زوجي يهملني منذ وقت طويل
(زوجي يهملني منذ وقت طويل )
السلام عليكم
معلومات عني
متزوجه من 12 سنه
عندي اطفال
ربة منزل لكن ناويه اتوظف واطلع من ذا القوقعه
جامعيه
سريعه الغضب
سريعة الرضى
متسرعه
عنيده لفتره وبعدها يطيح الي في راسي بمعنى اصح بعد فتره اقلب المشكله في راسي واتندم على ردة فعلي حتى لو ماكنت غلطانه
احب الاطفال وحنونه بس من تزوجته صرت عصبيه وما اتحمل اعيالي بسبب الضغوطات واكتشفت ان اعنادي لعب بزران يوم شفت اطباع المحروس
نجي لابو العيال
جامعي
منصب ممتاز
راتب ممتاز الحمدلله
عملي جدا
زعوووول جدا
مايبي مرادد وقت المشكله
عنيييييييييييييييييد اتعب وانا اقول عنيد
مواظب على صلاته الحمدلله
يحب الشغل واصدقائه
في حالات الرضا يكون طيب
المشكله
مدري من وين ابدا لكن
لي 4 سنوات ماني مرتاحه معه ابد ابد ابد
السنه هذي زادت المشاكل بسبب السهر اليومي واهمالي هذا غير الزعل الي يستمررر شهور هجر كامل اللهم يكون بيننا تواصل على الاشياء الضروريه فقط وكله علشان العيال
ما ابي اقول التفاصيل السابقه لانها تغث
لكن ببقولكم الحاصل ها الفتره
لنا شهور وحنا شيل وحط اغلب الوقت متقاطعين لو اغيب عنه شهورما اتصل وسئل عني انا الي اكلم وانا الي ابادر ناقشت تكلمت زعلت بكيت هددت مافيه فايده يعانداكثر
صار يستانس بوقت الزعل علشان ياخذ راحته برا البيت
علاقتي مع اهله حلووه جدا اقدرهم واحترمهم وهم نفس الشي لكن هو له فتره ما يروح لاهلي ولا يكلم الوالد الا من العيد للعيد فقط
وها الشي زعلني منه
قلت له الحين حضرتك ما توديني عندهم ومره تكلف على نفسك من العيد للعيد تكلم تعايد وبس وانا من اليوم ورايح بصير مثلك ومثل ما تعامل اهلي انا بعامل اهلك
مع انه يحترم اهلي بس التقصير مزعجني وسوالهم الدائم مضايقني
يعني انا ليش حاشمه اهلك لانهم اولا كويسين معي وثانيا علشانك تحصل بعض المواقف لكن اعرف احلها معهم
المهم
كنت معصبه قبل شهرين وارسلت المسج هو ما صدق وزعل طبعا قبلها كان لنا اسبوعين ماشيه امورنا
وهو قبلها ما كان يتصل علي ابد وانا مسافره وكنت استغرب طيب امورنا اوكي ليه ما يدق ويسئل بتقولون لانك تكلمينه والله طنشته شهر وشهرين ولا تغير حاله
المهم
بعد رسالتي له طنشني لحد ما جا العيد وعايدته ويكلمني برسميه ما كاني زوجته ا>ا حب يستفسر عن شي يخصه ارسل لي واتز اب
بعد فتره ارسل لي ع الواتز بصيغة الامر شوفي في اي تاريخ تبين اخذ للبنت موعد
بدون سلام بدون سؤال بدون ما يتطمن علي والا على العيال وكاني شغاله عنده لاحظو ان له تقريا شهرين ونص ما كلمني غير لما كلمته انا اعايده لاننا كنا مسافرين لاهلي
قلت له لا تكلف على نفسك طال عمرك شهور وانت ما تدري عنا ت على هذي
وما رد عي
وقبلها كنت مقهوره من تطنيشه لنا وشايل مسوليتنا ما يعرف غير المصروف اخر الشهر قلت له كوني من عائله غنيه هذا لا يعني انك تشيل يدك من مصاريف اعيالي انا لي شهرين عنداهلي لاني عامله عمليه فا مو معقول ابوي يتكفل باكلهم وشربهم عيب صح ابوي يزعل لو احط اريال با البيت لكن انا بعد احب ان زوجي ما يقصر يبيض وجهي على الاقل خصوصا ان الله مغنيه
طبعا كنت معصبه وانا اكتب الرساله وهي الي خلته يزيد بزعله ويوم ارسل لي المصروف طلع زايد عليه
لكن بدون ما يتكلم معي
المهم قبل 5 شهور قال لي انه عنده انتداب للدوله الفلانيه وراح الموضوع بعد رسالة الواتز انا قلت له لا عاد ترسل لي شي على الواتز انا زوجتك ماني صديقك ومن ها الكلامم ما رد علي
الصدمه
اكتشفت انه سافر بدون ما يقول لي قمت ارسلت له مسج وقلت
اهمال وتطنيش وتقصير وزعل با الشهور تحملت
اما انك تقلل من قيمتي واحترامي وتخليني سيره على السان الي يسوى والي ما يسوى لا الموضوع كبر وما ينسكت عليه وحتى لو كتب ربي اننا نستمر تاكد بيكون بيني وبينك حاجز كبير
كنت ناويه اكلم اهلي واتخذت بيني وبين نفسي قرار بعدم الرجعه له لاني با العربي مو مستفيده من شي غير الغثا برضو ما رد علي راح اسبوع ورجع
بنفس اليوم الي جيت بفاتح اهلي با الموضوع سمعت اعيالي يتكلمون عن ابوهم وانهم مشتاقين له ومتحمسين للرجعه رحمتهم وانطيت وسكت ولا تكلمت وهو برضو ما كلمني
رجعت للدوامات والمدارس واول ما شفته قال السلام واخذ الاغراض ودخلهم بدون ما يتكلم معي وانا مطنشه وواضح مالي خلقه بعدها الكلام موجذ للعيال وش تبون تاكلون وش اجيب لكم ومن ها الخرابيط وانا طنااااش ولا كاني موجوده له الحين 10 ايام على ها الوضع
ملييييت يا ناس ما كان كذا حتى لو طال الزعل واعرف ماعنده خرابيط غير ها الشله البايخه وشغله والواتس اب تصدقون انه قعد مره عني 4 شهور يعاند يحسب اني بمسك عليه ذاك الشي واقول له لاء رد على الي صار بيننا يعني انسان غريب صار
احيانا اقول يمكن من كلامي عنه عند الناس اول وعدم توضيح مشاكلي عند احد خلى الناس يحسبون اني مدلله وماعلي قاصر عنده وانه مدلعني
اتضايق لاصار عندي با البيت مع اني اشتكي من عندم وجوده عندنا لكن لا جا ودي يطلع ما ارتاح با النوم الا اذا كان برا الغرفه اذا كان فيها احس بكتمه
يقول لي لا صرتو موجودين با البيت ما اقعد واذا مسافرين ييحلى لي البيت
احيانا اتخيل كاني اشوف زول مر من قدامي زي الظل واتعوذ من ابليس لاحظت المشكاكل بيننا كثرت
احلامي كلها مرعبه صارت
لي فتره انتظم اسبوع على سورة البقره وبعدها انشغل
اقرا اورادي بعد الصلاة واحيانا انسى لكن الغالب اقرا
مليت من وضعي
احس نفسي وحيده بين اعيالي بس
والمشكله انه فوق شينه قوي عين الطلعه مع ااعياله وبس وانا محبوسه بزعمه يعاقبني
انا ما انكر اني اذا زعلت منه اشتغل با الرسائل لانه دايم عنده النقاش ما ينفع بيننا قلت اكيد مافيه نتيجه لانك تبيني اوافق على كل شي تقول
هذا شي بسيط
تعبت وماعندي احد افضفض له
على فكره كله كوووم والسفر الي صار بدون علمي كوم ثاني وانا حالفه ما اتكلم معه لحد ما هو الي يبدا ويعتذر ويوعدني ما يتكرر ها الشي مره ثانيه ما عاد الا هي اسمع من الحريم انه مسافر وانا اهز راسي كاني ادري ولا ابيه يكررها وعارفه اننا احتمال نستمر سنه او 2 ماعنده مشكله
ولا تحسبون انه فيه قصور لكن عنده عزة نفس غير طبيعيه فوق العناد
(تم التعديل ليتناسب مع المضمون)
التعديل الأخير تم بواسطة مدن السلام ; 06-09-2014 الساعة 02:24 AM
06-09-2014, 01:49 AM
ضوابط المشاركة
العرض الشجري