السلام عليكم ورحمة الله وبركاته


اسأل الله ان يعوضني وإياكم بكل ماهو خير لنا في الدنيا والأخره
وان يرزقنا من حيث لانحتسب


أخواتي انا الان خلصت عدة الطلاق لي شهرين تقريبا


سؤالي..!

أيش الأجراءات إللي لازم أسويها

اولا لايوجد لدي صك طلاق ولم تخبرنا المحكمه بالطلاق
فقط أرسل طليقي صورة من الصك على جوال اخوي

ثانيا بطاقة العائلة الأصل الى الان معي ولم يطلبها مني طليقي
ممكن بحكم ان لدي طفل وهو ليس بحاجه لها

ثالثا ليس لدي بطاقة أحوال

اتمنى تفيدوني بالتفصيل عن كل اللي من المفترض اسويه
لان فعلا ليس لدي علم ولا أهلي مايعرفون
وبحثت بقوقل ولم احصل على الاجابات الكافيه

أنتظر أجابتكم


تم تعديل العنوان ليتناسب مع المضمون

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

إلي أعرفه إن إنه إبنك لازم يسجل في إستمارة العائلة حق طليقك ويكون استمارة العائلة معاه أساساً وإنت لازم تستلمين ورقة الطلاق على أساس أبوك لازم يضيفك في كرت العائلة في حالة وحدة إذا جاك قبل نهاية العدة وراح قال للقاضي اريد رجوع زوجتي هذا استثناء ثاني لازم يجيب لهم الصك عشان يرجعك والله أعلم والله يكتبلك الي فيه الخير ويفرج همك

بما إنتهت العدة خلاص ابوكي لازم ياخذ الصك من المحكمة عشان كمان يسجل اسمك في كرت العائلة حق ابوكي وكرت العائلة حق طليقك خلاص لازم تعطينه عشان كمان لازم يحذف اسمك من كرت العائلة وأسأل الله بأن يعوضك ويوفقك ويسخرلك بالزوج الصالح ويسخر لك الولد يارب

لازم تاخذي نسخه من صك الطلاق
روحي لمحامي او اتصلي فيه احسن
وطالبي بنفقه ابنك
وانه ينزل اسمك من دفتر العائله اضن
وقدمي على ضمان للمطلقات
الله يعوضك خير
اهم شي حقوقك لا تخلينها

طالبي بصك الطلاق الاصلي حتى لو تقدمي ع الضمان يكون معاك
وكمان شهادة ميلاد طفلك لازم تكون معاك حتى بعدين لو دخل المدوسه
وبخصوص الكرت لازم ينزل منه اسمك من احوال وتغير حالتك من متزرجه الى مطلقه
لانو عند تسجيلك ف الضمان يطلبون منك برنت من احوال عشانو الحاله الاجتماعيه
والكرت اللي معاك لازم يكون عندك عشان مراجعات طفلك فيه
وكمان طالبي بنفقة طفلك لازم يدفعها مو يخلف ويرمي
الله يعوضنا خير ان شاءالله

اختي صك الطلاق المحكمه تعطي الزوج صوره فقط
واصل الصك يكون للزوجه تستلمه من المحكمه رسمي
فـ خلي ابوك والا اخوك يروح للمحكمه وياخذ الصك
مهم انكم تاخذون الصك من المحكمه لان حتى لو تبين تتزوجين بعدين ماتقدرين الا بموجب هالصك انك مطلقه

تستلمي صك الطلاق من المحكمه
لازم يكون معك صك اعاله ادا زوجك ماينفق ع الولد ويحتاج 4شهود
تتغير حالتك من متزوجه الى مطلقه وهدي الخطوه ضروريه جدا
الله يعوضك خير

__________________
ريم نواف سابقا

توي مسويه اوراقي
يروح والدك او اخوك للمحكمه وياخذ صك الطلاق وبعدها يروح بكرت العائله والصك للاحوال المدنيه ويسقط اسمك من كرت
طليقك

وبعدها اذا منتي موظفه
تروحي للضمان
معك كرت العائله وصك الطلاق ورقم الايبان حق البنك علشان تقدمين بالضمان
من ناحيك ولدك ماعندي اي معلومه

السلام عليكم ورحمة الله وبركاته

أبي اسأل وفعلا مااعرف الأجابة
واتمنى إفادتي بهالموضوع

الان الزوج يستطيع تطليق زوجته بالثلاث
من اول طلقه

يعني كأول طلقه بينهم ويروح للمحكمه
يقدر يقول انا ابي اطلقها بالثلاث
بحيث تحرم عليه ولاتكون لهم رجعه
والا يجبرونه المحكمه على طلقه وحده دام انها اول مره

واذا يقدر يطلق بالثلاث من اول مره
لازم يكون عنده سبب قوي
والا مايطلبون الاسباب

اتمنى فهمتو سؤالي

انتظر الأجابه

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

يبين بالصك اذا طلقه بائنه او رجعيه
طلعي الصك وبيبين عندك
الله يعلم بس مااعتقد يجبرونه على نوع الطلقه
يمكن يقول لهم انا مطلق ثلاث وخالص مو لازم موثق كل طلقاته بالمحكمه