السلام عليكم
يالشعب المطلقجي
كل عام وانتوا سعيدين بعيدين عن الطلاق وهمه

انقطعت عنكم شهرين وابشركم خلالها
انخطبت ثم انفسخت الخطبة
ثم
انخطبت وانفسخت الخطبة
ثم انخطبت وشرد العريس وصرت اجري وراه ,,امزح امزح هذا الاخير قاعد يحوش تحويشة العمر عشان نتقوز قصته قصة ذا الاخير بس خلينا نسمي ونبدا بالاول
الاول حكيتكم عنه ف اول موضوع والحمدلله تم الرفض بعد 3 مرات استخارة وكل ال3 مرات ماارتحت و صرت اتحلم وافسر عند شيوخ ويقواون الله يعوضك بغيره بس ماارفضت بعد الاحلام انتظرت وراح الوالد سأل عنه وراح 3 شركات اشتغل فيها الولد وبعد التحري ومعرفة مكان عمله وسؤال اصحابه وجدناه غير مناسب مااحب اذكر التفاصيل غير اني ادعي ان الله يوفقه
الثاني خطبني ف اليوم اللي ابوي كان يتحرى فيه عن الاول وتم الرفض وجاء الثاني ثاني يوم نظرة طبعا مانعرف عنه غير انه من اقاربنا من بعيد وساكن ف مدينة ثانية من زمان
طبعا اهلي تشققوا فرح وقالوا بس هذا العوض وانا كنت فرحانة بس ف قلبي غصة مدري ليه حسيت الموضوع فيه ان .. ليش لان الموضوع تم عن طريق الرجال والغريب مااعطونا مجال نسأل ع طول جووا بالرغم اننا حددننا موعد بعد اسبوع يسألوا عن الولد لكن دقوا الساعه 12 الليل نفس يوم الخطبة قالوا احنا مسافرين ف طريقنا لكم ابوي ماقدر يعتذر
ماعرفت غير ان عمره 33 اكبر مني ب12 س مطلق ملكة \ ماتزوج وطليقته خلعته
وطليقته كانت محسودة وتتعالج وكانوا يلمحوا انها حبت شخص غيره ومجرد ماخلعته تزوجت هالشخص
جاء اليوم الموعود واحط لي خيارات ف عيوني وكريم ف وجهي عشان اكون تضرة ههههههههههه ليتني بس اكلت الخيارات واليوم كله وانا بس بطني يمغصني من الفرحة حسيت ان تعب 4 سنين بينتهي اليوم وطول اليوم والضحكة شاقة وجهي واهلي مو مصدقين اني انا بنتهم قالوا ايه اخيرا شفنا ضحكة صدقيه من4 سنين
المهم ويجي المعرس وانا قلبي دراق داق دووف
ويناديني الوالد والبس طرحتي والضحكة مو راضية تروح ويضربني ابوي ع راسي ويقولي اثقلي الثقل زيين وانا اقوله ياابوي تتذكر قبل لا تلتزمون كنت تغني وتقول انا ف انتظارك تقابلني وتسمع قصتي حتى النهاية ... شوي مااحس الا بضربه قوية ع راسي قال استحي قلت له ماصدقت يابوي 4 سنة يالغالي وانا ف حزن تبيني اقفل فمي ومااضحك
وادخل وانا كاشحه فاذا بي مااشوف شي وانزل عيوني وتجيني ام الركب والضحكة تتحول بكية وخوف وخجل الا والرجال يتقوى ويحط الرجل ع رجل ويقولي انا من بني عمومتك وستر وغطى عليك )) قلت جوت نفسي بس هذا فارس احلامي ههههههههههههه
وبدا يعرف عن نفسه ويقولي ارفعي راسك شوفيني وهذا حقك الشرعي زي ماانا اشوف انت شوفي وانا عيوني صوب الجاذبية الارضيه وابوي يقولي ارفعي راسك وتكلمي لايفكرك ماتتكلمين
قال خلاص ياعم انا ماراح اطالع قلت جوت نفسي فرصة وارفع عيوني حبة حبة واشوف الوضع واشوف اذا ابوي منتبهلي ولالا والقى ابوي يطالع في الولد قلت بس خلني اخذ نظرة وتجي عيني بعينه ويضضضحك الرجال وشوية تجيه حالة عيونه شرقت وقطب مدري ليش استغربت وفجاة يبتسم ويطالع وفجاة يقطب وينزل راسه قلت شكل فيه شي وفجأة قال طيب ايش رايك توقفين وتدورين اشوف طولك ) الوالد ملامحه تغيرت واشرلي مااوقف وهالشي وافق شي بنفسي لاني انقهرت حسيت اني عارضة ازياء للعلم شافني لما دخلت وشاف طولي
هو كان يبي عذر عشان يقول البنت طويلة اطول مني ماابغاها بس طلعت ف طوله او اقصر بسانتي وقف قدامي وهو خارج ووقفت وشاف طولي وقبل لايطلع جلس يتبسم ويسألني اطلع ؟؟ وانا اطالع ف الوالد والوالد يهز راسه فهزيت راسي بأيه فقام الوالد ويفكر ان الولد وراه ..الولد جاء صوبي ورمالي بفلوس الشوفه استغربت من الرمية رماها كأنه بيصوب شي اتجاه زبالة الله يكرمكم وطلع
احنا عاداتنا وقت الشوفة انه العريس يجيب الفلوس في ظرف في بوكية او ف علبه وهذى رمالي الفلوس من جيبه حتى ماسلمني اوحطها بأدب جنبي او اعطى الوالد والمبلغ كان اقل من المبلغ المعتاد ف العادات بس ماهمني هالشي همتني الحركة
مااخفيكم انا انقهرت جدا من الحركة وانا الحمدلله ماني ف حاجة فلوس تجي من غير طيب نفس او ذوق قلت يمكن لاني قببلت ف النظرة بسرعه يفكرني عشان الفلوس الحمدلله اهلي مو مقصرين عليه من ناحية الفلوس وابويه شهريا مخصصلي مخصص شهري ويحوله لي بالصراف عشان ماانحرج واطلبه والوالدة الحمدلله كل ماشافت شي نفسي فيه تجيبه لي صحيح هم طايرين يبوني اتزوج لانهم شايفين كل اللي ف عمري من قريباتي تزوجوا وحاسين بتأنيب ضمير من ناحيتي
المهم نرجع لموضوعنا خرجت من المجلس وهم دخلوا المجلس الثاني
وكانت فيه حقرة وودي ابكي وامي قاعدة تبررله تقول يمكن مستحي يمكن متعقد من تجربته الاولى يمكن احد موصي عليه يثقل
المهم جاء الوالد عند الوالدة قالها العشاء قالت امي طيب وجهزنا العشا وابوي جالس ف غرفة الطعام ع اساس يعطي الولد فرصة مع عمه يتشاورون ورجع الوالد قومهم للعشا وهم ع العشاء قال عمه ولدنا خجول وولدنا طبعه يستحي فاذا ممكن تخليه يرجع يشوف بنتنا
قاله الوالد لا .......وبعد العشاء جاء الوالد استشار الوالدة قالت ايه مافيه اي اشكال خليه يشوفها الوالدة كانت تحسب ان الولد بيحسن موقفه امامي وامام الوالد وانه بالفعل مستحي وتصرفاته لاارادية او بيعتذر
دخلت للمرة الثانية بس هذي المرة جيت وانا كلي قوة قالي اسمك رديت عليه عمرك رديت عليه ويش تدرسين رديت وهو صار مرتبك لاني ماني خجلانة قال ودك تعرفين عني شي قلت له بسأل الوالد عنك الله يسلمك )) لاني ماابي اطول الجلسة لان الولد ماعجبني حسيته متقلب مرة يضحك مرة عيونه تشرق ويقطب ويحمر وجهه وشكله كأنه ودة يذبحني ويطالع فيه بنظرات تخوف كأنه يقولي بقتلك وحسيت ان كرامتي انهانت وحسيت انه مجبور علي قلت جوت نفسي اكيد عمه مدخله مرة ثانية غصب
وبينما هو قاعد يتقلب في حركاته التعبيرية ويتمقل ف وجهي ويدي واظافري والله حتى رجلي ماوفرها بالرغم اني لابسة لبس طويل وواسع وطرحة قلت للوالد عن اذنكم وخرجت ايه صح والوالد رد للولد فلوسه لانه انقهر لما قلت له وبعد ماروحوا يدق علي اخوي الكبير يقولي كيف بشري صرت ابكي وهو بس يسمع شهقات قالي ايش فيك قلت له انا الكل بعد طلاقي صار يسترخصني انا ايش ذنبي حتى طلاقي مالي يد فيه وانا احلى سنين شبابي 18-19-20-21راحت مع الطلاق ووجعه قالي استهدي وفهميني بس حكيته وقلت له اتصل الان ع الولد وقله مافيه نصيب قال انت مجنونة قلت ايه اتغدى عليه قبل يتعشى علي و ترى الولد مجنون مرة يضحك ومرات يعبس ومتكبر ويرمي الفلوس علي بقوة وحيرني ايش فيه لما يضحك قلت بس عجبته ولما يقطب وعيونه تشرق قلت ماعجبته خلاص ريحني وقولهم ماابي قال انا مابي اقطع نصيبك وننتظر قلت طيب وانا ف داخلي حاسة انه مافيه نصيب وورى هالولد شي لانه ماتزوج من قريباته المرة الاولى والمرة الثانية ساب قريباته وجاني وانا قرابتي فيه من بعيييد وف مدينة ثانية بعدها بيومين ارسل عمه رسالة الله يكتب الخير وبعدها ب3 ايام قال ابننا يعتذر عن خطبة ابنتكم بسبب دراستها .طبعا انا هنا ثقتي انهزت انعدمت انمحت والله من زود الصدمة رحت الحرم وبس ابكي ع حظي احس ان الكل مسترخصني وحسيت نفسي بشعه وللعلم الحمدلله مافيه احد قد شافني وذمني ودايما انخطب ف المناسبات ويهونون لاعرفوا اني مطلقة او ماينكتب نصيب من ناحيتنا لما نجي نسأل وحتى اهلي استغربوا قالوا يمكن فيها سحر والولد شاف شكل ثاني االمهم اتصل اخوي قالي شوفي تبين الصدق قلت ايه قال انت شفتي ضربة ف وجهه وغرز قلت ايه قال انا ماكنت بقولك ولا بقول لاهلي لانكم كنتوا ميتين فرح وماكنت متأكد ترى الرجال يوم اتصل قريبه يخطبك انا رحت سألت واحد من اقاربنا وقال ترى انتوا 9 بيت يخطب بنتهم والرجال حصل عليه حادث قبل 6 سنة وفقد قدرته ع الانجاب(الله يعوضه ويرزقه ) وانا سألت عمه وعمه انكر هذا الشي وبعدها قال اقولك نحدد الشوفة بكرة عشان الناس ناوية تخرب بيننا وانا يااختي ماقلت لك عشان مايدخل الشك لقلبك وينقطع نصيبك وانا هنا عصبت من اخوي وصرت ابكي زيادة واقوله ليش ليش ماتقول قال انا ماني متأكد لان اهله انكروا وبعدا بيوم اتصل عمه ع اخوي بحكم انه صديقه جلس يتعذر وقاله اخوي انا اعتب عليك انك عارف ان الولد مايبغى بنت تدرس طب ودخلته نظرة مرة ثانية والولد كان عنجهي وحركاته مع البنت غريبة قاله والله والذي لااله الا هو ان مو هذا السبب السبب مو ف دراستها او شكلها والله الولد ماقال ف البنت الا كل خير وعجبته بس دخل المجلس وكان ساكت واستغربنا سكوته قلنا شكلك تبي تملى عينك من البنت وعجبتك خلاص ندخلك مرة ثانية ومارفض وعشان كذا طلبت يدخل مرة ثانية لكن تبي الصدق قاله ايه قال شفت يوم انك سألتني عن الحادث وانكرت قاله ايه قال انا ماكنت عارف انه فقد القدرة ع الانجاب وهو قالي لاني كنت ضاغط يقولي سبب رفضه خصوصا ان الحركة تتكرر وتعب امه كل ماتخطب له يسوي نفس الحركة خايف يظلم بنات الناس وعشان كذا امه ماجت ولاابوه لان ولدهم بيفشلهم ويخلي الرد يجي منكم لانه مايبغى يتزوج ويظلم بنت معه وع فكرة ترى هو طلع روح زوجته ف الملكة وجلس مملك 4سنة عشان هي ترفضه وع فكرة ماكانت تدري لانها من مدينة ثانية ولاعلمها ولابغى يظلمها وحصل اللي يبيه وطلبت الخلع وردتله مهره وتزوجت غيره
وسامحوني وحللوني والله ان هالكلام كله ماقالوه لي اهله الا اليوم )) طبعا مستحيل عمه ومايدري بس اتوقع حس بتأنيب ضمير والوالد تأكد وطلع بالفعل صارله الحادث
بس انتهى الموضوووع وانكسر قلبي لاني فعلا تحلمت اني بخرج من ازمتي والكرب اللي انا فيه خلاص تعبت من الطلاق واسم مطلقة اخذت اسم مطلقة 4 سنة والان بعد شهور بكمل 5 سنة اكثر مما اخذت اسم متزوجة
بنيت احلام وامال حتى تحلمت اني بجيب اولاد وبنات وبحكيهم عن صبر امهم وبضحك
بس الحمدلله ع كل حال .... مدري ليش هو متعقد يعني لو انه يصارح بيلقى اكيد اللي تقبل وكان ممكن اي وحدة تقبل ويتبنون طفل من دور الرعاية بس هو قفل الباب ع نفسه لكن مااقول غير الله يسعده ويوفقه ويريح باله ويشفيه
طبعا الثالث كان متزوج بنت عمه كانت صغيرة مثلي يوم تزوجت 17 وطلقها بعد شهر وجاء خطبني بعد طلاقي ب3 شهور طبعا من دون لاااعرف شي رفضت لانه واضح مثل طليقي قالت الوالدة فكري قلت ويش مواصفاته قالت مادرس توظف عقد وانفصل ساكن ف غرفة ف بيت امه استخرت استخرت وماارتحت وراح تزوج قريبته وطلق مرة ثانية والان لما سمع بخطوباتي اللي انفسخت قال لقريبته قولي لها بخطبها بس تنظر اجمع مهر طبعا انا لارفضت ولاوافقت التزمت الصمت )) ابد ماوراي شي هههههههههههه واقفه بالاطلال انتظره

والله ان نفسيتي حييييل منكسرة وحزينة ع نفسي حزن كبيييييييييييييير ودي ابكي بس تعبت من البكى وصلت لمرحلة احس اني عايشة ف كابوس واصرت انام كثير واتمنى اصحى واحصل هالكابوس انتهى بس للاسف اصحى ع نفس الوجع نفس الألم نفس الحال والحمدلله ع كل حال

واخر شي اطلبه منكم تدعولي ف هذا اليوم الفضيل ان ربي يرزقني عاجلا غير اجلا بزوج طيب وصالح ومخموم القلب ويسعدني وينسيني كل حزن وكل كسر في قلبي ويعوضني بعوض جميل ويرزقني منه الذرية الصالحة السليمة

__________________
ربي أسألك تعلقاً بگ وحدكـ
ودنيا خالصةً لوجهگ
استغفر الله الذي لا إله الا هو عليه توكلت وهو رب العرش العظيم)

الحمدلله
ماعند الله خير
الله يرزقك من واسع فضلة

كان الله بعونك

الله يرزقك الزوج الصالح يا رب..

__________________

(( هناك مواقف أيقظتني وصنعتني من جديد..
وهناك علاقات توقعت منها الكثير ووجدت منها القليل..
وهناك دروس لم تكن بالحسبان، لكنها علمتني الأنتباه ! ))

أسأل الله العظيم رب العرش العظيم أن يرزقك الزوج الصالح

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

الله يرزقك الزوج الصالح

بيجيك رزقك يالجميله
ادرسي وعيشي حياتك ورزقك عند الي ارحم فينا من امهاتنا سبحانه

صباح الخير
أول شي مبروك على الستايل الجديد
مبروك عليكم الشهر وكل عام وأنتم بخير

وبالنسبه لك يامطلقة صغيرة ، أنتِ على فكرة لسى صغيرة ياعمري وقدامك الحياة
أستمتعي وعيشي حياتك ورزقك رح يجيك بإذن الله ،
مو يعني مطلقه يعني خلاص مرح تتزوج
العكس ماشاءالله مطلقات كثير متزوجات .
الحين كملي دراستك .. ربي يوفقك ويرزقك الزوج الصالح .

__________________

يابختك

راح يجيكي بإذن الله اللي يسعدك ويعوضك عن سنين الانتظار

ماضاقت الا وفرجت

سيأتيكي زوجك (اللي مكتوب اسمه وانتي في رحم امك) في الوقت المناسب

وهذه الخطوبات المنفسخة ماهي الا زيادة خبرة وتصبيرة لكي وتجعلك تتمسكي بزوجك اكثر واكثر

وصدقيني يابختك ( وعيني عليكي باردة)

انا لااعلم الغيب ولااجرؤ على ادعاء ذلك ابداً

لكن ملاحظاتي على الحياة جعلتني اتوقع لدرجة قريبة من التأكد (كله بأمر الله سبحانه وتعالى) انه راح يجيكي زوج راح تنبسطي معاه (مو شرط اول سنة او سنتين)

بس انتي افرشي سجادتك وادعي ربك من قلب وبدموع وبصياح مكتوم وبلهجتك العادية انه يرزقك بابن الحلال اللي يسعدك وتسعديه

بس تكفى وانا اخوكي

لاتشوفي نفسك عليه وتتغلي وكأنك انتي المتفضله عليه بقبولك له

وانما اشكري نعمة الله عليكي ولاتتبطري عليها

واشكرك لك اسلوبك الرائع اللي يفتح النفس لقراءة قصة حزينة (ابداااااااع)

الله يوفقك

ما شاء الله باين عليك حبوبة وروحك حلوة ومرحة ..
لا تخلي التجربة تأثر على هالصفات الحلوة فيك .. <<< حبيتك
وبعدين ليه تقولي خطوبتين وانفسخوا ..
هي بس نظرة شرعية وماصار نصيب .. أساسا ماحدثت خطوبة عشان تنفسخ ..
الحمد لله توك صغيرة ولسه بتدرسي.. لا تشيلي هم الخطوبة والزواج ..


نصيبك بيجيك إن شاء الله في الوقت اللي ربي كاتبه لك .. أحسني الظن بالله وستري مايسرك ويرضيك بإذنه تعالى ..

بت يا مطلقة

اضربك؟ 😂

متتكلميش زي المساكين

لانك مش مسكينة

ربي رد عنك الشر بس عشان كاتب لك خير اجمل

اضربك مرة ثانية؟ 😂

قلت لك نصيحة اجلي الزواج لين تتخرجين.. الامتياز واللي بعده سوي اللي تبين 💜

حتى لو تاخر الزوج.. كملتي اربع سنوات على قولتك تحسين بالكسر والحزن

لو قدر الله وجاك بعد 10 سنوات.. بتكملينها بحزن؟

__________________

اختلافي عنك لا يعني اختلافي معك