السلام عليكم ورحمة الله
كل عام وانتم بخير
حابه اذكر مشكلتي بكل تفصيل وامل من بعد الله ان القى عندكم حل او مشوره تقنعني !
انا انخطبت السنه اللي راحت في عيد الفطر كان خطيبي بالشوفه مستحي ولا ناظرني وماجلس ولا ثانيه وقام تعشى وراح انتظر اهله بالسياره !! انا اكتئبت وجاني احساس اني ماعجبته ومجبور علي بس بنفس الوقت لما افكر مافيه رجال ينجبر !
المهم اختفى هالانسان لا هدايا لا زيارات ولا حدد وقت الملكه او الزواج وتعلقت حياتي مااعرف وش وضعي !
اكتشفت بعدين انه ترك وظيفته وجلس باللبيت يدور وظيفه ثانيه الى ان التحق بالعسكريه طبعا هو يقرب لي وابن خالتي بس لا يحضر اجتماعتنا ولا اعيادنا حتى زواج اخوي ماحضر!! هالشي يخليني احس انه مجبور علي بس الكل يقول لي انه من النوع الخجول حتى يحكي معهم بهمس اظنه ماعنده ثقه بنفسه!
قبل عيد الاضحى طحت بالصدفه على حسابه بالانستقرام وعملت حساب وهمي وسويت متابعه بعد ساعات كلمني على الخاص وجلس يسأل ويبي يتعرف وصار بيننا محاداثات لمده اسبوع اكتشفت ان عنده اهتمامات حلوة حبيتها بس كان شاك وخايف اني اعرفه لما قلت له ليه تخاف اني اعرفك قال بالحقيقه انا متزوج وعندي طفل !! وهو كاذب فقط بيني وبينه خطوبه انصدمت من كذبه خصوصا انه قال ببدايه محادثاته انه يحتاج يتزوج بس ناقصه يتعرف على البنت الحلوه وان كل ماخطبن له امه تطلع بنت شينه << يشهد الله اني اجمل منه ووضعي التعليمي والمادي افضل منه بكثير !!
المهم اعتذرت منه وقلت انت متزوج خلاص ماابي اكمل علاقه معاك احترام لزوجتك قال لي اوكي براحتك انا كنت ابي اتخلص منه عشان ماايطيح من عيني اكثر او يكتشف انو انا خطيبته!
السؤال هنا اعتبروني اختكم انا اكمل معاه او افسخ الخطوبه ؟ او اكلم اخته هي صديقتي واسألها اذا هو مقتنع فيني وشاريني او بس يجامل اهلي واهله !!
واسأل الله ان يفرج همي وهمومكم ..

__________________
و أقول لنفسي سيطلع من عتمتي قمرٌ

ملكتي اوخطبه
استخيري في الاستمرار اوالانفصال الله يختار لك الا فضل

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

مادام تملكين الجمال والمال ماله داعي التنازل ياعزيزتي والمغامرة بالزواج منه
أوضاعه غير مطمئنة .. خجول لدرجة يتكلم بهمس .. ترك وظيفته .. يتعرف على بنت ويدعي أنه متزوج ..وبنفس الوقت غير مهتم بالتواصل معك .. غير متواصل بالأعياد والزواجات المهمة ..

وفقك الله ..

__________________
أستغفر الله وأتوب إليه✨

لا خطوبه بس! وانا والله شبه يوميا استخير بس محتاره مرره

__________________
و أقول لنفسي سيطلع من عتمتي قمرٌ

المشكله ان الانفصال بعايلتنا صعب امي ماتبي تخسر اختها + انا من قبل فسخت خطوبتي مرتين فااحس مو كويس لسمعتي اني انفصل هالمره ! بنفس الوقت الزواج منه يخوف وقلقانه منه

__________________
و أقول لنفسي سيطلع من عتمتي قمرٌ

بما انه خجول طبيعي جدا يفرغ طاقاته في المحادثات وغيرها الكترونيا ..
يعني في وسائل التواصل الاجتماعي ..
في امكانيه للتغيير بعد الزواج .. بس الموضوع يبغاله طولة بال ونفس طويل ..
وماعتقد انه في رجال ينجبر على الزواج .. اذا البنت الحين ما تقدر تجبرها فكيف بالرجال ..
ولكن .. نصيحه ان تستخيري وتسالين عنه اكثر ...
ولا تقولين الانفصال صعب في عايلتكم وانك انفصلتي قبل ..
هذا زواج مو حقل تجارب ..
بكره ما تتحملون بعض ويصير طلااق لاقدر الله ..

بخصوص موضوع الانستجرام ... ترا انتي اللي رحتي له .. !! .. يعني لا تعتمدين على ردة فعله اللي صارت ..
مو شرط انه كان يبي يتعرف .. والدليل انه قالك بأنه متزوج .. يعني انهى الموضوع من البدايه ..

شوفي رأي أبوك أو اخونك فيه
و خليهم يسألون زملائه وأصدقائه المقربون عنه ومن جميع النواحي
ودخولك عليه عن طريق البرنامج خطأ

انا ماوافقا عليه الا من مدح ابوي له ومن تربيته ... سألنا كثير بس عرفت انه انسان خجول جدا لدرجه ماعنده استراحه واخويا يسهر معاهم .. وقت فراغه يقضيه بمتابعه المباريات والافلام او العزف !!
انسان بيتوتي جدا
بالنسبه للانستقرام انا مجرد سويت له متابعه عشان اعرف الصور الللي ينزلها واشوف مين يتابع ممكن اعرف اهتمامته اكثر لكن تفأجأت منه ان كلمني على الخاص !

__________________
و أقول لنفسي سيطلع من عتمتي قمرٌ

افكار وهواجس كثيره تدور في بالي مااقدر افكر بأي شي ثاني
كل ماافكر فيه انفصل واكسر خاطر امي وخالتي
او اصبر وبعده الملكة يمكن يحبني وينجذب لاسلوبي
او اسأل اخته اذا هو يبيني او لا واعرف وش وضعي من البداية ..

__________________
و أقول لنفسي سيطلع من عتمتي قمرٌ

إذا وافقتي عليه لا تجين المنتدى تفتحين موضوع تشتكين زوجي يغازل بنات.انتي تتحملي نتائج أفعاله ولا تتوقعين بتغيرينه بعد الزواج...ما ابغى احطمك بس هذا الواقع للأسف