السلام عليكم ورحمة الله

انا كتبت قصة طلاقي في موضوع سابق
ما رجع واستجد .. هو زيادة تواصل طليقي والعذر تواصله مع بناته وبالامس صرح برغبته بارجاعي للمره الثانيه .
المره الأولي صديته رغبه مني باسترجاع جزء من كرامتي عندما تركنا بدون سبب حقيقي .
لكن بالأمس أعطيته فرصه بالكلام
وسائني اكثر ما قرئت منه ..
أوضاعه المادية سيئة ولا يستطيع يفتح بيت ثاني
لديه مبلغ مالي ويريد ان يشاركني بمشروع هو برأس المال ولنا بالعمل ولا اعرف مالغرض من هالشي ( عذره اعرف انك تعرفين تديرين المشاريع ) هذا صحيح لكن مو عذر عشان أشارك طليقتي بمشروع . قلت له شارك زوجتك او اهلك وانا بعطيك فكره لمشروع لكنه أصر ... وصرفته باني لا املك الوقت .
هو بالغربيه وانا بالشرقيه وتخطيطه ان يوفر لي سكن بالشرقيه اذا رغبت لكن لن يكون معنا دائما
يعني حياته الاساسية بتكون بالغربيه .
اعتذر واعتذر عن كل الي سواه فينا بدون الخوض بالتفاصيل .
وطلب ان نظل نتناقش حتى نلاقي حل مناسب
أمس ماقفلتها بوجهه بس اليوم اول ما قمت من النوم
كتبت له رساله وقفلتها بوجهه
انا سامحته من زمان لوجهه الله
بس داخلي كسر والله ما قدرت اتخطاه
غير اني احس انه يبغى يصلح غلطته
لكن مو من معزته لي .
ويمكن إحساسه بالذنب هو الي يدفعه لهالشي
انا متضايقه على حالي وحال بناتي
عندي فرصه أخليهم يرجعون يعيشون مع أب
لكن ما قدرت اتخطى كسره لي .
ويمكن عشان هالفرصه مشوهه من البدايه ومافيها. شي يدعوا للامل
راح ارجع زوجه ثانيه
الأحوال المادية سيئه
راح أعيش ببيت بدون زوج لين يشرف حضرته بالزياره .
غير اني شبهه متاكده بأننا لا نصلح لبعض .
اخواني وأخواتي
الي سويته غلط باني رديته ؟
هل انا انانيه لاني ما رضيت ب هالظروف الي عرضها ؟
غير احس اني رخيصه بنظره
كيف يرضى يعيشنا كذا
كأنه يحجزنا
وهو يعيش حياته كامله

انا جداً متالمه وأحس اني متخبطه .

الله يفرج همك عليك بالاستخارة

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

ياريت تحطي رابط موضوعك الاول
عشان اتأكد من قصتك



بس برأي لو بينتي اسباب رفضك افضل
حتى اذا كان جاد
وتحسنت ظروفة يرجع لك بكامل حقوقك وبكرامة ورد اعتبار

__________________
وقل ربي ادخلني مدخل صدق واخرجني مخرج صدق واجعلي من لدنك سلطانا نصيرا
ربنا هب لنا من ازواجنا وذرياتنا قرة اعين
واجعلنا للمتقين اماما

يبدو انه غير جاد سيعيدك لانه لا يريد أن يفقد شيء كان ملكه
قرارك صائب

عزيزتي هل من الممكن تخبرينا بقصتك ؟ أو بجزء منها

حتى نستطيع مساعدتك وتستطيعين أنتي أن تفضفضي قليلا لأنه واضح لي أنك متعبة كثيرا

http://www.66n.com/forums/showthread.php?t=257841


هذا رابط موضوعي الاول

اخواني وأخواتي ابغى رأيكم
برجع اكتب الإيجابيات والسلبيات بكل صدق
محتاجة مشورتكم .

و عليكم السلام شموع

شخصيا لم اقرأ الموضوع كله

لكن انا متأكدة انك اخدت قرار صح بعقلك قبل قلبك لانه شخصيتك تقول هذا الشئ

لانه زوجك ما قال كلمه البين اللي تحل الشفرة و هي انه محتاجك كامراة

هو يجور على اللي يحل مشاطله المادية

بالنسبة لبناتك محتاجين يعيشوا في ظل ابوهم، صحيح ما قلنا شئ
بس هم محتاجين يعيشوا اكثر في ظل زوجين محبين و هو اللي مو متوفر بينكم للاسف

ممكن يكون تفسيري غلط فما املك الا ان اقول الله يصلح حالك و يدلك على طريق الرشاد

اشوفك ماشاءالله عاقله وفاهمه وفيك رجاحه عقل
المقصد مو انك بترجعي زوجه ثانيه
لكن بتكوني اشبه بالمسيار
وكلامه عن الرجعه و المشروع مباشره غريب
لسه الظروف ماأوتيت لك للرجعه
عموما استخيري
والله يجبر كسرك ويخلي لك بناتك يارب

قرأت موضوعك كامل

عادة ما إفضّل اشارك في هذه المواضيع واعطي رأيي،
لكن لمست فيكِ ماشالله رجاحة العقل

انتِ ماشاء الله عليك بنت اصول ومحترمة وذكية
ماقصرتِ وحاولت تحافظي على بيتك.
هو ما قدّر النعمة للأسف !

وفوق كذا قعد يحط صور عشان يغيظك
ومن المفترض يكون اكثر انسان يحاول يحميكِ ويخاف على مشاعرك..

الوضع اللي شرحتيه بالنسبة للرجعة، صعب جداً!

واحتمال ماراح تستحمليه..

بيكون بعيد عنكم ولا راح يعيشو بناتك في كنف أبوهم..

اكتبي سلبيات وايجابيات رجعتك
واحسبي بدقة ربحك وخسارتك، واستخيري استشيري أهل الرأي السديد

ويارب اذا رجعتك فيها خير، يسهلها لك ويريح بالك ويعوّضك

طيب هو متزوج الثانيه وعنده عيال وحياته ماشيه
شنو تتوقعين سبب اصراره على ارجاعج؟