السلام عليكم ،اسعد الله أوقاتكم بكل خير
لدي اخ صغير القعدة ،عمره خمس سنوات
وفارق العمر بينه وبين اصغر وحدا فينا الكبار 10 سنوات
ولا يوجد لدينا ذكور اخوه ولا احفاد الا كبار جدا عن عمره
ويوجد لدينا بنات مقاربات لعمره من الاحفاد
اخوي هذا معجب جدا بأغراض البنات ،
يعني يختار لعبته لون بناتي
يستهبل مرات ويلبس ملابس بنات
مرا الله يهديه لبس ربطة شعر وجاني مبتسم
شكله والله حلو بس ماودي يتعود على هذا الطبع
قبل يومين قالي ابغا جل حق شعري ، اذا رحتي السوق هاتيلي واحد
طبعا قالي لونه وردي الجل
ورحت السوق واخذت له جل اخضر اللون
فلما عطيت اياه فرح فيه بس قالي مالقيتي وردي!!!
قلت الا قال ليش ما اخذتيه ، قلت هذا احسن حق اولاد وكذا
وجلس يوم كامل يقولي الأخضر احسن من الوردي!! ، أقوله ايه
ويعيد ويزيد بالسؤال
اليوم صراحة استفزني مقطع فيديو له
طبعا راح لبنات اختي ولبس فستان ،وأختي الله يهديها تصوره
وطبيعي الطفل يعتقد تصرفه صح
ومستانس ويتبسم كأنه عاروس بالزفة
ورقاااص بسم الله عليه
يعني يهز هز مب طبيعي
ممكن تلاقينه مشغل له وصلة طربيه
وجالس يرقص:/
والا مرا يلعب مع بنات اختي واسمعهم ينادون (ريتاج) خخخخ
قلت مين ريتاج هذي!!!
قالو اخوك ، قلت له اسمك ريتاج باستنكار
قال لالا نلعب نلعب ، وعطيته نصيحة ،هو ولد ومايصير يخلي اسمه اسم بنت
اعطاني وضعية المنصت ، ولما نادو ريتاج تركني وراح لهم
والشيء الثاني يتقمص شخصية ( الكلب) اجلكم الله
يعني مرا شفته يحبي سألته ليش
قال بكل فخر انا كلب
وطبعا قلت له مايصلح وش كلب انت انسان
وسكت عنه وجا مره ثانيه شفته يلعب مع اولاد بعمره
نفس الشيء شخصية كلب ماخذ:/
قلت له خذ عصفور ، والا قطوه احسن
قال مابي ابي كلب
استغفرالله
21-10-2015, 10:39 PM
ضوابط المشاركة
العرض الشجري