زوجي مسكته الشرطه اول يوم العيد - منتدى عالم الأسرة والمجتمع

07-10-2014, 04:55 AM

غلاة امي

عضو جديد

تاريخ التسجيل: Oct 2014

المشاركات: 11

زوجي مسكته الشرطه اول يوم العيد

[SIZE="4"]السلاام عليكم ورحمه الله وبركاته
اناعمري 27 متزوجه من 7سنين وعندي 2 عيال وبنت وزوجي عمره 31 و كل ماحصل فرصه او اول ماينزل المعاش يسهر
لين الفجر مع خوياه وبعض المرات يبات برع ولا يقولي ولايعطيني خبر اتصل عليه فوق العشررين مره ولايرد

لين اليوم الثاني ولا ادري هو وين نام ولا وين راح ولا مع مين عقب مايشبع نوم ولا في الطريق راد يتصل

يحرق علي لين ارد لانه يعرف اني بزعل منه واقعد اهاوشه وبسويله سالفه يقعد يتعذر وقول كلام حلو ويبرر

انه التلفون كان في السياره وفضى عليه ولا ماكان عنده رصيد وكان بيقولي كل مره نفس الاعذار حفظت

اعذاره ماعنده غيرها اقوله على الاقل طرش مسج عطني خبر اعرف انه متعمد مايرد ولا يقولي لانه اذا قالي

برفض وبزعل فيحطني في الامر الواقع تعبت من هالسالفه للازم في الشهر مره ولا مرتين ولا كل شهرين مره بس

اكره هالحركه ماكن وراه حرمه في البيت واطفال هو مطمن من هالناحيه لاني ساكنه في بيت اهلي شارطه

عليه وبنا ملحق في حوش اهلي ويعرف انه اهلي حولي ومطمن ومرتاح باله انه اذا شي استوا اهلي عندي اهم

شي يتمشى هو والشباب مايفكر فيني اكره يوم يسوي هالحركه ويطنشني انا خلاص من كثر مايسويها سرت

مااخاف عليه مثل اول ولا افقده بات ولا مابات سار عندي واحد يوم ازعل مش عشانه عشان كرامتي لانها

تجرحني حركته وماتهون عليه كرامتي من يرجع يحس بالذنب ويقوم يطلعنا ويمشينا مرات اعند اروح معه كيف

بتكون لي نفس اتمشى وهو بايت برع ولا يرد على اتصالاتي يقول عشان الاطفال بنمشيهم يحسب اني برضى اذا

مشاني وبيكون هو سوا الي عليه وريح ضميره

احسه مايحترمنيي لانه يعرف اني برضى مثل كل مره زوجي دايم يقول احبج ماستغنى عنج ومدري ايش كلامه غير

وافعاله غير احسه بياع كلام ويكذب على اشياء تافه يقهرني اقوله ليش تكذب على شي مايسوا سرت مااصدق

كلامه احسه كله كذب في كذب مرات اقولها في وجهه انا مااصدقك انت كذاب ويقعد يزعل بس هو خلاني كذا

مااصدق شي منه من كثر كذباته ومهمل في صلاته وخلاني مثله اهمل صلاتي بس الحمد الله الحين سرت اصلي واحاول

مااهملها لانه مابينفعني هو واذا اذن اصلي قدامه يمكن يحس ولا انبهه للصلاه علي من نفسي هو مش صغير

عشان اقوله قوم صلي ولا انبهه اذايبغا يصلي يعرف يظبط المنبه وعليه صيام شهرين دعم هندي بالغلط

ماشافه ومات ولين الحين ماصام من 4 سنين كل مره يقول بصوم بس ياجل لين متى الله يعلم مايحب يعطيني

فلوس في ايدي اذا نزل المعاش هو يوديني السوق واشتري االاشياء الناقصه احس تجيه قشعريره اذا قلتله

ابغا فلوس في ايدي لان المعاش مايكفينا الاخر الشهر بسرعه يطير معنه ماعنده دين سدد ديونه كلها ومش

ساكنين في اجار بس اذا حصل مبلغ حلو عادي يعطينيي مره جته 90الف وطلبت منها 60 الف وعطاني اما

المعاش مايحب يعطيني مصروف ماعرف ليش مع انه اريحله مرات يكون كريم ومرات يكون بخيل احس من دااخله

ككريم بس المعاش مايكفي ويصرف على اخوه الي مايشتغل صرت اذا عنده فلوس احبه واذا ماعنده فلوس

اكره لاني ماتعودت اكون ناقصه من الحريم احب اكون مثلهن ولا احسن بس الضروف قاهرتني احس اني مااحب

زوجي يوم تزوجته كنت ابغي اتزوج مثل البنات وبس اول سنين حبيته من سار يبات ولا يعطيني خبر ماعرف

الا في اليوم الثاني من كثر مايكررها صح في فترات متباعده بس ومن انه مايلبيلي كل طلباتي سار عندي

تبلد منه وكذباته وخياناته اول العرس بس الحين لا صار مايخون احسه مايستاهلني وانا تورطت يبيني اشتغل واساعده

لو اموت ماشتغلت هو اليي يتحمل مصاريفنا ولا ليش يتزوج من الاحساس انا احب زوجي هو يصرف عليه ويدلعني

حتى الهدايا مايهديني والبيئه الي حولي كل واحد يهدي زوجته بعد كل فتره واقعد اقارن بينهن وبيني

كان عادي عندي بس اخر هديه جتني منه قبل 6 سنين يوم جبت ولدي الكبير يابلي طقم ذهب ومن عقبها خلاااص

ماكنت حاسده احس سرت حسوده كله منه هو الي غيررني خلا عيوني على الناس

الطامه الكبرااا
واعدني اول يوم العيد فليل نروح نتمشى نقعد كم يوم برا في الفندق انا والعيال وفليل يطرشلي مسج انه

راح هو ويخويه وبيبات برع ماله ويه يقولي في التلفون وثاني العيد يتصل يقولي انه في مركز الشرطه

كان راجع غير رايه مابيبات ولف عليه واحد وتضاربو وشلوهم المركز الحين 3 ايام في الركز واليوم

بيفكونه احس خلاااص كرهته مش صغير يدخل في ضرابات وسجن وشرطه كيف اتصرف معه اذا جا ماعرف احس روحي

ملخبطه اريد اكون حازمه وهلي يسالون عنه ولا قلتلهم كل مره اقولهم شي مابيه يطيح من عينهم وهو مشدد اني مااخبر احد

زوجي فجاه مات ابوه ومتزوج 2 وهو متعلق فيه فاجاه كل الامور سارت فوق راسه و من ورث وورثه وتقسيم

ومحاكم احسه متشتت وتحمل فوق طاقته وهو الكبير وخوانه صغار ومتحمل كل شي بنفسه هو من داخل نفسيته

تعبانه من الحمل الي فاجاه سار عليه وهو مومتعود على هالظفط كان معتمد على ابوه في كل شي

كيف انا معه في البيت انا اول كنت اكشخله والبس اما من 4 سنين سرت في البيت

ماالبس ولا اكشخ البس لبس البيت اكشخ اذا بروح عند حد ولا حفلهه ولا عرسس سرت ما اهتم شافني حلوه ولا

لا ماعلي منه علي من الناس الي برع مع انه اذا كشخت و دخلت مكان الفت الانظار دايم اقول في خاطري

يحمد ربه اني خذته وكثير افكر في الطلاق هل هو لانه مايهديني هدايا ومايحسسني اني غير بالافعال مابغا كلام

زوجي طيب وحنون ومايعلي صوته علي واذا زعلت يذل روحه عندي لين ارضا واهم شي عنده سمعته عند اهلي و الناس

الحين كيف اتعامل مع زوجي كيف اواجه بعد مايطلع من المخفر ازعل منه لانه دخل المخفر ولا ماازعل لا تجاملوني قولولي كييف اتصرف وارتب اموري وايش اليي لي والي علي ادري كلامي ملخبط

[/SIZE]

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه