
مشكلة الثقة بيني وبين شخص أحبه ..
السلاام عليكم
دي اول مشاركة لي .. بالمنتدى .. قريت أشياء كثيرة وعجبتني تفاعل الاعضاء مع بعض ..
نفسي اقول اللي بخاطري من زمن .. ولأحد ما اعرفه ممكن ارتاح نفسيا .. وممكن القى احد يسااعدني احل مشااكلي ..
انا عمري دحينة 28 متخرجة جامعية .. مشكلتي من عمري 13 سنة وانا ادخل بعلااقات مع شباب الى يومك هذا .. ماا عرف اوقات ادخل ب3 علااقات في نفس الوقت .. وما يعجبني احد جررررحت نااس كثييرة علقت شباب كثييرة فيني .. وانا تعلقت كدة مررة بكدة واحد وبالنهاية تركوني .. لين آخر شي وعممري 22 سنة تعرفت على واحد وهو الوحيد اللي حبيته من كل قلبي و كنت وفية معاه ولاا عمري خنته بأحد رغم انه اصغر مني ب 5 سنوات .. الولد متعلق فيني بدرجة ما أحد يتصور .. انا تخرجت وهو متخرج من قبلي .. حصل وجوني خطاب .. رفضت الكل وانا كنت اخاف من أبوي .. امي متوفية لها من بعد الثانوية من عمري 18 .. أبوي من النوع العصبي و و يضرب ويسوي اللي في راسه اهم شي سمعته وكرامته .. اللي حصل هو ترجااني وجلس يبكي اني ما اتزوج اللي تقدم وانا أصلاا ما أباه وفي نفس الوقت انا خايفة من ابوي و وعدته اني حرفض الرجال و حقول له في وجه اني ما ابيك ابوي غاصبني عليك وطمنته .. اللي حصل يوم شافني ما قدرت اقول له بوجهه اي شي .. غير اني سكتت لم سألني اني موافقة عالزواج ولاا مو ؟ ما رديت عليه وسألته عن حاجات بس .. وخرجت وابوي افترض من راسه نه ملكتي بعد 3 ايام .. انا من الصدمة قلت له كدة كدة اللي حصل و واللي ابوي قالها .. الولد انصدم جاته حالة هستيرية بكا و جلس 3 ايام يصيح طول الوقت كنت اتواصل معاه عن طريق سكايب 24 ساعة انامم وأصحى معاه .. جا اليوم الثالث وجاني رد ان الرجل رفضني .. لنه مو حاس اني موافقة .. فبشرته وقلت له ما بتزوج .. لكن م فرح ولاا اعتبر اني سويت شي عشانه .. لأنه كان متوقع مني اني اضحي .. وانا اللي ارفض الرجال مو هو اللي يرفضني .. دخلت مشاكل مع ابوي واهلي .. وعرفوا اني احب واحد وابيه .. صار ابوي يقول لي خليه يجي و انا ازوجك فيه .. لكن اللي حصل .. من بعد مشكلة الخطيب هذا هو تغير 180 درجة .. مو نفس الشخص اللي عرفته .. ما عاد يطيقني طول الوقت مشاكل .. على اتفه الأشياء يفوور وصاار يكرهني .. كل ما تتصير له مشكلة يرميها علي ما صاار يبغاني بالمررة .. لدرجة يقول لي أكررهك ما عاااد أبغااكي فكيينيي وسيبينني .. وصار يسب ويشتم وكل شي ..
خليني اقول على الحاجات اللي سواها عشاني .. اولا هو متربي مع ناس غير اهله .. ابوه وامه الحقيقين تركوه ما يبغوا فناس تانية ربوه واعطوه اسمهم .. وغير كدة هو شكله جميل و وسيم وفي عيلة غللط .. يعني اللي يشوف الولد على طول يبان وينعرف انه مو ولدهم لكن اللي تربى معاهم خبو عليه هالشي .. وامه ما تهتم فيه ولاا تدري عنه .. وبوه عصبي ويضربه .. وهو الوحيد أهله م ايبجوا عيال .. غير التحرشات الجنسية والمعاملاات السيئة والظلم اللي اكلها من قرايب الأهل اللي عاش معاهم .. هو حبني وعلى امل اني بعطيه وبعوضه كل شي .. أهله خطبوه له وحدة واهله جبروه يشوفها وراح عندهم وقال للبنت انا ما ابغاكي .. والبنت من ويوم وهي صغيرة تبغاه .. و تموت فيه .. حصلت مشااكل كثيرة بسبب موضوع الخطبة هذي .. ابوه حبسه بالبيت جالس ليومك دة 6 سنين محبوس بالبيت بسبب الموضوع دة .. خطبته كانت قبل ما انخطب بسنة ونص .. .. فاللي اقولها انه .. حقد علي وكرهني بسبب انه هو ايش سوا عشاني وانا ما سويت مثله .. ماصار يثق فيني بالمرررة !!! لعلمكم هو عمره ما شافني ولاا طلب مني صورة .. كل دة عشان يباني بالحلال .. ما يبى نسوي شي بالحرام و ما نتوفق ..
مشكلتي وانا من يوم وانا صغيرة .. عمره محد قال لي دة غلط ودة صح .. ولاا احد علمني كيف ممكن احافظ على الناس وكيف ممكن اتعامل مع الناس .. انا اهلي عندهم حاجة وحدة .. انك تآكلي وتشربي وتنامي .. ولم تكبري تتزوجي وعاد انتي وحظك مع زوجك .. ماافي تربية .. جاني تحررش جنسي كثييير من أصحاب ابوي فيني وانا صغيرة اكثر من مررة .. اخوي الكبيرة كان يتحرش فيني .. اكثر من مررة كنت مبسوطة وانا صغيرة من هالشي .. مع الوقت صرت اكرررههههه اخوي .. وا بوي من النوع بس همه نفسسه اكثثرر شي .. ما عمررره علمنا ولاا قال لنا شي .. ما احتكيت بالمجتمع .. ابوي ما يبانا نحتك مع الناس .. ما تعلمت ولاا اي اساسيات مع الناس .. يعني انا فقط انسانة كبرت وتعلمت بالمدرسة وحتى اللي تعلمتها ما كنت افهمه وو خشيت علااقات كلها فاشلة مع الشباب .. ودحين علاااقتي كل ما لها تخررب لني ماني عارفة اتصرف معاه.. قد ما هو ما يعاملني مو كويس أوقات ويكرهني ويسبني .. بنفس الوقت من جواة قلبه يحبني وما يقدر يتركني .. بس مع تكرار المشااكل الغبية اللي دائما اكون السبب صاار يمل .. ملل مني معاد يباني .. ندم انه تعرف على وحدة كبيرةة كان يحسب بعوضه حنان الأم والمجتمع ككل .. اعطيته العكس .. قد ما تقدم على وظايف ما توفق .. اي شغلاانه هو يسويها ما يتوفق .. كرهنني بسبب كل شي مو حلو يسير بحياته .. لدرجة صار عنده قناعة اني انا السبب في عدم تووفيقه بحياته .. لي معاه دحين 6 سنين وكل يوم مشاكل .. آخرتها من أسبوع قال لي ما عاد ابغاكي وما بتزوجك واللي بيننا انتهى .. انا حاربت اهلي و عانندتهم و اني ما حتزوج الاا هو .. واهلي خلااص اقتنعوا بفكرة اني ما بتزوج الاا هوو .. دحيين تاركني ؟ !! ماني قادرة استووعب اي فكرة
الولد صار نفسية ... بسببي .. يكرره اهلي بسبب كل شوي يبوني اتزوج ومتى بتزوج وانا كبرت ومحد بيتزوجني .. هوو حاط في راسه فكررة اني قاعدة اكبر في السن .. وهو معلقني وربي مو موفقه بأي حااجة متى حيتزوجني ؟!! وكل ما سمع اهلي عندي خلااص تجيه نفسية ان اهلي بيجبروني اتزوج زي المرة الأولى .. تعبت أقنعه انه ما بسوي هالشي تعبت افهمه محد له صلاااح في قراري .. من كثررر خووفه علي وصار يخاف مني ومن عدم ثقته فيني .. كرررهه لي كل ما له يزييد ...
ماني عارفة كيف ارجع اللثقة .. ما اعرف كيف مممكن اساعد نفسي واحس اني انسانة تفكر كويس .. او اني اقدر اتعامل معاه .. طول الوقت هو يحس ان اهلي وصحباتي وكل اللي اعرفهم افضلهم عليه .. ايش اسوي .. انا وصلت مرحلة اني ما عندي ثقة بأي شاب الاا هو .. ولاا اقدر اتزوج اي رجل تاني غيره .. مو عشان اقنعني بحاجات لاا .. شفت فيه حاجات ولاا عمري شفتها من اللي عرفتهم وانا عمري 13 سنة .. اعرف ماضيه وكل تفصيل بحياته .. حتى هو نفس الشي .. ماني عاارفة ايش أسوي .
لاا احد ينصحني ويقول اللي تسويه حرام من الأساس أنا أعرف ان علااقتي من الأساس ما يجوز .. لكن طالما ابيه بالحلاال وهو كان يبيني بالحلاال .. ابغى اصلح اللي بيننا .. قولوا لي انا كيف اتصرف واعامله كويس وارجعه لي .. حاليا صار يشوف بنت اصغر عمرها 16 يقول لي هي اعقل منك وانتي 28 وما تعرفي تفكري او تقدري الشخص اللي قدم لك كل شي .. ولاا انتي رااضية تريحييه .. ارجووكم ساعدوني انا كيف احل مشاككل نفسي ومشااكلي معاه ..