السلام عليكم
يمكن البعض يتذكر موضوعي
باختصار
زعلانه من زوجي ولي خمس اشهر عند اهلي
ولا طق لي خبر
والاسباب تحريشات وكلام تافه لكن تطور الخلاف
وتفرع وصل الى امور اخرى
الحمد لله مافيه ضرب ولا ادمان مخدرات لاكن فيه غلط علية وعلى اهلي ومنعني من الذهاب لدوامي بدون سبب

الحقيقه انا مشترية رسائل من احد المواقع ودايم ارسل رسائل تذكير او شعر ونكت واخبار على زوجي بدون ما يظهر له رقم المرسل من اول ماتزوجت وانا ارسل له
الشهر ذا زوجي بداء يعبر عن حالته النفسيه بصور رمزية للواتس
اخر صورة فجعتني حاطط قلب مغروز فيه خنجر كبير
لما شفتها خفت وكتبت قصيده اربع ابيات وابي ارسلها له من الموقع بدون ما يطلع له رقم المرسل او اسم المرسل
اتوقع بيكتشف ويعرف ان القصيده مني هو عارف اني اكتب قصايد

رايكم الان
هل ارسل له القصيده ولا اعيش وضع الميت؟!

علما اني كنت ارسل له حتى وظايف وادعية وحكم تصبيحات ،،، بس ما اتوقع جى على باله انها مني
لاكن القصيده اذا جاته بتقطع الشك باليقين


ابي رايكم هل ارسلها او لاء !!؟؟


تم تعديل العنوان ليتناسب مع المضمون

مستجدات
الرد 73
http://www.66n.com/forums/showpost.p...1&postcount=73

مستجدات الرد 162

http://www.66n.com/forums/showpost.p...&postcount=162


مستجدات الرد 204
http://www.66n.com/forums/showpost.p...&postcount=204

مستجدات
الرد 230
http://www.66n.com/forums/showpost.p...&postcount=230

مستجدات الرد 278

http://www.66n.com/forums/showpost.p...&postcount=278


مستجدات الرد 303

http://www.66n.com/forums/showpost.p...&postcount=303

مستجدات الرد 332

http://www.66n.com/forums/showpost.p...&postcount=332


تم الطلاق الرد365


http://66n.com/forums/showpost.php?p...&postcount=365

__________________
من عاش لله ومات لله فقد ربح دنياه وأخرته...

عادي أرسليها ليه الخوف ؟

الله يصلح ما بينكم

إذا تحبينه وتبينه سوي كل شي تقدرين عليه للإصلاح واذا مانفع انسي وريحي بالك واسحبي عليه.

__________________
حينما تتخذ القرار الصحيح لا تبالي لقلبك ؛ تألم يوم، شهر أو حتى سنة بقرار عقلي صحيح ، أفضل من أن تتألم طيلة حياتك بقرار خاطئ من قلبك".

السؤال ياغالية..

ليه الحين بالذات؟؟؟!!!


انتبهي

انتبهي

انتبهي

تتصرفين من راسك بدون شور اهلك كذا بالساهل..

اما هو او اللي سبب المشكلة يتصرف ويحلها الله لايهينه

__________________

اختلافي عنك لا يعني اختلافي معك

إذا كانت تحبه ولاتقدر تعيش بدون زوج مايمنع انها تقدم آخر تنازل عشان نفسها أولاً اذا سعادتها بهالرجال ترجع له بأي وسيله زوجها وحبيبها ووجوده أفضل من عدمه.
بس اذا رفض أو تشرط وهو له 5 شهور ساحب لا والله الحقي عمرك اللي خلاك تحبينه بيخليك تحبين غيره.

__________________
حينما تتخذ القرار الصحيح لا تبالي لقلبك ؛ تألم يوم، شهر أو حتى سنة بقرار عقلي صحيح ، أفضل من أن تتألم طيلة حياتك بقرار خاطئ من قلبك".

التنازل هذا معناه انها مو ضاربة حساب لاهلها.. كذا تضيع هيبتهم عنده..

ومعناه بالنسبة له ان طريقته مجدية.. يقطها ببيت اهلها بالشهور وقبلها يحرمها من دوامها على اساس تاديب وتجي ترسل له قصيدة مالها اي عبرة..

اذا الوحدة ماتقدر تعيش بدون زوج.. فاكيد مو هذي هي الطريقة اللي بتحافظ فيها على "هالزوج" عشان مايطير!

__________________

اختلافي عنك لا يعني اختلافي معك

انا عارف موضوعك من البداية
عسى الله يرجعكم لبعض
بس بقولك فكرة اذا ماغيرتي رقم جوالك بعد المشكلة ليش ماتعبري
لمدى اشتياقك لة بطريقة حلوة ومهذبة ومعبرة
عن طريق الوتس اب حتى تصل الفكرة
يعني تحطين صورة عليها الذهول وليس الحزن اوتحطين صورة بنت صغيرة تمد ورد او انسان جالس يفكر.. علي فكرة الوتس اب رجع ازواج كثير لبعض ههههه لاني قبل فترة قريت موضوع حول الوتس اب والازواج...بالعكس فكرة لتحريك المياة الراكدة تصب في مصلحتك انتي اولا واوئيدك عليها
ودامة الحمدة الله لايمد يدة ولا هو راعي مخدرات لاتضيعينة

__________________
سبحان الله وبحمده سبحان الله العظيم

كل واحد فيكم يكابر
المرة الجاية لاتطلع مشاكلكم لأحد عشان لاتكبر ويصير مثل ماصار الحين
الأفضل توسطين شخص يحل الموضوع إلى متى يعني تجلسون على ذا الحال
عاد اللي يحبون الخير واجد لاتنصدمين إذا سمعتي إنه بيتزوج
بلاش يطول الموضوع أكثر 5 شهور مو قليلة
الله يصلح الحال

صاحبة الموضوع ممكن رابط موضوعك إلي قبل

والله أهم شي صاحبة المشكله لازم تفكر بنفسها قبل كل شي اذا محتاجه هالزوج ماتسكت زياده لأن 5 شهور عمر مو شي بسيط لازم حل سريع يايرجعها وباذن الله هذا اللي بيصير أو يسرحها بإحسان تشوف حياتها مع غيره لأن الهدف من الزواج بهذي الحاله ماتحقق والعمر يركض الله يصلح حالكم ويكتب لك الخير يارب.
فكري بنفسك فقط إذا ودك تتوددين له حطي ببالك وقولي لنفسك انا بتنازل عشان سعادتي وعشان نفسي وانا المستفيده وباذن الله بيمشي الحال.

__________________
حينما تتخذ القرار الصحيح لا تبالي لقلبك ؛ تألم يوم، شهر أو حتى سنة بقرار عقلي صحيح ، أفضل من أن تتألم طيلة حياتك بقرار خاطئ من قلبك".