السلام عليكم

امس بعث لي طليقي رسالة يبلغني فيها ان بيسافر لمدة شهر تقريبا

وما وده ان بنتي تنقطع عن خواتها

ويبي ارضى ان بنتي تقعد مع خواتها في بيتهم مع مرة ابوها

- طبعا زوجته رجعت بعد ما عرفت ان طلقني -

قلت له مستحيل ان اخليها عند زوجته ، وحدة قطت بناتها ما أأمنها على بنتي-

قالي اهم كلهم بناتي ومابي افرق بينهم

قلت له لو حاب يروحون معاي انا ونطلع نلعبهم انا موافقة غير جذي لا ابدا


قالي خليها مع اختي افضل

قلت له يصير خير

قالي اللي فات مات ولا تكونين السبب في التفرقة بين بناتي

نسيت اقول شغلة مهمة

امه مسافرة علاج حق ظهرها


طبعا مستحيل اخليها تروح بيتهم

وبنفس الوقت في داخلي حجي كبير ووايد الي اقوله له بس ماني قادرة

شوروا علي

__________________
لا اله الا انت سبحانك اني كنت من الظالمين

البنت بنتك انتي

لا بنت اخته و لا بنت زوجته

حمايتها اولى من اي علاقة.. بعدين شهر مو كثير

هو ماعاد زوجك عشان ترضينه عزيزتي

ماتروح بيت ابوها وهو مو موجود

هي عادة كل شقد تشوفهم؟

برايي وديها عند اخته يوم الجمعة مثلا من الصبح واخذيها بالليل ..
والكلام اللي بخاطرج لا تقولينه له .. خلاص صفحة وانطوت ..

صلة الرحم واجبة فما بالك لو كانوا اخوانها سندها في الحياة
يا اختي السايلة ارسليها عند اخته خليهم يتواصلوا ويتعارفوا ويكونوا علاقة قوية صدقيني بنتك اكثر وحدة راح تضرر لوكانت علاقتها مع اخوانها سطحية بالتوفيق

أقول ـ والله أعلم ـ

1) جزاك الله كل خير على حرصك على بنتك ، وصبرك الله على هذا الطلاق ، وعوضك خيرا.

2) ما دمتي لا ترتاحين لزوجته ، فرأيك جيد وهو أن تذهبي ببنتك وبناته بنفسك وتتركيهم يلعبون في حديقة أو ملاهي ، هذا كرم كبير منك ولك ـ بإذن الله إن احتسبتي ـ أجر عظيم وإخال السرور عليهم وجعل بنتك ترى أخواتها.

3) ردي عليه بهدوء وقولي له : هذا رأيي ولن أقطع بناتك عن بعضهم لكني لن أرتاح إن أرسلها لوحدها.

4) تقولين : ( وبنفس الوقت في داخلي حجي كبير ووايد الي اقوله له بس ماني قادرة ) هل تقصدين الكلام مع طليقك ؟ هل انتهت العدة أم مازال هناك فرصة للرجوع ؟

__________________

عمتها مو وايد تشوفها بس ابوها كل يوم ياخذها ويقعد معاها 3-4 ساعات ويرجعها

واذا خذتهم عمتهم فراح تاخذهم يروحون على مول او مكان فيه العاب يلعبون ويتعشون ويرجعون يعني بالكثير 3 ساعات

بس ما اضمن ان عمتهم تروح بيت اهلها لاي سبب كان

وانا الصراحة كارهه البنات لانهم غير مستورات ولبسهم فاضح

الله المستعان

__________________
لا اله الا انت سبحانك اني كنت من الظالمين

يختي بنتك صغيرة

نغزني قلبي وانا مالي شغل 💔

لو انها اكبر شوي وتفهم اذا تاذت تشتكي كان معليه

بس والله صغيرة.. لا تتركينها لحالها ولا تامنين احد بالذات مرة ابوها

شهر فتره مو طويله
لبس بناته مالك علاقه فيه موهبه
واذا كبرت بنتك ان شاءالله لا تزرعين فيها هالكلام على خواتها
لا تاخذي وتعطي معاه بالكلام كثير
طنشي
اذا ما تبين تودين البنت لا تودينيها

ونعم الرأي اخت مبتعثه

الحمدلله قراري صح اني ما اخليها تروح


الكلام اللي بخاطري اقوله

ان بسبب هالبنات انا انهنت وانذليت وانطرت

وان طليقي خذا حقي عشانهم الله لا برضى عليه

وبالاخير قالي انتي اضحوكة ليش تصبرين علي جان زعلتي ورحتي بيت اهلج

الله يجعله اضحوكة ومسخرة للي يسوى واللي ما يسوى

فهل يتوقع بعد كل هالمعاملة السيئة اني بسوي شي عشان خاطرهم؟؟؟

الله ياخذ حقي منه في الدنيا والاخرة

واشوف بعيوني اللي ياخذ حقه منه وهو ذليل ......

__________________
لا اله الا انت سبحانك اني كنت من الظالمين