السلام عليكم ورحمة الله وبركاته:
اولا: الحمدلله حتى ترضى والحمدلله اذا رضيت والحمدلله بعد الرضا والحمدلله على كل حال.
ثانيا: رجعت للمره الثالثه ولكن كل المعطيات تدل على قرب نهاية العلاقه.
بصراحه مشاعري متلخبطه نوعا ما ،،،،نبدأ القصه من اول عشان تفهمون الموضوع بالتمام ،،،
انا: شاب مبتعث لكندا من اربع سنين ونصف يعني متعلم ولله الحمد واموري الماديه تكفي اني اتحمل مسؤولية انسانه بحياتي واوفرلها اللي هي تبغاه بحدود المعقول. للتو دخلت 23 سنه
هي: اخر سنه بالمرحله الثانويه يعني 17 سنه
اعترف باني غلطت اخذت انسانه مراهقه وسمعت الكلام ذا كثير وحتقولولي استحمل انت اللي اخترت ولكن الموضوع صار وانتهينا
المشكله اصبحت مشاكل: كلنا نغلط ونتعلم ،،كلنا نغلط ونعتذر ،،كلنا حتى لو مانبغى نعترف بغلطنا نعتذر ونغير الموضوع ولكن وصلت لمرحلة بعد اربع شهور سئمت انانية خطيبتي،،،انا دائما اللي اغلط بنظرها وهيا ملاك منزل من السماء ،،،انا اللي المفروض يسال عنها لاني انا الزوج ،،،انا اللي ادلعها واتغزل فيها لانها خجوله وماهي متعوده تقول الكلام ذا ،،،انا اعترف البنت واهلها محترمين وناس دارسين ومتعلمين ولها من الايجابيات كما لها من السلبيات ،،،ولكن مشكلتها ماتبغى تتعلم ،،،تبغى حقوقها كامله بس ما تبغى تعطي اللي عليها بمعنى هيا شايفه انه ماعليها اي شي تجاهي غير ترد عليا ،،،،جدا حساسه تزعل من اي كلمه ورضاها يطول ،،،وتصل احيانا انها تبكي ،،،احيانا اتكلم معاها عن نفسي واحاول استكشف نفسي من خلالها تبدا بموضوع انتا بديت تدقني بالكلام وانتا بديت تجرحني ،،،انا انسان مزاجي وهيا مزاجيه ،،انا عنيد وهيا عنيده ولكن اتكلمنا اكثر من 6 مرات على موضوع ترك المزاجيه والعناد بيننا وبديت اطبق كلامي بالفعل وهذا ولا كاننا اتكلمنا ،،،لم المس اي تغيير فيها غير اني اكتشفت انها مدلله بزياده واذا قلتلها لا تزعل وترميلي كلام تخليني انفر منها وافكر بالانفصال ،،اي خلاف يصير بيننا كلمتها المشهوره احنا ما ينفع نكمل مع بعض وبعد كم ساعه ترجع ووتكلم عادي ngt،،انا طفشت لابعد درجه ،،ماعندها استعداد تعطيني نص ساعه من يومها تتكلم معايا او تسال ومع الرغم انها عارفه اني مريض ليا اسبوع ،،،،مابتهتم غير بصحباتها وايش اشترت للزواج والنوم والمذاكره وانا اخر اهتماماتها ،،،ابعد عنها يوم ولا يومين تزعل تقول ليش ماتسال ،،واذا صرت اسال كل يوم تشوف نفسها ويادوب ترد واذا ردت نفس الجمل المعتاده من اربع شهور ،،،لدرجه اقسم بالله اعرف ردها لي من قبل ما ارسلها اي رساله ،،،مليت من الوضع ذا ،،،ماعمرها جت وفتحت معايا اي نقاش غير لمن بتسالني ايش بتجبلي معاك لمن تجي ؟! ولا رحت شفت الشي الفلاني وماعجبني ،،بالمختصر هيا فاهمه الزواج فرض راي وانا ما احب انه حياتي تكون بالشكل ذا ،،انا دلعتها بزياده كتبتلها اشعار وسويتلها تصاميم وكنت بصحيها الصباح للمدرسه وكنت بتغزل وبدلعها ولمن تكون تعبانه بسال عنها يوميا مرتين ل ثلاث مرات ،،،بالعربي اكره اشوفها معصبه او زعلانه او متضايقه ،،،من كلامها معايا ومن كلام امها معايا البنت بتموت فيني ومستنيتني ارجع،،،بس سؤالي لمتى حقعد كذا والله العظيم ماني حاسس اني انسان مملك وصار ع ذمتي زوجه ،،،بشوف الناس معايا بالسكن مبسوطين ومرتاحين مع العلم اني خاطب قبلهم ،،،زوجاتهم بنفس عمر زوجتي ومابيعانوا من المشاكل اللي بعانيها ،،،اوكي انا عندي سلبيات بس لمن بتقولي على عيب فيني أحاول اصلح من نفسي لانه في النهايه في صالحي ،، انا من الناس بحب الضحك والفرفشه وبحب اشوف الناس حولي مبسوطين وبكره الانانيين وثقيلين الدم واللي شايفين نفسهم،،،وبديت أحس زوجتي تتحول من انسانه بتستحي لانسانه ضمنت اني حكون لها وبسوي اللي يرضيها فبدات تشوف نفسها ،،،انا ليا 4 شهور ساكت بشوف لين فين بنوصل اخرتها ولكن لاحياة لمن تنادي ،،،بقولهاماحقدر اكلمك بكرااا تقولي اوكي وماصار بيفرق معاها شي،،،بصراحه اللي بفكر فيه اني حسحب اسبوع لاني تعبت من الوضع وعندي دراسه وامور ثانيه اهم من اني اجري ورا انسانه ماعندها استعداد تفضي نفسها عشان تتكلم معايا ،،،شي جد يجنن البنات اللي اعرفه في العمر ذا بينبسطوا ع الكلام الحلو وبيستنوا ازواجهم يكلموهم ومع الوقت بياخذوا ع الوضع الا الانسانه ذي صعبت افهمها ،،،يوم بترفعني في السماء ويوم مالها نفس تكلمني وتزعل مني من غير اي سبب
للمعلوميه: البنت ماهي مغصوبه عليا وسالتها قبل كذا وحلفت بالله انها مرتاحه معايا وتحبني ومستعده تعيش معايا ومتحمسه بس تصرفاتها تقول عكس الكلام ذا ،،،البنت مابتفهم شغلات كثيره عن الحياه كل اللي بتفهمه صحبات ودراسه ونوم وبس غير كذا بتقولي ما اعرف ،،اهلها بيطلبوا مني اني اصبر وانها صغيره وانا المفروض اعلمها بالهداوه وبالتعامل الحلو بس طفشت مافي اي تحسن وبديت اسام من العلاقه اللي من طرف واحد.
انتظر آرائكم بحياد ومن غير ظلم وفي النهايه انا جاي استفيد واستشير قبل استعجل باي تصرف اندم
عليه ،،ورجاء يكون رد منطقي
تم تعديل العنوان ليتناسب مع الموضوع
13-11-2014, 02:48 AM
ضوابط المشاركة
العرض العادي
