السلام عليكم

انا مطلقه خلع ع 25 وعندي ولد عمره سنه ونص
تقدم لي واحد متزوج وعنده اطفال وافقت عليه بس هو بعدين تراجع لما عرف ان شرطي يعيش ولدي معي ،وف واحد مطلق كبير بالعمر جى من طرف ولد عمي ماتقدم رسمي بس لما عرف ان شرطي ولدي يعيش معي رفضني 😕
وخواتي يقولو الي معها ولد محد ياخذها
وماهمني كلامهم هذا شرطي وماراح اتخلى عنه والي مايبي ولدي ماابيه 😤
بس اتسال هم ليش يرفضون الي عندها ولد ؟؟!
المهم موضوعي هو ان من كم يوم وحده من صديقات امي تقول في واحد مطلق وعنده بنتين يدور ع زوجه وان امه موصيتها تدورله وقالتلهم علي وتسال امي ش راينا فيهم
وانا مدري احسه مايناسبني لان اطفاله بنات وانا ولد وبناته كبار وولدي صغير ولان عايش معه اخته مطلقه وعندها ثلاث اطفال وامه عادي امه بس عيال اخته وعياله احس صعب يعيش ولدي بينهم وممكن اذا كبر ولدي مايرضى هو يخالطهم انا قلت لامي مايناسبني الا ارمل وعنده ولد اكون لولده ام ويكون لولدي اب رافضه بس امي تقولي بكيفك بس لاتتشرطي بكره ماتلقي من ياخذك غير الشياب 😢

صادقه امك
واذا الرجال وكويس وراضي بولدك ليش لا
صديقتي امها توفت وهي بالاشهر
وابوها تزوج مطلقه عندها ولد
تقول الولد كان زي اخونا
وطبعا يوم كبر تغطوا منه
لكن لسه العلاقات طيبه وينادوه اخونا
حتى مره قابلت زوجته سالت صديقتي من ذي قالت مره اخويه
مع انه مو اخوها بس ولد زوجه ابوها
استخيري
اهم شي تلقى احد راضي ومقتنع بوضعك
الارمل وين تلقينه
وبعد ارمل عنده ولد
ياختي الرجال مايتفصلوا تفصال
والحمدلله ذريتك ولد
الولد ماتشيلي همه زي البنت
حتى لو كبر ممكن يعيش لوحده لشقه عندك يدرس برى
لكن البنت مربوطه فيكي وين مارحتي تروح معك
الله يوفقك

هلا غاليتي
اذا الريال زين يخاف الله فكري في الموضوع وسالي عن اخته يمكن طيبة
بعد في ملاحظة مو كل شي يقولونه
الاهل صح انتي بعد شغلي عقلك
الأخوات والوالدين من بعد طلاق البنت
يبونها تتزوج باسرع وقت بشخص يعجب
المجتمع يعني مثلا مرة تقدم لي واحد
عمره 40 وعنده بيت عود ويزعم كشخة
الكل مستانس عليه في الأخير قال خلاص
مابي اتزوج

انتي فكري زين

لاتتزوجين واحد إلا مقتنعة فيه وبوضعه وظروفه وشايفه إنها تناسبك ، وخليك من كلام المحبطين اللي يحسسونك إن هالخاطب آخر حبة وإذا ماأخذتيه نصيبك بينقطع ، الرازق الله فكري بأبعاد قرارك وضع ولدك مع بناته مع سكن أخته وعيالها معكم بنفس البيت وطليقك لو عرف إنك بتتزوجين يمكن يطالب بولده ، أحيي فيك إنك ماتخليتي عن ولدك عشان تتزوجين بعض الأمهات ترمي عيالها ع الأبو وتروح تعرس ، وفعلاً اللي مايبيك بولدك اللي قطعة منك لاتقبلين فيه ، الله يوفقك

__________________

وبدأت تحدي إنقاص الوزن الهدف إن شاء الله 55 كيلو

ادري مايتفصلو الرجال بس هي مجرد امنيه يمكن تصير ماتدري ☺️

انا مدري اذا رجال كويس او لا بس احنا نعرف طليقته كانت صاحبة خواتي ايام المدرسه هي وخواتها مره طيبات ومسكينات ومايأذو احد ويتيمات امهم توفت وهن صغار يعني احس المشكله من زوجها يمكن شراني والي سمعناه انه تطلقت بسبب امه تأذت منها والبعض يقولو لا امه الي كانت تأذيها زوجة ولدها ماندري من نصدق بس انا احس المشكله منهم يمكن ماقدرت تعيش بين امه واخته وعيالها وهو مايقدر يطلعها لحالها ويترك اهله لوحدهم بدون رجال وغير كذا ماديته صعبه يعني وضعهم صعب انا لو لوحدي عادي اقبل بس ولدي صعب يعيش بينهم وماارضى اذا كبر يطلعوه ويعيش لحاله مثل الغريب 😢

شكرا جود الفرح
انا رافضه مبدئياً بس بفكر اكثر عشان لما اقرر مااتندم

صح كلامك
ومو مقتنعه فيه لان وضعه مايناسبني
وزي ماقلتي ماينفع يعيش ولدي بينهم ف بيت واحد و كيف بيعاملوه واذا كبر ماراح يرضى يعيش بين بناته وبنات اخته وانا مااقبل يطلعوه لحاله يعيش مستحيل.
اشوف اني اقبل ف متزوج احسن منه ع الاقل يحطني ف بيت لوحدي انا ولدي ويعيش بين امه واخوانه مو هذا بعد مايكبر الولد يطلعوه صعب عليه مايكفي انه تربى بعيد عن ابوه يعني يخسر امه الواحد يبغى يعيش بين عايلته مو لحاله مثل اليتيم. 😢

انتبهي من اللي كل العائله معه وربي شرر كذا عليك

مهما كان الاخوات يختلفون فما بالك انتي وطفلك وحريم واطفال صعبه
اختاري اللي ظروفه كويسه لو يرفض يربي ولدك لاتلومينه صعب الواحد يشيل مسؤولية طفل مو طفله
وممكن مبدئيا يرفض وعقب الزواج يحبك ويوافق ماتدرين لعل الله يحدث بعد ذالك امرا

وولدك ممكن تشرطين انك تشوفينه وتدبرين اموره وهو عند اهلك
والحياة فرص وولدك ماحيضيع صدقيني
دام انه عند اهلك ماعليه ان شاءلله

تفكيرك صح لا تتخلين عن ولدك
اقبلي باللي يرضا بوجود ولدك

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

__________________
قال ﷺ ( والذي نفس محمد بيده ما تواد اثنان ففُرق بينهما ؛ إلا بذنب يحدثه أحدهما ) .