بسم الله الرحمن الرحيم
السلام عليكم ورحمة الله وبركاته
انا عندي مشكله اتعبتني واتمنى ان رب العالمين يفرجها علي انا بنت عمري 19 سنه احب ولد خالتي هو اكبر مني بأقل من سنه بس مدري اذا هو يحبني او لا والله مو بيدي من عمري 13 وانا افكر فيه كل ما اشوف شي اتذكره على طول
وطول الوقت افكر فيه تعبت والله العظيم تعبت وكنت متفاءله انه ممكن يكون يحبني ويبيني ان شاء الله بس قبل فتره سمعت من اخته انه ما يبي يتزوج ابداً بعذر انه يبي يتونس بشبابه وما له خلق مشاكل الزواج وما يبي انا ملاحظه من زمان انه ما يصلي حنا اذا صار جمعة اهل نجتمع العصر ويمر المغرب والعشاء ما اشوفه يروح يصلي وانا اراقبه بدون ما يدري واشوفه على مواقع التواصل الاجتماعي يرد على بنات وطاق معهم الميانه بس مو مره والواتساب انا حافظه رقمه عندي بأسم بنت ودايماً اراقبه وادخل اشوفه اذا متصل او لا والله ما اكلمه بس اراقبه مدري ليه وقبل فتره الغى خاصية الظهور وصرت الحين كل شوي ادخل متى اشوفه متصل واذا ما لقيته متصل طول اليوم خفت وجلست افكر ليه ما دخل حاولت اني اكرهه لانه ما يبي يتزوج ابداً واني ما اشوفه يصلي وبسبب رده على البنات في مواقع التواصل الاجتماعي بس ما قدرت حاولت اقنع نفسي اني عايشه بوهم والله ما قدرت انا تعبت الله يسعدكم ساعدوني وادعوا لي ان رب العالمين يرزقني بالزوج الصالح اللي اتمناه ويفرج عني كربي الله يرزقكم اضعاف ما تدعون لي

ريم حاولي بقدر ماتستطيعي أنه ماتخلي أحد يملك قلبك، الرجل أصلاً مو لمك وشكله مراهق وتفكيرك بوادي وأنتي بوادي، والأرجح أنه أصلاً ماراح يفكر فيك ولا ناويك ولا فيه أي أثر أو صلة يمكن تدلنا على أنه يمكن يحصل تقدم بينكم.

لذلك نصيحة قاومي أي رغبة أو أهتمام له، أشغلي نفسك بهوايات أخرى، أمسحي رقمه بسرعة من جوالك ولا تحفظي الرقم، لاتتابعيه أو تتابعي ردوده في مواقع التواصل، حاولي تتجاهليه، وحدثي نفسك دائماً أنه ليه تحرقي قلبك وتتعبي نفسك فيه وهو أصلاً مادرى عنك، وصدقيني تبي تتعبين إذا ضليتي على الحال، وقد لاتصحين إلا بعد سنة أو سنتين أو أكثر على أنك كنت تطردين ورى سراب، يالله تشجعي وابعدي عنه أصلح لك، وراح تحسين بالفرق وتقولين كيف أنا كنت أطرد وراه.
انشعلي باهتمامات البنات اللي ماتنتهي أولها الانيستقرام وآخرها الحش بخلق الله

__________________
ياصبحِ لاتِقبل !!
عط الليل من وقتك..

__________________

لا ترخصين نفسك و أنا اخوك
و ربنا يرزقك بابن الحلال الي احسن منه
موفقه

__________________
ربنا اغفر لنا و وفقنا أن نستغفرك فأنت
ذو العفو و المغفرة

حبيبة قلبـي إنتي عايشة بدوامة الفراغ العاطفي، وكل هالأحاسيس والمشاعر اللي عايشتها من ورى هالفراغ، و لا أعتقد إنك حبيتي ولد خالتك فعلا؛ لكن هو المتوفر قدامك !

حاولي وجاهدي نفسك ما تفكري فيه، حتى إذا جاء على بالك لا تسترسلي بخيالاتك أشغلي نفسك ع طول بأي شيء أقلها أستغفري لو مو عارفة اش تسوي .. في البداية راح يكون صعب عليك لما تتعودي ع قطع حبل أفكارك كل ما طرى ع بالك هالموضوع، ومع الأيام إن شاءالله راح تنسيه .. تذكر سلبياته وتضخيمها في دماغك راح يساااااعدك ع إنك تطلعيه من قلبك .. إنتي لسه صغيرة وفي بداية عمرك والأيام الحلوة إن شاءالله جايتك في الطريق لا تستعجلي رزقك ..

لا تقولي ما قدرت، لو إنتي في قرارة نفسك عازمة على إنك تطلعيه من قلبك راح تطلعيه في يومين !

الله يعطيك لين يرضيك ..

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

تسمية الأمور بمسمايتها أول خطوة لحل المشكلة
اعجبني أنكي أسميتي ما أنت فيه " وهم "
هو وهم فعلا ولا أزيد على ماقاله الأعضاء قبلي خذي بنصائحهم

لا تفكري فيه