بونسواركن وبونجوركن يا أميرات وملكات الجميلات العسولات الحبوبات 😙😙😙

اليوم وصفتنا سهلة كتير وسبق نزلت الطريقة بالمائدة الرمضانية

بس هلئ الشرح والطريقة بالصور
معروفة بكل لبنان واكثر شهرة بمنطقة طرابلس

خفيفة ولذيذة وطيبة

خلص ما بعرف بالمقدمات رح فوت دغري بالموضوع
بعرف في ناس بتكون جاعت😁😁😁😁😁
وانا ما بحب عذب حدا😊😊😊😊


خلونا نتعرف على حلاوة الرز




مقاديرها مش كتار متل ما شايفين بالصورة



1/2كوب رز مطحون او كوب ارز مصري
3اكواب ماء
كوب سكر
2كوب جبن موزاريلا او عكاوي مبروشة
مستكة
ماء الورد والزهر

قشطة عربية
قطر

اول شي اذا استعملنا رز مطحون من الافضل نطحنه بالبيت
لانو اللي بالسوق مخلوط بنشا
بنوضع الرز في مقلاة مع تلات اكواب ماء وبنحركهم ليتكاثفوا وهيدي الطريقة سريعة كتير

اما اذا استعملنا الرز المصري متل ما انا استخدمته بالوصفة


اول شي بننقع كوب الرز بالماي شي تلات ساعات
وبعدين بنسلقه مع 6اكواب ماء ليستوي
وبنطحنه بالميكسر وبنوضعه بالمقلاة
وبعد تماسك الارز بالطريقتين اللي ذكرتهن فوق
من بعدها بنضيف كوب السكر وماء الورد والزهر والمستكة الى الرز ونستمر بالتحريك

سنلاحظ ان المزيج سيرخي بعد وضع السكر فنستمر بالتحريك الى ان يشتد

ومن بعدها بنوضع الجبنة




وبنحركها الى ان تذوب حوالي دقيقتين ونطفىء النار
ملاحظة في حال استعملنا جبن العكاوي لازم ننقعه بالماء ونغيرها بشكل مستمر لازالة الملح منها )

نسكبها في كاسات او وعاء كبير ونزينها بالفستق الحلبي



ممكن نضيف القشطة العربية الطازجة على الوجه
وتقدم مع القطر في حال اضفنا القشطة العربية
او بدون القطر في حال اكلناها بدون القشطة لانو ضفنا الها سكر

يعني حسب الذوق

طريقة القشطة بالبيت
استعملت 4ليتر حليب سائل
و3/4كوب خل او عصير حامض




قبل ما يغلي الحليب بنضيف العصير الحامض او الخل
وبنحركهن شوي
فبينفصل الحليب عن الماي وبنصفيهن
وبيعطينا هيدي القشطة متل ما شايفين بالصورة
ان كانت الكمية كافية بس بستخدم القشطة لوحدها
وان كانت قليلة بضفلها علبة ماسكربوني
بس الطعمة نفس طعمة القشطة الطازة اللي بنشتريها من المحلات

مقادير القطر
2كوب سكر
3/4كوب ماء
1/4كوب ماءورد وماز زهر
عصرة حامض (بنوضعها قبل مل نطفي بدقيقتين )




وان شاءالله الطريقة عجبتكن

قريبا التشيز كيك
وكيك الغابة السوداء

💞💞💞💞💞💞💞💞💞
💖💖💖💖💖💖💖💖💖💖💖💖

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ما شاء الله ولا حول ولاقوة إلا بالله

بالعافية ميمو
روعة الصور والشكل وأكيد لذيذة
تسلم الأيادي يارب وما يحرمنا منهم

وبانتظار باقي الوصفات الجميلة من يديك ..

__________________

تسلميلي يا عسل 😙😙😙😙
الله يسلمك ويعافيكي حبيبتي
طعمتها كتير قريبة بين رز بالحليب وحلاوة الجبن آخدة من الاتنين هههههه

نورتي حبي 💖💖💖💖💖

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

تسلم هاليدين ميمو ..
وبالعافيه على قلبك وقلب حبايبك ..

طريقة القشطه سهله جدا
وانتي معلمه واحنا منك نتعلم (:

__________________

الله يسلمك يا عسل 😙😙😙😙
ويعافيكي حبي تسلميلي ان شاءالله
صح معك كتير سهلة ونفس طعمة القشطة العربية الطازة
وبوجودك حبيبتي ما حدا معلم نحنا تلاميذك 😙😙😙😙.
نورتي💖💖💖💖💖

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

اذا طعمها قريب من الرز بالحليب معناته بتعجبني 😋😋😋

ماشاء الله تشهي يسلمو ياميو ياعسل كل شي منك طيب ولذيذ وحلو وان شاء الله اجربها مع اني حسيتها يبغالها شغل وطولة بال بس عجبتني شكلها يشهي

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

ايه حبيبتي كتير طيبة والكل رح يحبها

وبالعكس حبيبتي سهلة كتير ما بتاخد ربع ساعة شغل
بس لانو انا نقعت وسلقت الرز وطحنتو كرمال ما في هون رز مطحون

اما اذا استعملتي رز مطحون اللي بالسوق مجرد ما يستوي بتحطي السكر وماء الزهر بتحركيهن خمس دقايق ليشدوا بترجعي الجبنة دقيقتين وخلصت

والقشطة يا بتشتريها جاهزة او انتي بتساويها ما بدها شي كتير سهلة
بس حطيهن عالنار وقبل ما يغلو حطي الحامض وحركيهن واطفي واتركيها شوي بتفصل وبتتصفى بتطلع جاهزة
وفيكي تاكليها بدون قشطة وقطر


والله يسلمك حبي ندوووش 😙😙😙😙

نورتي يا عسل 😙😙😙😔

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ماشاء الله تبارك الله
اول مره باعرف هالطبخه ..

تسلمي يدك ياعسل ان شاء الله بجربها

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

الله يسلمك حبي اعماق 😙😙😙😙
كتير سهلة وبنفس الوقت طيبة كتير

مرسي يا قمر نورتي 💖💖💖💖💖💖

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

السلام عليكم ورحمة الله وبركاته.

ماشاء الله تبارك الله، أليس يشبه عمل الرز بالحليب مشهور عند المصريين لكن لا أضع قطر

لأنه فيه قشطة وسكر؟

ولا أضع جبنة ماوزريلا

تسلم يمينك حبيبتي.