السلام عليكم ورحمة الله وبركاتة
والشهر عليكم امبارك

العنوان واضح انا لا بغيت افزع مع المدام بالمطبخ وخاصة برمضان
تزعل تقول انت تحوس علي المطبخ ولا فية انتاجية
انا بصر احة ما خلي الحوسة بس ودي افزع معها
ولا احسسها ماتكون الوحيدة الي تتعب ويكون
العمل مشترك ادري ان شكل القيمات الي اسويها
تفشل تطلع معاقة لاني اخلي اشكلها مختلفة
بس ودي اسوي شي

السؤال/ تضايقين لادخل معك زوجك المطبخ

__________________
سبحان الله وبحمده سبحان الله العظيم

يضايق اذا فعلا اذا مثل ما قالت حرمتك
حوسة و مافي إنتاجية
وأزيد على كلامها ان ممكن تزيد عليها المواعين و الأشياء المتناثرة على الفرن
و تخبيص و اعاقة حركة الزوجة بشغل الزوج مكان على الفاضي


لكن لو كان فعلا الزوج راح يعمل طبق مميز و بأقل الخسائر
فلا مبرر لغضبها


الا بعض الزوجات التي تعتبر الطبخ متعة و مهمة خاصة تستمتع بها
فسواء ساعدها زوجها او لا. ستغضب من وجوده

__________________

على حسب انتاجيته
زوجي يعيقني ويجلس يسأل في تفاصيل التفاصيل
أنجن
فأختار أنجز لوحدي أفضل
بدال لا يضيع الوقت بالشرح !!

__________________
الحمدلله الذي بنعمته تتم الصالحات

انا توقعت انكم تستانسون يالحريم طلعتو مثل زوجتي

__________________
سبحان الله وبحمده سبحان الله العظيم

لأنكم تسببون الفوضى

إلي مخليني ساكته طبخه أحلى من طبخي

والا كان طردته وخليت غسل الصحون عليه

علشان أريح بعد الطبخ وأتجهز علشان نطلع للمسجد نصلي التراويح

يمكن هيا ما تبغاك تتعلم على الطبخ خايفة تقلب حرمة
كذا الحريم
امي اذا شافتني اطبخ تعصب وتطردني مع انني اعشق الطبخ

[
لا انا بصراحة ما اسئل علي طول ابلش شغل علي الصامت

__________________
سبحان الله وبحمده سبحان الله العظيم

الحمدللله اعرف اطبخ بس ماحد معطينا فرصة قتل المواهب هههه
بس المواعين ماعرف اغسل حتي ملعقة

__________________
سبحان الله وبحمده سبحان الله العظيم

بالعكس ما اتضايق لما اكون فعلا محتاجه مساعدته سواء في رمضان او غيره هو مايقصر ابدا ...
طبعا في رمضان يساعدني بتحضير العصير مثلا ويحضر السفرة و مرات كثيره يساعدني في غسل المواعين
وبعض الايام يفزع في السحور ويسوي كبسه ..
هو عموما غير متطلب يخدم نفسه بنفسه ... وهذي أهم ميزة حبيتها فيه

تصدق يمكن هذا تفكيرهم
وحنا علي نياتنا نبي نمثل دور
الزوج المتعاون والهم يكون مشترك

__________________
سبحان الله وبحمده سبحان الله العظيم