السلام عليكم ورحمة الله
هذه اول مشاركة لي في هذا المنتدى.. وكلي ثقة بنصحكم
قبل 5 سنين خطبني ولد خالي ووافقت عليه.. وقتها ما كان موظف لذلك طلبت انو ما يكون في خطبة رسمية لانو ما كنت مقتنعة فيه وكان عندي امل تتحسن ظروفة وتتغير نظرتي له.. طبعا استخرت وما حسيت براحة ابداً.. هو بهالمدة ما عمل شيء ابدا ولا توظف وكل مره امه تقول لأمي جالس يدور على وظيفة.. بعد سنتين قلت لأمي لو تقدم لي احد ثاني راح اوافق عليه.. تقدموا لي اثنين رفضتهم امي بحجة انهم مش مناسبين، واحد منهم ولد عمي وامي قالت لامه اني مخطوبة لولد خالي وهي طبعا نشرت الخبر فما صار احد يتقدم.. قبل اسبوعين جاء خالي يخطب رسمي وانا وافقت من غير ما اسأل عن شي لثقتي بزوجة خالي وكلامها، اخواني عصبوا ورفضوا وما كانوا اصلا يعرفون اني موافقة عليه من البداية، انا توقعتهم يعرفون لكن طلع العكس.. اسباب رفضهم انو مش مناسب لي، وافكاره ما تناسب افكاري، وشخص مش متعلم، ومش متوظف، وسأله اخوي عن الوظيفة وكان رده انو مش لازم وظيفة.. هالشغلات كلها انا من البداية ما كنت عارفتها، في اشياء كانت امي تقولها لي وما كانت تعجبني لكن كنت اقول يمكن يتغير يمكن امي تبالغ لكن هالشغلات اكدوا عليها اخواني، برضو امي قالت له ما راح تتزوجك الا لما تتوظف وكان رده مو هي تتشرط علي وهذا الشي برضو ما كنت اعرفه.. نسيت اقول هو اكبر مني بسنة، ترك وظيفته من 6 سنوات عايش بقرية وعلى كلام اخواني شغلته الوحيده يجمع حطب ويبيعه.. انا مش مادية ابداً ولا تهمني الفلوس ولا المناصب انا اصراري على الوظيفة لانو ابغى اتوظف كمان واحقق ذاتي وبرضو ما اتخيل اعيش باقي عمري في قرية وتكون حياتي مملة ورتيبة، انا الآن عمري 32 اخاف ارفضه واجلس بدون زواج لاني ادور على الاستقرار وابغى اكون عائلة، واخاف اوافق عليه واندم بعدين لأن كل اخواني يقولوا ما راح تعيشي مبسوطة معاه

المشاركة الأصلية كتبت بواسطة نيسان. يعني انتي بتوافقي عليه لانه المتوفر الوحيد حاليا كذا فهمت من كلامك و انتي مو مقتنعة فيه من اصله و اخوانك كمان شايفين انه مو مناسب لك ما فيه اي توافق بينك و بينه على اي أساس رح تبني بيت الرغبة في الاستقرار لا تكفي وحدها و كيف تستقري مع شخص انتي بواد و هو بواد غير. اشوفها زيجة فاشلة من اول. و ما فيه داعي تكبر دائرة الضحايا مستقبلا لتشمل اطفال. و العمر ما له دخل يا اختي اعرف واحدة تزوجت و هي قريب من الاربعين و خذته اعزب و الان عندها بنت و صبي و مبسوطة بحياتها. ربي يكمل لها نصيحة اختاري صح و لا تخلي العمر ياثر على قرارك لان كل شئ بيد الله سبحانه

انا وافقت عليه لأنه كان يبغاني
صار له 15 سنة يخطبني
أنا فكرت اذا هو فعلا يبيني بمجرد موافقتي راح يتغير ويصير شخص مسؤول
راح يعمل شي يثبت انه يستحقني

المشاركة الأصلية كتبت بواسطة سحابة1 انتظرتي 5 سنين على امل يتغير ويتوظف وما تغير وما اخذ خطوة وحده .. عندك استعداد تنتظرين خمسين سنة ويمكن يتغير؟ لا تدخلين حياة جديدة على أمل تغيير احد ، مدام وافقتي عليه بهذا الحال ماراح يتغير ولااا يقول ماراح اتوظف ومو هي اللي تشرط عليَ! خلي عندك عزة نفس بحالك مثله ولا ترضين بحياة ما تليق فيك اخوانك مؤيدين موقفك لا تضيعين الفرصة لأنك لو جيتي تشتكين بعدين هم أول من يتخلى عنك لانك ما سمعتي نصيحتهم .. الله يرزقك ويوفقك باللي يسعدك ويستحقك..

انا عطيته فرص كثيره عشان يتغير
ويحس بالمسؤولية
للأسف ما استغل ولا فرصة
ولا قدرت يثبت انه قد المسؤولية

المشاركة الأصلية كتبت بواسطة VANITY ياحبيبتي لو كان انسان كفو حتى بنقول لك مايستاهل تنتظرين! فما بالك لو كان مو كفو؟ وش في اكثر من كذا علامات تدل انه ممكن يكون شخص غير مسؤول؟! مالها علاقة التشرط والمناصب بموضوعك.. بيكد عليك من وين؟! حطب من جدك؟! الاهم ان اخوانك فاهمين وعارفين وبالاجماع متفقين انه ماينفع.. خلك معاهم

الله يكتب اللي فيه الخير
وفعلا هو اثبت انه مو كفو

المشاركة الأصلية كتبت بواسطة حوراء الحسين لو كنتي اختي بانصحك بالابتعاد !! شفتي كلمته مو هي اللي تشرط علي هذة لوحدها تكفي انك تقولي لموضوعه معاك ستوب !! شخصية غير مسؤولة ،، غير محترمة للمرأة ،، دكتاتورييية ذكورية عمرك عمر ناضج ،، وتدركين كامل الادراك بما انو عمره ف الثلاثين مابيتغير واذا شا الله وتغير تكون اندمرتي نفسيا ودمرتي اطفالك

انا حتى علاقتي مع اهله سطحية ما اعرف عنهم الا القليل
خلال هالفترة سألت عنهم وانصدمت جدا باللي عرفته
عائلته تحتقر المرأة جدا، ما يسمعون لرأي نساء العائلة بكل المواضيع
واخوي قالي انه يدور على وحدة للفراش والمطبخ