السلام عليكم اخواني وأخواتي..
انا خبرتكن قبل فترة بسيطه بالشخص اللي تقدم لي وهو مطلق وله ولد..وذكرت اني رفضته والسبب انه يعاني من مشاكل نفسيه معينه والله يشفيه ويعافينا مما ابتلاه..
انا سؤالي للإخوات المطلقات والرجال أيضاً..
انا مر على طلاقي سنه لكن صدمني ومشاهير لما اذكره كأنها امس صارت لي..ابكي بحرقه انقهر في نفس الوقت مسامحته في داخلي ولا قدرت أنساه..بالعكس حاولت الهي نفسي بأي شي مهم لنفسي من صحه ورياضه ودراسة ..وليومكم أحبه ومشاعر الحب تجاهه تزيد كل يوم ما تنقص..لا واللي زادها اني أتذكره في مواقف كثيره..امس رجعت للاماره اللي ساكنه فيها ومرّيت من منطقته وتذكرته..شفت المحلات اللي كنا نروحها ..المطاعم على الرغم من بساطتها..
قلبي يحن ويشتاق له اكثر من قبل بالرغم من كل شي صار وسوّاه فيني..بداية من جفاه وقل اهتمامه وظلمه لي هجري وتركي معلّقة في بيت اهلي سبع شهور وانتهاء بالطلاق..
انا حرّة اسوي اللي ابيه وقت ما ابي..بحدود الشرع والحلال..راحت ايام الحبس..المحاتاة ..التفكير في نواياه اللي دائما يبيتها..واقول راحه..وأتذكر التفاصيل البسيطه وأحن له..السوالف معاه اللحظات اللي كنا فيها فترة متقاربين من بعض..
ودي تعطوني حل جذري أنساه..لانه نساني وأنكر العشرة ببساطه ولا كاني كنت على ذمته

ينقل للمكان المناسب

__________________
إِيَّاكَ نَعْبُدُ وَإِيَّاكَ نَسْتَعِينُ

=====================

حبيبتي هذا من الشيطان
يبغى يحزنك
ان شاءالله ان طلاقك خيره
بتنسينه زي مانسيت انا ونسيو كثير مطلقات
لو تقري مواضيع لي قديمه بهالمنتدى ومنتدى ثاني
بتقولي هذي مستحيل اكيد ماتت من حبها لطليقها
لكن الحمدلله الحين ولا كاني بيوم تزوجت
نسيته ونسيت اهله كلهم
الله يعوضك خير
الوقت وجهاد نفسك وانشغالك كفيل باذن الله ينسيك كل شي

تبغين الحزن انتي والا شو
يعني شر وافتكيني منه
تبينه وتحنين له ليش

فيه رجال افضل منه ان شاء الله بنتظارك
الله يكتب لك العوض الجميل
لاعاد تفكرين بالماضي انسيه
وعيشي يومك بامل وتفائل

__________________
لا اله الا انت سبحانك اني كنت من الظالمين
(‏يَقيني دَائماً مُعلق بَأن فِي الغَيب شَيء جَمِيل يَسْتحق الصَبْر)

انتي مشتاقه للحب وليس له
مشتاقه لزوج وشريك

فعلا هذا هو السبب ...

كثير من المطلقات ماتفرق بين مشاعر الحب والحنين والشوق للحياة الزوجيه بشكل عام وبين مشاعر الحب للطليق نفسه..

ابصم لك بالعشرة لو تزوجتي بتنسينه تماما..