سؤال لكل بنت و متزوجة .انا و اخواتي عايشين احلى عيشة لحد ماجاء اليوم الموعود و طلب اخوي الزواج و تزوج و من يوم تزوج كله بمشاكل لان زوجته تبينا خدم لها و اخوي مسانده و الادهي انها بعد ماجابت اول ولد كلن طار فية و استغلت الفرصة و حملت بعد 4سنوات و جابت ثاني و لانه مشاكلها كثيرة أبوي طردها من البيت بسبب مشكله هي اللي سوتها ولما جابت الثاني عرفنا بعد فترة انها متفقة مع اخوي انها تجيب عيال و احنا خواته نربي و جاء يوم و راحت بيت ابوها و رمت الاطفال ولدين صغار وبعدها حاولنا ترجع عشان عيالها

بس هي طلبت الطلاق و بعد سنتين طلبت زيارة لهم و سوت لنا مشاكل و بعد شهرين طلبت الحضانه أخذت صك الحضانه و رفضت تأخذ العيال و بعد 6شهور رفضت الحضانه و اخوى مايهمه شيء على طول يحملنا انا و اخواتي غلطة زواجه و يقول انتم المسئولين عن العيال انا مالي دخل طيب وش ذنبي انا و اخواتي يحملنا كل غلط . و طبعا تزوج وحدة ثانية و كانت موافقه على العيال و بعد الزواج رفضت حتي يعتبون الباب عندها غير مشاكل يوم الزواج طيحنا بمشكلة اهل العروس متفقين معه ما يحضر ابنه الصغير الزواج و احنا ما ندري و يوم العرس

تهاوشت اخوات العروس معنا و احنا ما ندرى انه بينهم اتفاق انه ابنه ما يحضر و المشكلة ان امهم ما تبيهم و ابوهم مايبيهم و امي و أبوي كبار سن و ما يقدرون يربون اطفال و انا و اخواتي محبوسين في البيت مع عياله وهو ولا همه مع الحرمه الجديدة هل الولد في مجتمعنا اذا طلق أخواته يتحملون أغلاط زواجه و هو لا همه

طبعا لسانه طويل و يُتهم امي و أبوي بأشياء و من ثاني يوم صار محامي للزوجة الثانيه و ممنوع احد يغلط عليها كأنها ملاك غير انه حارس عندها اذا زارتنا
هذا غير ان عياله فيهم توحد و الكبير توحد و فرط حركة
و هو يقول ما فيهم شيء انتم عدلوا سلوكهم
يعني بس اسم اب يعني هم يحتاجون رعاية و يحسب ان العمات يقدرون يعالجون عيالة
حمل كبير 5سنوات و فوق كذا يذم و طليقتة تشتكي عيالي ما ربوهم زين

يكره البنات بشكل بس يبينا نربي عياله

هل من حق كل مطلق و مطلقة يرمون عيالهم و بس
هل من حق المطلقة انها ترمي عيالها علي العمات بحجة انهم اكثر من بنتين

تم تغير العنوان ليتناسب مع المضمون

الغلط من أخوك المفروض
يتحمل تبعات قراراته
لا انت ولا زوجته الجديدة لكم ذنب
بالوضع الجديد

لكن طالما قلبه ميت
وقلب الأم من جحر
فأحسنوا للأطفال واحتسبوا الأجر
عند الله
مالهم ذنب

وبسألك كيف شخصتي حالة
أطفاله أنهم توحد وفرط حركة ؟
وكم أعمارهم ؟

أقولك كيف شخصت التوحد
الكبير 8سنوات علطول يتحرك ما يقدر يجلس في مكان أبدا و ما يقدر يسكت يكرر الكلام مليون مرة غير انه يضرب راْسه بالجدار
الصغير 4 سنوات يعاني من كساح و لين عظام و عيونه على فوق يطالع فوق غير انه يضرب راْسه بالجدار و زوايا الكراسي
وهو مصر انه اطفاله مايعانون من شيء
تعبت منهم وقدرت اساعد الطفل 4 سنوات انه يمشي بس الأعراض الباقية ما قدرت عليها

حرام

حاولوا تحتضنوهم و يمكن يكونوا لكم سند في المستقبل ..

اعرضوهم على دكتور متخصص ، وحاولوا تلزمون ابوهم وامهم بمتابعتهم ، ابوهم ينكر مرضهم لانه ما يبي

يتحمل مسؤوليتهم ، لو كانوا صحتهم احسن مو مشكله تراعوهم ولكن هم محتاجين رعايه واهتمام خاص

شو صار في الناس ، استغفر الله ، طفل التوحد ما يحتمله ويقدر يراعيه غير الوالدين

__________________
وهل من مصير اخر ؟

لاحول ولاقوة إلا بالله

اولا اسأل الله أن يعينكم ويحنن قلوبكم عليهم
لأنهم أطفال
ومالهم ذنب انهم خلقو بين ام واب معدومي الضمير
نسأل الله العفو والعافيه
واسأل الله لهم الهدايه والصلاح
فعلا شي يضيق الصدر

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

حاولنا في ابوهم و أبوي حاول مع اخوى يعرضهم علي طبيب بيس هو رافض
و امهم رافضة العيال تقول هم ما يحملون اسمي مالي دخل فيهم
حتي ان الكبير اعطوه المدرسة ورقة للامتحان قدراتة وامتحن و بعدها قالوا لازم يرجع عشان امتحان ثاني و اخوي رفض
اخوي هذا استغلالي لدرجه ما يهمك الا مصلحته و يشوف خواته سوبر مان
هو تزوج بعد طليقته و انا كنت رافضة زواجة بس أبوي قال نتخلص من مشاكله صارت المشاكل اكثر و رفض عياله يعتبون باب الشقة وزوجته قالت لو يجي ابنك الكبير زيارة لو دقيقة راح اطلع من البيت
طبعا هو ينفذ كلام زوجته يمرضون يتعبون لا امهم و ابوهم مهتمين

انتي شو وضعك انتي خواتك ..
يعني تدرسون تشتغلون متزوجات .. الخ
اذا كانت عندكم المقدره على تربيتهم فاحتسبوا فيهم الاجر من عند الله سبحانه وتعالى
وان شاء الله ربنا بيسرها عليكم .. ويكونون لكم سند بعد يكبرون بعد الله سبحانه وتعالى ..
بس قبل هذا كله لازم ينعرضون على دكتور حتى يشخص حالتهم ..
الله يعينكم على هذا العبء .. بس من منطلق ان الابناء مالهم ذنب .. واخوكم مافيه ذرة رجوله بصراحه
اللي مستغرب منه اكثر هي امهم .. كيف ترميهم بلا سوال ولا كلام .. هذي ماعندها قلب ابد !!

لا حول ولا قوة الا بالله
في احد يهون عليه ضناه الله المستعان

قادر الله يحرمهم من الذرية

الاطفال حسب اللي ذكرتيه لازم ينعرضوا على طبيب بدون مشاورة الاخ
ما عندك اخ اخر ممكن هو يتولى الذهاب بهم الى المستشفى

__________________
يا رب خاتمة حســنة ، وزلفى ، وحسن مآب ..

ايش وضعك انت واخواتك ؟ متزوجات او لا ؟؟
الأب لازم يكون مسؤول عن اولاده .. مايخاف من ربه ؟؟ ايش القساوه الي بقلبه ؟؟
انتو اكيد بتاخذو اجر على الي بتعملوه ان شاء الله ..
بس لازم تخلو الاولاد مع ابوهم لأن هو المسؤول عنهم ..
ابدأ مو حل انكم تسكتون وتربونهم انتو .. حتى لو كان لكم القدره وفاضيين وماعندكم اي شغل ..
لااازم يتحمل اولاده بأي طريقه كانت .. حتى لو تاخذو الاولاد وتوديهم بيته وتمشي قوليله اولادك وانت اتحملهم
.. لازم لازم يتحمل مسؤوليتهم ما اعتقد لو عملتي كدا بيرمهم ف الشارع مثلا ..
ربي بيحاسبه على اولاده ..وامهم كمان محاسبه بس هي خلتهم ومشت ..
رجعيهم لأبوهم وهو يتحمل اولاده ويتصرف مع امهم
.. انت واخواتك مالكم اي ذنب ابـــدا .. ولا اي حق في تربية اولاده ..

يعني هو يتزوج وحده ثانيه ويرمي اولاده عليكم ويشوف حياته وانـتو لا ؟؟؟ اشوف انكم ماتسكتون له ابــدا

__________________
لاتسعى لتصحيح ظن احد بك ££ خالقك ينظر لقلبك وهذا يكفيك