(برود زوجي تجاهي )
السلام عليكم ..
مممن البعض يشوف الموضوع جريء او مفروض ماينكتب خاص لكن اقولكم من تزوجت لليوم مرت 4 سنوات وانا اتمنى اكتب مشكلتي واتردد لكن اليوم قررت اكتبها فقط لهذا المنتدى المختلف عن المنتديات الزوجيه الباقيه لان هنا شفت الناس اللي فيه ع الاقل نقول انهم متزوجين وفاهمين وقادرين يحللون الوضع . فعلاا انا محتاجه حل استنزفت طاقاتي وحوارتي معه بلا نتيجة !

مشكلتي .. هي زوجي متزوجة لي 4 سنوات وماعندنا اطفال ، زوجي ياناس وش اقولكم عنه عنده برود فضيع تجاهي
انا الحمد لله ماعلي قاصر اهتمامي بنفسي فوق المستوى اشتري احسن الماركات اكشخ له دايم اشتري احسن العطورات والملابس حتى البيت له عطور خاصه، التسوق عشان كشختي له في البيت بحد ذاته تكلفني ميزانيه اروح بشكل دوري للصالونات حفظوني وحده منهم تقولي انتي عروس ؟ بكل مناسبات الاعراس انخطب لكن بس ارجع للبيت القى زوجي مو مهتم فيني ينام ويخليني وانا بقمه شياكتي . حتى لما نسافر ونحجز فنادق 5 نجوم وجو حلو ورومنسي والبس احسن لبس يخليني وينام. !! يمكن بالشهر مرتين فقط . لو احلف كل اسبوعين او 10 ايام مره تصير واغلبها انا اللي ابادر لعل وعسى يتحرك وينتبه لي وايام الدوام خط احمر ايام الويكند ع الاجهزه مشغولو غالبيتها يقوم الصبح يتروش لنفسه ع العموم انا سبق اقول الاهتمام لنفسي اولا ً وماعلي منه ولكن الان قررت ابعد عن الكشخه واريح راسي من الاهتمام شكلي بشتري قمصان دراعات ! واعيش لنفسي !!

انا اعترف اني انسانه انيقه ونظيفه جدا كنت حتى بالسفر اجيب شنطقه ملابس للصباح وللسهره وولطلعات وطقم الميك اب والتنظيف حريصه اطلع عروس مهتمه بنفسي وبوزني ووبشرتي وبكل حاجه واحسن قلت لكم هالصوره عشان تعرفون ماعلي قصور ! وع فكره لاحظت كثير بنات يشتكون نفس مشكلتي مادري اجل ليش متزوجين بنات الناس ؟؟ تبونا نطبخ ونضف البيت بس ؟! والله مرات اقول لزوجي اجل ليش جاي تاخذني من بيت اهلي كان خليتني انام عندهم ! يعني اقل شي لحظات رومنسيه نتابع فيلم سوى ابيه يقول ي فلانه لاتنامين الليل بنسهر بنتابع فيلم ابي اهتمام ابي يحسسني اني متزوجه وانه زوجي واني انثى وانه ينغري .. ........................... المشكله لما اشوف بنات عاديات جدا ازواجهم طايرين فيهم من هالناحيه والله اعرف وحده حتى العطر ماعندها ! والمصيبه اللي يكتبون كلام فارغ بالنت سوي كذا البسي كذا بينجن زوجك ! تعلمت ان الزوج لو له نفس بذا الشيء بيصير مو عشان شطارتك ! < رساله للبنات اللي بوضعي
انا وصله انه يتهرب ينام قبلي او ينام بعدي ومايجي الغرفه والانسان يحس ويفهم لدرجة مره قالي كل واحد له بطانيه . صراحه وانا ماقصر بالرد معه صرت اقوله لا الافضل كل واحد له غرفه احسن !
وااضيف ترا انا صارحته قالي امارس العاده !! وحلفته بالمصحف يتركها وشكله ماتركها . لاتقولون شايف شوفه انا مراقبه له ماعنده هالسوالف يمكن يشوف افلام ومستمر بالعاده هذا اللي اتوقعه فقط .


ياليت تكون ردودكم راقيه يمكن اتشجع واخليه يشوف الموضوع .
ابي تشرحون هل الوضع اللي فيه زوجي طبيعي ؟ وحللو مشكلته لو تقدرون ؟!
للامانه باقي جوانب حياتنا الحمد لله مبسوطين ومتفاهمين لو ادري بس اني مو عاجبته باي شي كان تركته لكن حتى هو يعترف ماعلي قصور .

(تم التعديل ليتناسب مع المضمون)

عندنا وعندك خير ...

عندك انا مايجي الا بالشهر مره وانا اللي اتلصق ..
حركات المنتديات سوي كذا وتزيني وتكخشي زي ماقلتي دقه قديمه ...

الافضل اننا نعيش لانفسنا وبس

مشكلتك فعلا منتشره
هذي هي الثقافه الي ندخل فيها
انا نقدر ندخل قلب الزوج ونعرف مفتاحه عن طريق هالحركات واللبس و الانوار والزركشه والبركشه فنظمن الحب والسعاده ترفرف على البيت هههه
انا كنت كذا وقالي طليقي كلمه ماانساها ترا عالاشياء لا تزيد ولا تنقص بالحب والغلا
يعني سويتي ماسويتي نفس الشي
اتركي عنك حكي المنتديات وخرابيط الحريم احس الرجال بدو يضحكون علينا من خرابيط تاجرات المنتديات
مفرش مضي الوان شموع ورمدري ايش
ترى الاكل الحين والهرمونات اثر بالرجال
ماعاد عندهم طاقه زي اول
والضعف انتشر وقليل الي يعترف
وانتي بلبسك وغيره تاثرين وتضغطين عليه
اتركيه والبسي عادي لبس مرتب ونظيف وقومي بواجبه وشوفيه
لا تخلفين جو توتر ضاغط ابد
الموضوع الي تتابعينه تابعي موضوع الاطفال
الله يرزقك الذريه الصالحه

صحيح والله ويطلعون بطل ويتحلطمون فقط بنهار رمضان وبايام الدوره مسوين فيها جنتل مان
مافي رجال
هالزمن بس متبطحين بالاستراحه وسوالف بالجوال مثل الحريم
مع احترامي للجميع

مافي ولا وحده متزوجة ماتبي العاطفه والاهتمام من زوجها !
رجااء اذا بتتزوجون بنات الناس وانتو بهالوضع لاتظلمونهم معكم اقعدو بالملاحق احسن !

سألتيه عن السبب دامك صارحته؟ هل ممارسته هي السبب فقط والله فيه سبب ثاني؟ هل يحس نفسه اقل منك مثلا لهالسبب يبتعد وينفرد بنفسه ؟ هل يعاني من ضعف ما ؟ ... يا اختي بعض الرجال قرون الاستشعار والحساسية عندهم زايدة وتوها اليوم احد صديقاتي وحتى من اهلي قايلة لي نفس مشكلتك!! وفعلا الغريب اللي تكشخ وتتعب عمرها صفر ع الشمال هههههه مادري انصحك فعلا تلبسي شي عاادي جدا جدا ! ممكن ؟ .. اتذكر قصة لاحد الاخوات تقول زوجها لا يرغب بها الا اثناء تنظيفات المنزل ( لما تكون حالتها حاله ) ...

موضوع ممارسة العادة هااذي طاامة كبرى ومن سنين يحذرون النساء بالخصوص ونسوا الرجال ! الرجل اشد تأثرا بها وصعب يقلع عنها وبنفس الوقت فعلا تبعده عن المممارسة الكبيعية والحقيقة مع الطرف الطبيعي وهي الزوجة ... يحتاج لشخص يثق به عشان ينصحه ويوعيه لحرمة هالشي وبنفس الوقت كانه قاعد يمنعك من حقك الشرعي ويحرمك من شي انتي محتاجته عشان تعفي نفسك .... اذا كان فيه احد من المقربين يكلمه ولكن من دون ان يحسسه بشي يكون ممتاز ،،

الله يعيينك وبعصر لك مخي مع تجارب الاقرباء اللي نفعت وبكتبها لك ،،،

ترا والله يالغلا اللي اسويه مو بس عشانه لاني تربيت في بيت وبيئه تهتم بانفسهم وبعد الزواج زدت الاهتمام
للتصحيح سالفه مفارش مضيئه وهالخرابيط وتاجرات حواء مهي عندي
انا مومنه ان مادام الحب حاضر وجو حلو ورومنسيه عصريه وشموع يكفي

ع سالفه تابعي موضوع الاولاد ؟ احمل من الهواء يعني !
شكرا يالغلا لمرورك

عزيزتي ليش نعذرهم ونقول العاده
يفترض انه من تزوج خلاص احترم زوجتك اللي قدامك !!!

ليش يستمرون ع العاده بعد الزواج متزوج يالاخ يدك مثلا ؟!!! في دليل يقول ناكح يده ملعون !
مفروض هو بنفسه يقنع نفس ويدور لنفسه حل ، انا عني ماقصرت ارسلت له حرمه العاده السريه وابشرك زدت بهارات وخوفته ! لكن ماحولي احد
والله شكل ببدا اعيش مرحله الانفصال العاطفي
شاكرة مرورك

الله يصلح حالكم

يمكن يشتكي من مشاكل عضوية

اساليه و اقترحي عليه تروحوا لدكتور

قلت له ورافض ويقولي انتي موسوسه ومعقده في هذا الموضوع ويشوف ان وضعه طبيعي جدا واني انا اللي غلطانه

مره جاه ترقيه بالدوام وسويت ليله رومنسيه وشموع واهديت له هديه وشكرني ونام وخلاني ولا عبرني
يالليت لو الرجال مو قادرين ع هالمرضوع لايهملون الجانب العاطفي الاخر عشان مايصير الموضوع كارثي بجد .

ترا سبق طلبت الطلاق كان فيه مشكله + هاذي المشكله
ورفض الطلااق بتاتا ويشوف انه وضعنا اوكي وانه ماعندنا مشكله

شكرا لمرورك

الله يهديك اختي وش هالعصبيه بالرد وهل قلت احملي من الهوا
الله يعلم بخصوصياتك انت وزوجك
وش يدريني انا عن حالكم بالضبط
اذا عنده مشاكل بالانجاب حاولو تحلوها عند طبيب
وراجعوا استشاري