السلام عليكم ورحمته وبركاته
اسعد الله اوقاتكم بكل خير..
خجلانه من موضوعي ممكن يكون تافه بنظر البعض بس متعب بالنسبه لي وودي الاقي حلول تريحني ..
الحمدلله انا وضعي ممتاز
عندي وظيفه مغنيتني يارب لك الحمد عن الحاجه...
عندي اولاد هم نور عيوني
عندي اهل حنونين معطيني الحريه والثقه اخرج وقت مااريد وارجع بوقت مااريد...
ماعندي فراغ مشغله وقت فراغي الحمدلله ...
اموري بأغلبها ربي لك الحمد متيسره..
بس اعاني من الفراغ العاطفي
صابه عاطفتي بأولادي ماانام الا وهم بحضني ..
ع طول احضنهم واعطيهم من حناني الحمدلله مو منقصه عليهم بشي..
بس انا تعبت محتاجه لرجل بحياتي وبنفس الوقت مستحيل اتزوج بعد طلاقي عشان اولادي وعشان ماعاد اتحمل اي خذلان ثاني..

مشكلتي تحديدا اني للان احب ابو عيالي ماقدرت اكرهه حاولت مااسترجع الا مواقفه السيئه معايا وايضا مازلت احن له ولشوفته وتطورت حالتي فصرت اشتاق اسمع صوته..
الحياه بيننا مستحيله ورجوعنا مستحيل وانتحار وانا موقنه بهالشي بس للأسف ماقدرت ع الاقل اتناساه..
كل من شافني وشافه لاني محتفظه بصورته يستغرب يقولوا انتي مسحوره
لاجمال فيه لا رجوله وتعبك وتعامل معك بلؤم وهذا حالك ..
هل انا مريضه نفسيا؟
وشلون قلبي يحن لشخص دمر حياتي وماشفت منو خير..
بالمقابل مابي امدح نفسي بس متأكده بعد امر الله في حال طلاقي حيتقدم لي الكثير
انا ماافكر بالكثير انا ابيه هوا؟
اعرف انو سبب تعليقي للان وعدم طلاقي هو انتقام مني عشان تشوها سمعته وصار معروف عند الجماعه بالرجل المزواج.
حاجتي العاطفيه له هل تخف مع السنوات
انا اشوف انها جالسه تزيد..
المطلقات واللي جربوا مع السنوات هالشعور يتلاشى وارتاح..

(مستجدات الرد22)

http://66n.com/forums/showpost.php?p...2&postcount=22

(مستجدات الرد35)

http://66n.com/forums/showpost.php?p...0&postcount=35

__________________
(سيدة الموقف)
لم ننساك ونسأل الله ان تكوني أنتي وأولادك بخير

الله يفرج همك ويعو ضك بالزوج الصالح
انت غير مطلقه استخيري في الطلاق او العوده يمكن ماطلقك لانه يحبك الله يرزقك من حيث لاتحتسبين

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

من خلال تجربتي... انتي مو تحنين له هو كشخص
تحنين للزواج بشكل عام..
مع الاسف مع مرور الايام الحاجة العاطفية تزيد
ما تنقص.....

__________________

حاجة الناس إليكم من نعم الله عليكم ، فـ لا تملوا النِعم ☁✨

ليش معذبة تفسك وحاطة حواجز ربما تكون بنظرك كبيرة وبنظر الغير تافهه مثل اخر موضوع لك عن مدرسة ولدك زعل وحقد مالة ساس ولا راس واذا الي الان ما طلقك دليل حبة لك ..فنصيحة لمي الشمل مع ابو اولادك وفتحي صفحة جديدة واطلبي شروط متزنة لعودتك واتركي المكابر الي ضيعك وضيع اولادك الزوجة مالها الا حضن زوجها لو اهلها حطوها بقصر مشيد وخدم وحشم..وثقي العاطفة تكون بزدياد

__________________
سبحان الله وبحمده سبحان الله العظيم

اذا لنتي لي الحين ما تطلقتي وتحبينه رجعي له

بصراحة انا ما اعرف مواضيعج بس بالنسبة لي الحب يعمي عن وايد اخطاء


وانتي تحبينه فلازم تتغاضين عن اشياء وايد


استخيري وشوفي ربي شنو كاتب لج

__________________
لا اله الا انت سبحانك اني كنت من الظالمين

آمين اخيتي
اما ماطلقني الا عشان انتقام حب مستحيل تقدير للقرابه كمانه مستحيل
وقريب حيطلقني بس مدري متى ..!

الزواج يازين مااحن له صرت متخوفه منو
مافيني لخذلان مافيني لألم مافيني استكشف رجل ثاني
احن له هو وبس ليه ماادري
مقهوره من نفسي
كنت تمام بس انتكست حاسه بشوق له هوا يوم شفت نفسي كذا قمت استرجعت مواضيعي القديمه بالمنتدى عشان اكره..

شاطىء اتمنى استغفر الله احقد انا انسانه مااعرف احقد ولو من النوع الحقود ممكن كرهته..
عدم طلاقي للان مو دليل حب
دليل انتقام وكراهيه اكيد مقهور مني ان صورته تشوهت وصاير الكل عارف عنو انو شخص مزواج هو مايحمل نفسه الخطأ يشوف اللي حوله غلطانين وهو لا
ارجع وشلون ؟!
انت مو مدرك حجم معاناتي معاه سابقا ولا كان مانصحتني برجوع
وبالرغم من هذا كلو للان احبه ماابغى ارجع له
الحمدلله ماستقريت ولا استقروا اولادي الا حاليا
اقوم ارجع للمشاكل والاهانات ثاني
الحمدلله صرت انام ع المخده واقلها ضميري مايأنبني مثل السابق
الحمدلله انا بنعمه كبيره يارب لك الحمد والخير شفته بعد ماتركته ...
ومع هذا كلو ماقدرت اكرهه ..
قمت اشك بنفسي هل انا طبيعيه ...
هل وضعي طبيعي..
هل انا مسحوره مثل مايقول البعض؟
واي شروط ياما اخذت عليه عهود ومواثيق تحت كفالة رجال وحلفان
وعادي جدا نقضها وقالي بنفسو انا رجال وجهي وقفاي واحد ماهمني احد..



موهبه فعلا حبي معاه اعماني عن اشياء كثيره
وخروجي من بيتي رحمة من ربي ..

__________________
(سيدة الموقف)
لم ننساك ونسأل الله ان تكوني أنتي وأولادك بخير

يزيد مع الايام هالشي مصدم بالنسبه لي
ع بالي فتره وانسى واعيش طبيعي

__________________
(سيدة الموقف)
لم ننساك ونسأل الله ان تكوني أنتي وأولادك بخير

لأنك معلقة

لكن لو انفصلتي عنه
بتختلف مشاعرك و تخف تدريجيا

ليس بالضرورة أن تكرهيه يا عزيزتي .. المهم أن عقلكِ لا يزال متيقظاً ومدركاً لمساوئه ومساوئ الرجوع إليه.



الآن تقولين: (لا أريد غيره .. أريده هو) .... ولكننا لا نستطيع أن نجزم بموقفكِ ومشاعركِ بعد حين .. ربما بعد الطلاق .. وربما إن جاءكِ من هو خير منه .... وربما حتى بدون سبب .. فقط هبة من الله تنزعه من قلبكِ.

فقط الزمي الدعاء.


أسأل الله ألا يحرمكِ فضله.

__________________


اللهم طِيبَ الأثر .. وحُسْنَ الرحيل.

السلام عليكم ورحمته وبركاته
الله يسعد اوقاتكم بكل خير
اعذروني ع التأخير
قريت مشاركاتكم وقلت خلاص لازم اتحرك
مليت من التعليق ...
كلمت الوالده والوالد للأسف للأسف رافضين جدا الطلاق يجي منا يقولوا اتركيه هو يطلق مازالوا رافضين للأن ومصرين...
مسكت الوالده ع جنب وكلمتها وقلت لها
انا ماراح ارجع له فلا تتأملوا انو بيوم ارجع
وقلت لها اعطيني حسنه وحده تخليني ارجع له وانا موافقه وسكتت قلت والله العظيم لو انو بس طيب مع عيالي وعادل رجعت وتحملت كل شي منو...
بعدين وشلون ترخصوني كذا
شايفته جاء اهتم حسسني انو متمسك فيني وانا قريبته وانتي خالته قدرك ع الاقل قالت لا...شايفه وعارفه بس ماابغى لك طلاق..
تجرأت وقلت لها بتطلق من حقي اتزوج واجرب ثاني انا انسانه لساتي صغيره يكفي العمر اللي راح وعندي احتياجات...
نفس الحال رافضه زواجي ..
قامت تقول عيالك وعيالك وحرام عليك يكفي محرومين من ابوهم تجي تكمليها
قلت بتزوج مسيار وبكون معاهم ...
لما قلت مسيار الوالد سمعني وقامت قيامته وانفجع كأنوا قلت بمشي حرام استغفر الله...
بنتي تتزوج مسيار بنتي تتزوج زواج للفراش
هدف المسيارين الفراش طيب واخذ حاجته منك بعدين يطلقك كيف ترضيها لنفسك وكلام طويل وعريض عن سيئات الزواج المسياري وهدف المسيارين منو
قلت اوكيه ماابغى زواج خلاص بس من حقي اتطلق!
يرضيكم معلقني كذا وللحين ع ذمته وهو يسرح ويمرح ويتزوج وحياته ماشيه وحياتي واقفه ..
يقول عادي وانتي حياتك ماشيه كمانه دامك ماتبغيه مايهم متى يطلق اذا بالنهايه يطلق
مدري وش منتظرين ؟؟
اخواني يقولوا مانقدر نخطي خطوه دون الوالد ولا نقدر نتجاوزه
والوالد ينتظر الفرج من الله..
طيب وانا..
انا تعبت خلاص مافيني صبر..
امشي حرام يعني عادي ...

هند كايزون اكثر مشاركه اثرت فيني ولا يهون الباقين لانو حللتني صح...
ماقدرت اكرهه وكنت اسأل نفسي ليه
مو قادره اتعايش بدون رجل
فحنيت له لانو هو الرجل الوحيد بحياتي..
انا انسانه ربي خلقني كذا حاولت جاهدت اغير من نفسي ...
شهر وشهرين تمام وبعدين انتكس..
خايفه ع نفسي من الحرام ...
تقولوا اشغلي نفسك
وقتي مشغول ويادوب الاقي وقت
وعلاقاتي الاجتماعيه كثيره وجدا محبوبه
وع طول زيارات وخرجات زاحمه وقتي عشان ماافكر بس برضوا افكر...
زهرة الجاردينا ... احتياجي مو له يمكن صح
الدليل وقت ماافكر جد انو ممكن ارجع اقول بخاطري مستحيل وارفضه تماما ...
ابو البنات ... تسأل عن سبب التعليق مدري والله بس كأنوا سمعت انو امه قالت له لاتطلق خليها كذا ممكن ترجع بيوم
وهو سمع كلامها مو خسران شي عادي حياته ماشيه بين حريمه ووسط عياله وعايش جوه ...
غاده ومهره الحبيبه وروح الطير وابتسامة ورد وعيوشه ورينول مشكورين حبايبي ...

__________________
(سيدة الموقف)
لم ننساك ونسأل الله ان تكوني أنتي وأولادك بخير