السلام عليكم ورحمة الله وبركاته

احبتي تعبت تعبت من جلد الذات والله تعبت من طلاقي وانا الوم نفسي
مره اقول ليتني صبرت خصوصا انه كان محترم يعني مو راعي خرابيط وفيه صفات حلوه
ومافي انسان كامل

صح في اشياء صعبه ع الانسان يتحملها بس تمنيت اني تكيفت عليها وصبرت
كان ودي اكون فرحته الاولى ويفرح بأول بيبي مني انا

لما اقيس المسأله براسي ارفض اتزوج رجل متزوج ومستحيل اتزوج واحد عنده زوجه واولد

فأقول ليتني رجحت المسأله أكثر في راسي قبل اترك بيتي

*انا تركت بيتي بس ماطلبت الطلاق**

هو تهور وطلقني
مدري انا ظالمه او مظلومه تعبت
احاول اتجاوز هالمرحله ماقدرت صعبه جداً اتجاوزها
طبعا صار معي خمول وكسل وتعب واحطلي اهداف بسيطه جدا وتعبت عجزت اجتازها
فكتشفت ان معي اكتئاب او بداية اكتئاب ابغى اتجاوز هالمرحله بنفسي فقط كيييف!؟
انا عقلانيه الحمدلله و غالباً ارجح عقلي على قلبي بس كسرني الطلاق اجتماعيا ونفسياً
انا مقتنعه الحياة معه تتطلب تنازلات كبيره .. اوقات اقول ليتني تنازلت ولا سمحت لنفسي اسمع تشمت الناس فيني والنغزات اللي اسمعهم بكل جلسه!
انا من سؤ حظي كنت انخطب من الاقارب وتزوجت قريب مما سبب حزازيه ونوعا ما حقد وحسد
ولما صار الطلاق ياسلاااام صار التشمت من العيار الثقيل

الى الان اتظاهر بقوتي بس بجد ماعاد فيني اتحمل اقل كلمه تجرح مشاعري وتهزني واتألم بس اصبرر ..!!
لكن الان بدت تخور قواي
خايفه جدا من المستقبل ومن الفشل ومن الدنيا
اخاف افتح عيوني يوم احصلني لوحدي!
الله المستعان صحيح الله خير امان وخير انيس لكن ضعفت
وضعف القوي شين او المتظاهر بالقوى

..الله يرزقنا برزق من عنده ويغنينا عن من اغناه عننا

**فيني حرره قويه مابردتها .. وهذا اللي مأزمني
ودي ان طليقي يدري ان كلامه عني واصلني ودي يدري بأسرع وقت بس كيييف
ودي يدري ممكن يستحي ع دمه
ابي طريقه نوروني كيف؟!

وعليكم السلام ورحمة الله
رفقاً يااخيه بحالج
الطلاق صار والحمدلله على كل حال وهذا قضاء وقدر

والنغزات محد سلم منها حتى احنا يــ اللي ماتزوجنا اللي يقول عنست واللي يقول فاتها القطار
واللي يقول ماراح تاخذ الا معدد واللي يقول اصلا مين بيجيها هذي وهي بالعمر هذا

يعني الناس محد يسلم من لسانهم واللي يتكلم بج بيتكلم بغيرج
وانا مثلج كنت ارفض فكرة المعدد لكن يوم شفت مشاكل اللي اخذو اعزب عرفت ان الرجل برجولته ودينه وخلقه وليس بحالته الاجتماعيه

طبيعي تحزنين من كلامهم احنا نفسج نحزن ونمسح دموعنا ونظهر امامهم وكاننا اقوى بشر
ولي مواضيع وااايد بــ الهشيء ذا
ومع ذالك نجاهد انفسنا بعدم المبالات

احتسبي مااصابج على الله وهذا ابتلاء اصبري عليه
لعل ربي يعوضج افضل منه بكثييييير
ونصيحه متى ماجاء الشخص الدين والخلوق والصادق استخيري قبل اي قرار ولاتلتفتين ابداً بحالتة الاجتماعيه

اما كلام زوجج اذا كان الكلام يضر سمعتج او شرفج
خبري اخوانج يكلمونه بهدوء حتى يتوقف عن الكلام وان زاد تصرفو معه تصرف ثاني

الله يعوضنا وياج يارب كل خير ويفتحها بوجيهنا












ـ

__________________

الله يجزاك خير الجزاء ويرزقناوإياكم اجمعين

لا ان شاءلله كلامه عني مايوصل لذا المستوى ابدا الحمدلله

ربما خايف اخذ من العائله لان الحمدلله سمعتي جدا كويسه هذا اللي شكيت فيه فيسعى بالحكي عني للتنفير مني والله اعلم بنيته!
او يبرر طلاقه لي!!

هو اللي طلقك مو إنتي طلبتي الطلاق
ولو رجع الزمان لورا كنتي راح تتخذين نفس القرار
بس ممكن أعرف إذا مافيها إحراج الأسباب اللي خلتك تتركين بيتك؟
يمكن من وجهة نظرك ماتشوفينها تسوى وهي فعلاً تسوى

__________________

وبدأت تحدي إنقاص الوزن الهدف إن شاء الله 55 كيلو

امين يارب والجميع

طيب هل طلاقج لارجعة فيه اقصد بثلاث او طلقه وحده
وهو وش دخله تاخذين من الاقارب او غيرهم ماله دخل فيج خلاص



ـ

__________________

سبحان الله والله العظيم كل كلمة كتبتيها أني أعاني مثلها تمام مع أني قربت اكمل سنتين من يوم تطلقت

بس الفرق بيني وبينك هو مايقرب لي وعندي بنت منه هاجرها واهله ماصدقو يطلقني وراح خطبو له قريبته


وانا تحملت مسؤوليه البنت


صح ان فيه صفات حلوه لاكن ضعف شخصيته ونقله للكلام كأنه حرمة واهله يحرضونه ضدي ويتبلون وهو يسمع لهم

هذي الصفات ماقدرت اغيرها حاولت اسكت ولافضفض له وأخلي كلامي معه رسمي لاكن مهما كان انا انسانة وَذَا شريك حياتي اذا ما شاركته الي في قلبي أشارك مين

كثير لما اشوف مواضيع تتكلم عن جلد الذات اللي حتى انا اعاني منه والحمدلله بديت اغير من نفسي لما صرت افكر واسأل نفسي واقول
كيف اطلب الرحمه من الناس وانا نفسي ماني راحم نفسي
كيف اطلب من الناس انهم ينشغلون بنفسهم وانا ماني مشغول الا بكلامهم وش يقول هذا وشلون ابرر لهذا الى متى وانا ظالم نفسي مع اني استحق اني ارتاح بعد التعب والمعانة اللي مريت فيها
صدقيني يااختي مافيه احد يستاهل نتعب نفسنا
ولا فيه انسان يستاهل نفكر فيه وهو ناسينا ولادرى عنا اصلا
ليه نتكلم عن شي راح وكأنه كان ماضي جميل وراح فجأه مع انه كل هم وغم فـ المفروض اننا نفرح بزوال الهم ونحاول نبدا من جديد باكثر تركيز واكثر ثقه واكثر ادراك بعيد عن الماضي بكل مافيه

توقعت ان جلد الذات للحريم صدمتني معقولة في رجال يلوم نفسه.

لان الي اشوفه الرجال يطلق من هنا يتزوج من هنا ولا همه شي


تلوم نفسك على ايش وانت المظلوم وطليقتك خائنة

نفس السؤال..

كيف كانت ظروف طلعتك من البيت؟؟

اكبر خطأ لايغتفر للزوجه اذا زعلت تخرج من بيتها ....؟؟؟؟؟؟!
خلك في بيتك النفوس تتغير وتهدأ والغضب يذهب وتبدأ العقلانيه ترجع للطرفين .....!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي