافعي عنه بعد

بس نصيحة خدي اللي يبيك مو اللي تبينه

و بعدين ادا شاريك ما يهمك اهلك

بس ادا ما عندك هذي الشجاعة فارجوك لا تجرحيه

الله يتمم لك بالخير

تعايرينه بايش يعني يااختي بالضبط!!!
تقولي يمكن وسامته تغطي علي عيب سماره!!!!

يارب
صحيح

كلامك يخلي الواحد يصحصح كان ودي تقولي امي هالكلام الصراحه


والله وانا اختك اانا ماحب المعاير ولا ممكن اعاير بالعكس انا اقتنععت فيه بدايه مافتحوا الموضوع وشفت شلون ردات فعلهم وترددت


اعتقد بعد ردودكم بيكون عندي شجاعه اني اوافق عليه كنت محتاجه احد يدعمني والله
الله يكتب اللي فيه الخير
شكرا لكم ودي ينحذف الموضوع

حلاة السمر وفي مثل يقول السمار كل الجمال والبياض نص الجمال
هذا مثل يعني مو تاخذينه بعين الاعتبار

يعني ان تقدم لج واحد وهو جميل وتعايروا اهلك بجماله بس اخلاقه مو زينه وبعدين منو بيصبر عليه اهلج وله انتي ؟؟؟
اللون موعيب دام اخلاقه عاليه ومتعلم وين العيب ؟؟؟

عادي خل يطلعون عيالي سمر لافرق بين الابيض والاسمر الا بالاخلاق والسمعه والتقوى والدين
همسه : بيحطج بنص عينه لانج بتكونين احلى وافتح منه...هذي خمسه من مجربه
وهمسه اخرى هذا اللي اهلج يعيرونح فيه باجر بيكون افضل نسيب لهم لان كل واحد الاهل مايقبلون فيه عشان اسباب عياره باجر بيكون الافضل عندهم ماعليج منهم خذي استخاره وحطي رايج وخلي راي اهلج ورا ظهرج لان انتي بتتزوجين مو اهلج
وانتي اللي بتعشين مو اهلج وانتي اللي بتكونين حياتج مو اهلج فكري بعقل لاتفكرين بسطحيه الانسان باخلاقه وتعليمه واسلوبه مو ابيض واسود وافلام ملونه

لكي مني افض تحيه واسال الله تعالى ان يوفقج ويسعد بالج يارب

اذا تنظري و تستمعي لكلام الناس فلا توافقي
اذا كلام اهلك و كلام الناس لا يهمك فوافقي

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.