زوجي مايقصر في مصروف البيت لكن الكماليات والاشياء الثانية يشوفها شيء مو ضروري ونبدأ بالتسويف اللي ما ينتهي كيف ممكن يقتنع من اول شيء ياليت في عصا سحريه نستخدمها مثلا دولاب العيال متهالك صحيح واقف ومتحمل بس يبغاله تغيير له ثلاث سنوات بيغيره دورت على محل وكلمته وارسلت له الصورة واتفقت معه وبعدين كلمت زوجي قال لا غالي بفصل فمنطقتنا غيرت اشياء واشتريت عن طريق مندوب لاني طفشت وانا انتظره بس مو عاجبني هالحال فكرت اني اخذ منه 200 ريال شهريا واحط انا عليها 200 للكماليات او بنغير شيء مثلا هل هالحل ممتاز اخاف اجني على نفسي واندم بعد فترة

استخيري الله و استشيري زوجك ، فان وافقك الرأي توكلي على الله و ان راى غير ذلك فلا بأس ....و خذي الامور بمرونة بارك الله فيك ..

__________________
أشهد أن لا إله إلا الله و أشهد أن محمدا رسول الله صلى الله عليه و سلم

بحاول اقنعه مو هذي المشكلة اخاف بعد فترة يقولي انزنقت كم صار المبلغ او يعتمد عليها فكل شيء وانا مو هذي فكرتي

إنت أدرى بزوجك ممكن يستغلك أو يقدرك.
إذا تتوقعي يستغلك ويرمي تدريجياً كل شي أو أغلب المسؤوليات عليك خلي فلوسك في جيبك عشان ماتندمي ولا تمني عليه في يوم من الأيام.

بشكل عام لا تعط إلا وأنت مقتنعة وراضية وبمحبة ورضا ولا تنتظري مقابل وإلا احتفظي بفلوسك عشان ما تصابي بإحباط وخيبة أمل..

اختي الاخت تقول كماليات يعني مو واجب على الزوج
وين الاستغلال في الموضوع؟


اختي نرجسيه اذا انك تقدرين تساعدين الله يقويك في النهايه هذا بيتك
ولاتنتظري ان زوجك يسوي كل شي بخاطرك فـ بادري الله يوفقك ولو بمبلغ بسيط مثل ماقلتي وشوي شوي راح يكون جمعتوا مبلغ تقدرون تغطين كل الكماليات اللي نفسك فيها

انا مثلي مثل باقي الحريم اللي زوجها يغير لها الدهان ويغير المجلس ويجيب ادوات المطبخ الكمالية انا جبت وجبت بس ما ابغاه يتعود

انا ما اكلف عليه باحتياجاتي بس ما ابغى اشيل هم الكماليات وحدي ابغى اطلب بجرأة وقوة وما اشيل هم المماطل او التحايل لانه مو اسلوبي

كيف وضع زوجكِ المادي إجمالاً؟

ومن الذي سيتكفّل بإيجار الشقة الجديدة؟ .. وهل الزيادة في الإيجار ستكون كبيرة؟

__________________


اللهم طِيبَ الأثر .. وحُسْنَ الرحيل.

راتبه جيد بس عليه قروض باقي ما انتهت والتزامات مع اهله
الاجار هو حيتكفل به الزيادة حول 700ريال بس لازم ننقل لان شقتنا ضيقه بالنسبه لنا
ممكن ادفع معه 500 لمدة سنة يخلص القروض بس استمر فالدفع لا

من تجربتي وتجربة كثيرين تبدأ الزوجة بكماليات ثم تدريجياً تكتشف أنها تورطت بأساسيات ويصير الزوج شعاره ماعندي وهي اللي مو واجب عليها يصير من واجباتها وفوقه جحود ونكران ولا شكر ولا تقدير .. وتتحول الحياة من مشاركة إلى استبداد وظلم..

أختي إنت أدرى بموية زوجك وإلى أي طينة ينتمي .. وترى ليالي العيد تبان من عصاريها.

يساهم فالكماليات هو احسن من غيره ماهو ملزوم بمصروف للزوجة يعني مرتاح من هالناحية