مرحبا وأهلين ع الجميع ، كل عام وانتم بخير وعيد سعيد وايام جميلة بإذن الله

يمكن كثير منكم يعرفني من اول ويعرف طبيعة علاقتي
مع زوجي
صارت مشاكل وازمات لاتعد لكنها عدت ، هالشهر نوعا ما مستقر بسبب انه ماخذ اجازة لرمضان وانا تخرجت ف صرنا ببيت واحد وانحلت مؤقتا حكاية اللي يجيني كل ويكند بإندفاعاته وحبه لي وعدم صبره وانا العكس

يمر اسبوع او اقل بحب وهداوه ورضى ، بس لانه حساس جدا جدا ، وعصبي جدا ف يدقق على اشياء تافه لدرجة صرت احسه يتقصد يخرب الجو ، مدري !
لمن يتحسس من شيء ويزعل يصير يتكلم ويسب حوالي الساعة الا ربع او ساعة من غير مايوقف ، ويسيء الظن ويتهمني بأشياء واشياء ، تخيلوا طول الوقت مع تفاصيل الكلام ، تخيلوا كمية الظغط اللي اعيشه مع تدقيقه بأنفاسي ولو قلت اه من التعب او غمضت وحاولت استرخي واتمالك اعصابي عصب وانفعل زيادة وانتي قليلة ادب وماتحترميني وماتسمعين لي وتبغين تسكتيني وووو ويصير يعيد مواضيع سابقة منتهيه مالها علاقة للمشكلة ف اتعب اتعب اتعب
كذا هو فضفض وارتاح وخلص ، بسرعة عصب وبسرعة رضى
فيستغرب ويتنرفز مني ليش ساكتة ! ليش ماتضحكين ؟ سولفي يلا قولي شيء
الموضوع انتهى لاتكبرينه ، يطالبني بإلحاح اني ارجع زي قبل ، ف اقوله شويات ارتاح وان شاء الله اسولف ، فيقول متى شويات ؟ كم يعني ؟ علميني كم بالطبط يعني ؟ ..

بأي وقت يزعل ، يتكلم تلقائي ، وانا شايله بيدي الاكل بروح ، كذا وانا واقفة يكلمني ماينتظر لحد ما ارجع
او لما احط الاكل ونصير بناكل ، الوقت اللي يتكلم فيه كفيل بأن يترك الاكل يبرد واتعب انا وتنسد نفسيتي ، ثم يصير يطلب مني اكل معه وانا مقدر ، ثم يلح يلح واجلس اصيح من ظغطه علي
او يكلمني وانا رايحة عزيمة او زواج بالسيارة ، طول المشوار وهو يتكلم
احتاج انزل للناس بوجه مرتاح ! مو وجه توه باكي وممسح دموعه
او يكلمني وانا طالعة لاي مكان
ولو اطلب منه نأجل الموضوع لحد مانرجع يصير يقول انتي انانية وهمك نفسك وتبين تصيرين مبسوطة وانا احرق بنفسي وانتظرك

مشاكلنا تافه ، بسيطة من الممكن انها تنحل بوقتها ، لكن طريقته تعقد مشاكلنا زيادة
اختلافنا بالشخصيات سبب لمشاكلنا ، عقلانيتي وسكوتي سبب للمشاكل ! هل يتطلب اني اصارخ واعصب وتفقد علاقتنا للاحترام !
مو عارفة كيف اتعامل معه
متطرف بكل شيء ، مندفع ويبي كل شيء مره وحدة
وغيوور لدرجة جنونية ، مره كنت تعبانة وكنا واقفين بالاشارة فجأه عصب وصار يقول احترميني ولاتناظرين بالرجال ، اي رجال ! انا مو شايفة شيء ولا ادري حنا بالسماء ولا بالارض من التعب !
وطبعا كل مايزعل ويتكلم معرف ليش لازم لازم يجمع بين اكثر من مشكلة لها علاقة ومالها علاقه واشياء قدييمة صايرة واشياء سويتها او سالفة قلتها اكتشف انه فاهمني غلط والحين بوقت ماعصب علي جاب طاريها
اه يارب
كثير اوقات احس انو خلاص ارتحنا وان شاء الله الامور تمام ، لكن يجي موقف تااافه يكبره هو ويمحي كل شيء حلو كان بالايام اللي راحت
الحب شيء يريح ، لكن حبه القوي لي سبب كل خلافاتنا
عمره 27 وانا 21
عمر زواجنا سنة الا شوي ، مع ملكة 5 شهور من الألم
حل لحياة مستقرة وراحة بال ارجوكم