السلام عليكم ورحمة الله وبركاته
كل عام وجميع الاعضاء بالف خير
ويارب يعيده علينا وعلى جميع المسلمين بالخير والمسره

قبل كم يوم جتني رساله من رقم مااعرفه على الواتس
يقول احبك ودنيتي مالها طعم من غيرك ومن هالكلام
رديت بعلامة استفهام وكمل كلامه الغزل وقلت مين قالت انا فلانه اللي هي طليقتي ام اولادي وعلى طول طبعا بدون كلام سويت لها بلوك وحظرتها في الواتس
وامس الصبح ارسلت لي رساله عاديه تقول حبيبي وكل عام وانت بخير وكلام غرام مع معايده ومارديت طبعا

بس انا فكرت اتصل على اخوها واقوله بس قلت ياولد خلاص غثيت الرجال كل شوي وانت متصل فيه وتقوله عن كل شي
مادري وش تبي هي بالضبط انا مطلق بالثلاث مدري وش تبي ووش المطلوب مني يعني
ومتى تفكني من شرها وتفهم ان خط الرجعه مستحيل
وش رايكم اتصل على اخوها اقوله والا اطنش حتى تطفش وتحل عني

سلاماااات!!
وش هالكلام اللي كاتبته وإنت مطلقها بالثلاث!
أصلاً حتى لو فيه مجال للرجعه إنها ترسلك بهالطريقة مو حلوه في حقها
تأكد أول إنها هي اللي ترسل مو أحد ثاني قبل تتهمها
وإذا تأكدت إنها هي صور الشاشة وإرسلها لأحد من أخوانها تعرف طبعه هادي وممكن يتفاهم لأنك بالنهاية أجنبي عنها حتى لو أبو عيالها
عيالك كم أعمارهم وتتوقع أحد منهم ببرائة يرسلك هالكلام من جوالها على أساس ترجعون لبعض؟
وهل إنت متزوج الحين؟ وطليقتك يمكن تزوجت بالسر وتطلقت وصارت تحل لك تأكد برضوه من هالموضوع والأفضل لاترد على رسايلها عشان ماتدخل نفسك بمتاهات

__________________

وبدأت تحدي إنقاص الوزن الهدف إن شاء الله 55 كيلو

ماشاء الله تبارك الله
أتأكد من الأسباب اللي ذكرتها


عفوا بسأل سوْال اذا ممكن انت اتزوجت وحده ثانيه مو ؟

__________________
اللهم صَل وسلم على نبينا محمد

بلغ اخوانها قول انا مطلقها وماعاد تحل لي شنو تبي فيني وكلام الغزل منها مايجوز ....! ودير بالك تقع في فخها والله يسامحها على الفعل الي فعلته فيك ...!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

مع هذا الراي

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

مدري الرقم غريب واللي اعرفه انها طلعت رقم ثاني ومااعرفه هو هذا والا لا
اما عيالي صغار مايعرفون هالحركات والكلام اللي مكتوب مايقوله طفل
اما عن زواجها لا اخوي ماتزوجت وحتى لو تزوجت هي تدري اني ماراح اطالع فيها لو مابقى بهالدينا الا هي

نعم تزوجت وماطولت يمكن ستة شهور او اقل وطلقت
والحين لي فتره عزوبي

لايلدغ المؤمن من جحر مرتين لاتخاف علي

لازم تبلغ اخوها حتى ينتبهون لها اكثر
لا تكون تراسل غيرك وهم ما يدرون فيفتحون عيونهم

وانتبه ترد عليها بحرف واحد
ما تدري يمكنها خطة انتقام منك هذي بديتها

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

صح كلامك
من ناحية الرد ابدا مارديت ولا راح ارد

بس ماتبي تحل عني وتخليني اعرف اعيش مثل الناس