تقدم لي واحد ثلاثيني مطلق .. التكمله بالداخل
السلام عليكم ورحمة الله وبركاته
مدري من وين ابداء
انا قد كتبت لي مشكله سابقه هنا المهم ماعلينا
انا تقدم لي شخص عمره 35 سنه كان متزوج وطلق زوجته وعنده منها ثلاث اطفال
بنتين وولد البنتين يعيشون معه والولد مع امه اللي عرفت انها ماتحملت تعيش معه بقريه وماتبغاه وراحت للجده
عند اهلها وطلبت منه الطلاق وتركت بناته معه وراحت وخلته وانها انخطبت وهي على ذمته ورفض يطلقها لين هيه ماطلبت الخلع
بس البنتين يعيشون مع امه وخواته بنفس العماره يعني كل واحد معه شقه من اخوانه
تزوج وحده ثانيه جاب منها ولد وراحت عنه نفس الشي والسبب انها مو حقة مسؤليه ومو متقبله بناته ممرا
حتى اذا ابوهم مو موجود خالاتهم مايخلونهم ينزلون لمرة ابوهم وهو مو موجود
راحت عند اهلها حاول يرجعها بس هيه رافضه سوت له بلوك بالواتساب على حسب كلام اخته لي
وانها مو حقة مسؤوليه ابد
هو مؤذن بمسجد وموظف مدني وله شقه ملك .. ماعنده الا هالثنتين هالبنات بس
لكنهم عايشين مع امه وابوه يعني بنفس العماره اللي هم فيها
زوجته الثانيه هو رافض يطلقها الا اذا طلبت خلع لان عنده طفل منها على حسب كلام اخته
طبعاً اكيد ماراح اخذ بكلام اخته يمكن تخبي عن اخوها شي لازم نسأل عنه
انا استخرت ومرتاحه له تمام الراحه ولأهله ولأخواته وكل شي !!
بس امي وخواتي رافضين اخذه بحكم ان عمري 23 سنه واني باقي صغيره وبتسكنين بعيد عننا
وبمنطقه ثانيه بس ذي مافكرت فيها لا كان فيه توافق نفسي وانسجام بين الطرفين
اخته قالت لي عادي ينقل من المكان اللي هو فيه بس يقعد سنه لأنه مايقدر يفتح بيت بمدن
يعني الرجال على قد حاله وبرضو على المهر تقول 40 بس !! احنا يا 50 او 60 مهورنا من غير الذهب والصاله والعشاء
انا احترت جد !! خواتي رفضوا هالفكرا وامي برضوا
خطبوني مرتين بس امي رفضت الفكرا وكلهم وحتى اخوي ماقالوا له اني انخطبت صرفوهم على ان اخوي رافض
انا ارتحت له
بس مو يقولون الأستخاره اذا استخرتي تتييسر امورك ؟ ولاكيف ؟
انا خايفه اصر عليه وبعدين يكون مصيري مثل اللي تطلقوا ؟
بناته بشيلهم بعيوني واربيهم ومابقصرعليهم والله لايجعلني اظلمهم بيوم
وبحترم امه وابوه !! ولأن ماعندي اب بعتبر ابوه ابوي الله يرحمه
بس افكر كثير اخاف اجازف وماني عارفه وش اسوي وش القرار الصح البنت واهلها مرتاحين لي كثيير !!
وانا ممرا مستحيه اني اتناقش مع امي بالموضوع ذا لأنها رافضه الفكرا وبنفس الوقت البنت عندها امل انهم يوافقون بيوم !!
تقول عادي نخطبك اكثر من ممرا اش المشكله
مممرا محتاره ااقول للبنت خلاص لاتحاولون ؟ مو عارفه
وامي رفضت هالخاطب من الأساس الا لأني مخطوبه من قبل بس خطيبي فصخ خطوبته مني
وممرا متحطممممه بس مو معناته اي احد يخطبني اوافق مستحيل لازم بعقلانيه افكر
بس جد جد محتتتتتتتتتتتتتاره مممرا مرتاحه للشخص ذا وحبيت بناته من كل قلبي امنيتي اربي بنات كذا
وفي نفس الوقت افكر اني حرام اني اقهر زوجته واتزوج !!
اشياء ببالي متلخبطه ماني عارفه كيف اسوي
14-01-2015, 04:19 AM
ضوابط المشاركة
العرض الشجري