السلام عليكم
مبارك عليكم الشهر الفضيل
جزاكم الله خير على هذا المنتدى الرائع جدا

انا متزوجة صارلنا متزوجين 4 سنوات ماعندي اطفال , انا عمري 25 وهو 30
المهم مشكلتي مع زوجي غيرته والمحاولة للتحكم فيني

للامانه خلوني اقلكم عن بيتنا شوي انا عندي 6 خوات غيري يعني حنا 7 بنات الله يحفظهم ويسعدهم وين ماكانوا , ابوي للامانه انسان مو متشدد ابد ولا متعصب ولكن كان يبي ولد وماكانت اسبابه اسباب الجاهلية لا ابد كان يبي ولد يحمينا ويكون سند لنا ويعتمد عليه , المهم الله مااراد وله حكمته سبحانه وابوي راضي ومقتنع باللي الله عطاه هو ..

المهم امي وابوي الله يخليهم لنا ويحفظهم ربونا على الاستقلالية والاعتماد على النفس ابوي يحب يعلمنا على اشياء كثير وينورنا في امور كثيرة
ويحب يعتمد علينا يعني مطلع بنات عن 100 رجال يعني كل بنت ولها حريتها وشخصيتها واستقلاليتها وكل شي بحدود والحمدلله

انا بحكم تربيتي فيني جرآءه واقدام واتحمل المسؤولية واعرف اتصرف هذي شخصيتي اذا فقدت الامل رحت ادور واطلب المساعده
المهم اكتشفت انه زوجي ابد مايعجبه هالشي فيني !! واحيانا يستغرب !! وانا مافهمت عليه ! حطوا بالاعتبار ي اخواتي واخواني اني مو ماخذه مكانه ولا دور الزوج

يعني ي جماعة والله انا احترت يعني مثلا لو نبي نسافر لمكان وتعسرت علينا شوي !! اقوله ولا يهمك انا اضبط الوضع والحمدلله تتيسر / او حجز الفنادق ... اشياء والله تافهه اي احد يقدر يسويها !!

او حتى لما اشاركه واسولف معه بمشروع او سواليف رجال او حتي سيارات هههههه يتضايق !! ويستغرب مني !!

فصرت اقلل من هالشي وصرت استشيره حتى لو اعرف عشان احسسه اني بحاجته مع اني ي جماعه ساعات اخذ رآيه وساعات اطلب مساعدته وكثير اشياء هو يسويها مثل اي رجال
وصرت حتى استغبي عشان مايتضايق !!

بس بصراحه مرره تضايقت من شخصية زوجي !! وقلت يمكن عنده مشاكل بالثقه !!

هذا شي والشي الثاني غيرته القاتله شي مو طبيعي ي جماعه
بالسوق بالمطعم بااي مكان صرت اخاف التفت يمين او يسار !!
ولما نسافر شي مو طبيعي احس ينجن او يصير شخص ثاني !! مع اني يجماعه ماناظرت في حد انا اتوقع ان زوجي متاااثر بقصص او يمكن واحد من اصحابه كذا مادري !!

احسه مضيق علي بشكل مو طبيعي !! لاتطلعي . لا تلبسي . لا تضحكي . ولا تروحي لهلك !! مادري شسوي للامانه احس خانقني

حتى القراءه يخاصمني عليها !! حتى لما اسوي رياضه مادري ايش فيه مو طبيعي !!

تم تعديل العنوان ليتناسب مع المضمون

انتي نوعيتك يتعاملون معها الرجال بطريقتين
اما يفتخر فيها ويقول ذيبه وسنعه
او يحاول يحطمها وينقهر من تميزها





المطلوب منك شي واحد بس
تتعايشي معه بعد ماتفهمي حالته
وتاخذي كلامه بمزح وعدم جديه

بكل بساطة رميتي عباية ذلك الانثى الناعمة ولبستي عباية الرجل صاحب القوامة واصبح بينكم صراع على القيادة وهذا ما ينافي للفطرة السليمة ولا يقبلة اي رجل
ليس بضرورة مارباك علية والدك يقبلة زوجك
بخصوص الغيرة من طبيعة الرجل اذا حب زوجتة غار عليها وهذا امر فطري

__________________
سبحان الله وبحمده سبحان الله العظيم

في الغالب ،، الرجل مايحب المرأة الجريئة والمستقلة كثير ،، مانقدر نقول ان الجرائة غلط او عيب لكن مانحب هالصفة ،،تقولين ابوك رباكم كذا لكن زوجك شخصية ثانية تمام ومستحيل مقارنة الاب بالزوج ،،
،،
مالك الا حل واحد ،، خففي جرائتك واعتمدي على زوجك اكثر ،، حتى من ناحية الغيرة ،، خلك واضحة وصريحة اكثر ولا تثيرين غيرتة ،، واتوقع تخف مع الوقت .

شاكره لك ردك
ولكن ي اخي ايش تفسر انه يتضايق لما اقرا كتاب او لما افتح معه موضوع !!
ايش تفسر لما يسولف معي عن مواضيع اللي ذكرتها بموضوعي ولما اتفاعل معاه يتضايق !!
ايش تفسر انه مره من المرات اخته كانت تسولف وتاخذ راينا وانا كان عندي خلفيه عن موضوعها وعطيتها حل من الحلول والحمدلله تيسرت لها انزين ليش هو يتضايق !!

و مع اني ماحبيت اذكر هالشي في موضوعي بس ليش احيانا يتمسخر علي سواء بينا او قدام اهله !!

يعني اني احجز فنادق عن طريق ابلكيشنز او ايا كان او ارتب سفره / او حتى اطلب من مطعم هذا معناته فسخت رداء الانوثه !!

وبالنسبه للغيره انا قصدت الغيرة اللي توصله انه يشك فيني اني اطلع الرجال ؟؟ هذي غيرة ! هذا حب !

أختي الفاضله
بشخصيتك المتوازنه تقدرين تفرضين الثقه لزوجك وتعاملك معه حاليا بأبراز عدم ألمامك ببعض الأمور والأستفسار ولجوئك له أكثر من رائع أستمري وتدريجيا سيتحسن الوضع ..
أما موضوع الغيرة فليس شرطا ان تكون شك أو سببها قصص سمعها من أفراد ..
حتما انها غيرة حب فتعايشي مع الوضع ولا تتذمرين منها لكي لايضيق الخناق أكثر .. أبدي له مدى سعادتك بغيرته عليك ..
والله يتمم عليكم نعمته ويألف بين قلوبكم

__________________
‏عابرُون و الدّنيا ليسَت لنا
‏سنمضِي يومًا تاركين خلفّنا كل شَي
‏ربناّ اختمْ حياتِنا بعمل صَالح نلقّاك به

شاكره لك ردك
ولكن يااخي انا ذكرت في موضوعي اني لي شخصية وحرية واستقلالية ولكن بحدود !!
يعني فيه فرق !! ابوي رباني تربية صالحة مافيها الحرية اللي انت راح بالك عليها !!
الحمدلله !!
واضحه وصريحه في ايش ؟ وانا ماتعمدت ابد لا بحجابي ولا بتصرفاتي اني اثير غيرته !!

شاكره لك ردك
انا فهمت عليه وفهمت من وين تجي المشاكل اصبحت واعية بشخصيته
لكن المشكله العظيمه انه يضيق النطاق علي / يخنقني

استخدمت معاه الحلول البسيطه اللي ذكرتها ولكن مادري شقول يبيني غبيه / جاهله / ماتتكلم ولا تقول شي / ولا تتصرف / ولا تعتمد على نفسها !!

معليش ممكن نعرف اسم الكتاب ومضمونة
الامر الاخر اذا طلبتي منة يرتب سفرة يرفض

__________________
سبحان الله وبحمده سبحان الله العظيم

كثير من الرجال يبون المرة صماء عمياء ثولاء ما تفهم شي الا بامور تخصهم كأزواج

اما اذا كانت تعرف تتصرف والله عطاها الذكاء فبتصير مسترجلة في نظرهم


وبصراحة هذا جدا منافي للمنطق والعقل


السيدة خديجة رضي الله عنها كانت تاجرة وكانت تستأجر من يدير تجارتها يعني بالوضع الحالي تسمى سيدة أعمال

قايمة بشؤون نفسها وعارفة تدبر أمورها ،،، ولم يقل اي احد في الدنيا كلها انها ناقصة الأنوثة بل بالعكس كانت مشهورة بالحياء والعفة مع انها كانت تتعامل مع وجال وتاخذ وتعطي معاهم،،،



بس بالضبط مثل ما قالوا انتي نوعيتك يا اما الرجال يدعمها ويفتخر فيها مثلما افتخر الرسول صلى الله عليه وسلم بالسيدة خديجة

او يكسرون مجاديفج مثل زوجج


الله يعينج بصراحة

__________________
لا اله الا انت سبحانك اني كنت من الظالمين