السلام عليكم ورحمة الله وبركاته ..
انا جديده ب المنتدى .. ومن المتابعين ..
وحابه اكتب مشكلتي الي تعبت افكر بحل ومالقيت حل بحس نفسي مشوشه مو قادره اﻻتب افكاري
قلت ممكن احد بيساعدني ..
بدايةانا عمري 23 سنه .. تزوجت من سنه ونص
عندي ولد عمره 8 شهور ..
احس بداية مشكلتي مع زوجي من اول ماملكنا وكتبنا الكتاب...
كل بنت طبيعي جدا بتقول كانت افضل ايام حياتها مع زوجها ايام الملكه ..
انا بصراحه استغربت .. ايام الملكه كلها قضيتها مشاكل في كشاكل مع زوجي
ابدا مو قادرين نتفق او نفهم بعض ..
وانا صبرت قلت اكيد عشان لسا دوبنا عرفنا بعض بعد الزواج اكيد راح نفهم بعض
وكل واحد يعرف طبع الثاني...

لكن تفاجئت بعد الزواج المشاكل كل مرا بتزييييد وتتعقد اكثر ..
اعطيكم امثله .. ممكن تشوفوها مشاكل بسيطه وومكن تتحل بيني وبين زوجي بالكلام والتفاهم لكن ابدا حاولن وماقدرنا...
اقولكن مثال قبل فتره قلتله في حاجات ناقصه البيت نفسي اجيب ابجوره وشتلات للبيت يعني احس ناقص البيت حاجات بسيطه .. قالي صح من جد
قلت اجل خلاص نشوفلنا يوم ونروح نقضي ... هو سكت وما قال شي ..
وبعد يومين كنت عند اهلي زياره
ولما رجعت لقيته مقضي وجايب للبيت كل الي قلت احتاجه .. وزعلت قلتله كيف تروح وتقضي بدوني انا اروح اقضي للبيت من اثاث وغيره مو الرجال وحصلت مشكله كلمه مني وكلمه منه وزعل يمكن اسبوع وشايف انه ابدا ماسوا اي شي غلط .

وبعد فتره نفس الشي لقيته جايب قطعة اثاث للبيت وانا ما ادري ودخل البيت وما اتكلم ولا قالي شوفي ايش جبت او ايش اشتريت على طول حطهل ف البيت وكلم اخته وزوجها يقولهم تعالو شوفو ايش جبت باخذ رايكم ..
انا هنا جدددا اتنرفزززت واخته وزوجها على طول جو وجلسو يتناقشو ويتكلمو بخصوص الي اشتراه وانا جالسه كأنو هذا مو بيتي ..
انا سكت وقلت ماراح اتكلم وحسزي نفسي ماشفت اي شي ف البيت . وراح اشنري يوم شي للبيت بدون ما اقوله واذا زعل بقوله انك سويتها قبل
واصلا مو من حقه يزعل ..لان معرف الزوجه تسوي وتقضي وتأثث لبيتها والرجال يدفع .. ودايما يزعل ويعصب ويسوي مشكله اذا جبت حاجه للبيت بدون ما اقوله
والله اييي شي لازم قبله يبغاني استأذن ..

اببدا مايفهمني ومو مخلي ليا اس اعتبار حتى ملابس ولدي للعيد يقول انتي اجلسي انا اروح السوق واقضيله .. طبعا ماخليته وحصلت مشكله وقتها ... ومشكال كثيييره حصلت من هذا النوع ..

ابدا مانتفق ومافي اي تفاهم .. وما احس بيننا اي حب .. من يوم فترة الملكه ماني حاسبه بحبه .. احس اني مجرد زوجه وبس مافي حب او اهتمام .. ابدا مهما غلط مايحس نفسه غلط ولا يجي يراضيني لو بكلمه 😠او هديه . وانا كنت دايما اراضيه لو عدت ع المشكله 3 ايام اقوم واراضيه ومايرضى لازم يوصلها اسبوع .. واذا ماراضيته يجلس حتى لو شهر ماعنده مشكله .. سواء هو غلط علي او انا غلطت ..

تعبت ما اعرف كيف اتعامل معاااه والله تعبت جاني القولون العصبي بعد زواجي بكم شهر مايخلي لي خصوصيه اذا يوم قلتله مثلا بروح صالون ... مايرضى يقول ماله داعي ايش بتروحي تعملي اجلسي في بيتك ..
انا شخصيتي كانت بداية زواجي ضعيفه او نقول تقريبا كنت جدا طيبه وامشي له حاجات كثير .. بس دحين تغيرت وصرت اخذ حقي واصر عليه وبقوه بس لاحظت ان مافي تغيير ابدا ..

(تم التعديل ليتناسب مع المضمون)

معليش طولت عليكم ..
وكلامي غير مرتب ..
بس ابغى احد ينصحني تصرفاتي غلط ؟ او هو الغلط؟؟
من كثر المشاكل انا مو قادره اصبر اكثر ...

ودايما بيجرحني ويقولي كلام معناه انا مو مصبرني عليكي غير ولدنا ..
قالها ليا كثيييير .. واوقات يقول لو مافي بييننا ولد كان رجعتك لأهلك ... واوقات يقول يجو البيت هذا غيرك 4 .. واوقات يقول انا متحمل كل شي عشان ولدنا يعني كلام كلو يبين انو هو كمان مايبغاني لكن مخليني عشان بيننا ولد

وانا افكر ب الطلاق حاليا . انا صغيره وماعندي استعدادا اعيش هذا الوضع حياتي كلها ..
واوقات اقول اتطلق وانا عندي ولد ولا اتطلق وانا عندي اكثر من واحد واظلمهم كلهم.
ابغى واحد يفهمني وافهمه تعبنا من المشاكل هو تعب وانا تعبت واخاف تأثر على ولدي اذا كبرنا ..
وافكر ب الطلاق واني اشوف حياتي .. وانا ولله الحمد جدا جميله ومتعلمه وصغيره ..

ونسيت اوضحلكن شغله اول ماخطبني زوجي اهله قالو عمره 29 سنه .. وبعد زواجي عرفت انه عمره 36 سنه .. وصارحته وقالي هما مسجلين تاريخ ميلادي غلط ..

ايش تنصحووني اتطلق واشوف حياتي وان شاء الله ربي يعوضني ب أنسان يفهمني ؟؟ والا ايش اعمل ؟ هو مايبغاني وانا طفشت كنت احبه والحب راح من قلبي بسبب كلامه ماصرت اطيق شي فيه

مكانه الانسب .......

__________________



احيانا يجب ان نفقد ذواتنا كاملة لكي نستعيدها كاملة ...

الله يعينك ،، تعرفي أخوي نفس زوجك .. كل شيء في البيت إختياره وحتى ملابس أولادهم هو يشتريها ، مايثق بذوق زوجته أبداً
من تصميم الفله إلى مواعين المطبخ والاكسسوارز هو اختاره شيء من برا السعوديه وشيء من السعودية ..
بس بقولها لك بصراحة زوجته ماعندها ذوق أبداً أبداً ،، ماأعرف إذا حاول ينمي حس الذوق عندها ولا لا .. في البداية هي كانت تسكت هي طيوبة مره وحبيبة مره بعد كذا خلاص هو تعود حاولت معاه يعطيها صلاحيات بس مافيه فايده تعود خلاص ،، صارت تاخذ منه مصروف واذا سافرت عند اهلها تشتري شغلات ع ذوقها طبعاً مو بالحجم اللي يعمل تغيير جذري في البيت ...
فأنت اطلبي مصروف ولاتقولي له ايش ناقص البيت واذا رحتي عند اهلك انزلي السوق ، مره عن مره راح يتنازل لك عن الشيء هذا ... لاتعطيه فرصه يلاحظ النقص ويتصرف من نفسه .

انت عنيدة و هو عنيد و ادا استمريتوا تعاندوا في بعضكم راح تضيعوا ابنكم في صراعكم

تعلمي كيفية التعامل مع الشخصية العنيدة

هو الرجل و هو الي يقود بيته و اسرته

يمكن تكسبيه و يكون مثل الخاتم في اصبعك بدون ما تعانديه

امدحيه و اشكريه و اغرقيه بالكلام الطيب

اجدبيه ولاتنفريه منك

يمكن تحصلي علي اكثر. من ما تطلبيه بالمسايسة

__________________

(انما يوفي الصابرون اجرهم بغير حساب )

لما جاب اول مره للبيت الشتلات والي كان ناقص للبيت بدون ماياخذك أعتقد كان يبغى يفاجأك ومتوقع انك تفرحي ولما شاف العكس ظن ان ذوقه ماعجبك أعتقد لهالسبب صار يعاند ويروح لوحده
لو أنك شكرتيه وبينتي له المره الجاية تبغي تروحي معاه باسلوب حلو وهادئ أعتقد كانت ردود فعله رح تتغير
العناد ماينفع مع زوجك ولا التعامل بالندية لان واضح أن شخصيته عنيده خذيه بالسياسة والاسلوب ورح تكسبيه ويعمل الي أنت تبغيه بس العناد والمشاكل مش حل ولابتجيب لك حقك

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

اشوفه حيل مدللك زوجك احمدي الله عليه

__________________


ما أنا في الدنيا الأ كراكب أستظل تحت شجرة ثم راح وتركها

والله العظيم ذوقي جداا حلووو .. والمشكله انه يزعل اذا جبت حاجات وبعدين ينبهر فيها وتعجبه ...مستغربه من هذا الشي والله
الله يعين ان شاء الله
ومشكوره ع ردك حبيبتي

تسلموو حبيباتي ع الردوود .. شاكره لكم ...
بس برضو المفروض مايخليني ع الهامش هو يقضي وهو يأثث وكل شي واذا طلبت شي اخذ اخته واشترالي او راح لوحده ..
اتوقع اي وحده متزوجه ماترضى هذا الشي

مع انه عارف ومقتنع من ذوقي

وعليكم السلام ورحمة الله وبركاته..
أتعلمي عندما قرأت لك هذا قلت هذه انسانه عنيدة جداً !
إذا كلا منكما تشدان بهذه الطريقة ستهدمين حياتك ، لازم يكون فيه طرف يرخي ، فلما يشتري زوجك بالعكس اشكريه ، إذا لم تعطيه الحب والإهتمام والأحترام فلن يعطيك شيء ..
لما يشتري في المرات القادمة اظهري قبولك واشكريه واخبريه مارأيك أن تأخذني معك لنختار بلطف وأسلوب ذكي..
لاتحاولي أن تتجادلي معه لأنه سيعند أكثر منك .
تعلمي كيف تكسبينه فقط ، مشكلتك سهلة إذا تركت العناد والجدال ..
وفقك الله .