السلام عليكم
بعد 4 سنوات من الطلاق تقريبا تم خلالها استلام حقوقها الزوجيه بالكامل رمت اولادها و تزوجت زواج عرفي ( بعد سنه ونص من الطلاق ) وباعت حتى اَهلها الي تبروا منها وهي مقيمه في بلد آخر.

اكتشفت مؤخرا ان طليقتي رافعه عليي قضيه تطالب بحقوقها الي انا أصلا دافعها من انا الطلاق حتى الان. غلطتي اني ما كنت ادفع الحقوق عن طريق المحكمه لأني قلت عيب ام عيالي تدخل محكمه واتبهدل كل شهر هذا غير نظرة الناس السيئه الي بالمحكمة لكن للأسف ما ذكرت هالشي للقاضي والادهى والامر انها تبي الفلوس حتى بعد رميها الأولاد وسفيرها خارج البلاد وزواجها بعد. الموضوع قانونيا واضح لكن اب ياخذ وقت طبعا

سؤالي
اهي طلبت الطلاق وبقوه ودخلتني محاكم واكتشفت بعد سنه ونص انها مرتبه مع واحد علشان اطلق من اهنيه و يتزوجها من اهنيه يعني خيانه بعد تزوجت وخذت كل حقوقها. طيب شتبي اهي الحين؟ الزوج اليديد مو تارس عينها ولا شنو؟ انا اول مره اشوف زوج يخلي زوجته تشاغل طليقها

ملاحظه،، قبل كم شهر بعثت 4 وسطاء علشان اتشوف عيالها لكن عيالها رافضين حتى يكلمونها. وسيطين منهم قالوا للاهل انها ندمانه وان ما لقت احد ينصحها ومن هالكلام الفاضي.

انا بفهم وين زوجها عن كل هذا؟

الله يعوضك خير اخ عبد الله
لا تنشغل بها
ربما هي تعاني من ازمة مادية حتى لجات لهذا
لانه لو كان زوجها كافيها لما فعلت
لكن مهما كان خطؤها لا تحرمها من شوفة اولادها

حتى لو أتعاني من ازمه ماديه. شلون ترضى تاخذ فلوس حرام. ما عادت اتفرق من الحلال والحرام

انا ما حرمتها والأولاد فعلا ما يبونها وانا مع رغبتهم. حتى الي عمره 5 سنوات ما يبيها. اساءت لهم بشكل كبير وعرفت بعدين ان عشيقها كان يأمرهم وينهرهم وحتى يعاقبهم وكانت تحاول إقناعهم يهاجرون معاها بس الحمدلله الله ستر وبلغوني العيال

صدقوا اخواننا المصريين لما قالوا اللي اختشوا ماتوا
فعلا قمة قلة الحيا والوقاحه
المفرو مالها وجه ولكن وش تسوي بهالعالم الغريب

على العموم اذا كنت تحول لها المبلغ حواله سهله تقدر تسحب برنت من البنك كـ اثبات
وبعدين كيف تطلب نفقه والعيال عندك!!

وكل امرك لله ومن ثم وكل محامي يحضر الجلسات وتعطيه مايفيد انك دفعت لها حقوقها واذا ماعندك مستند على الاقل المحامي كفيل بإخراجك بأقل الخساير ، والله يهديها ويكفيك شرها ، وعندي لك رأي اذا اولادك ماطلبوا رؤية امهم ولاهي كذلك طلبت لاتكلف نفسك ولاتجيب وساطه عشان تشوف عيالها لست ملزم بهذا طالما ماطلبت اتركها ...

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

لا حرام خليها تشرف اولادها وهم برضوا يشوفونها 💔💔
وبالنسبه لسالفة خيانه حرام لاتظلمها دام ماشفت شي واضح

واخر شي بيت طليقي حتى بعض اغراضي ماخذيتهم حسيت نفسي عايفتهن وشي خلاص مو لي
فعلا الناس مو واحد !

هذا الي بيصير واهي عارفه اني بطلع كشف حساب يثبت التحويلات
بس ماني فاهم اهي شتبي بالضبط
طلاق وعطيناها و حقوق وعطيناها و رمت الأولاد و عايشه حياتها حسب ما كانت تبي
شتبي الحين

اهي تدري ان الأولاد ما يبونها و ولدي الكبير قالها كاش مانبي نكلمج
اشرف لها تنساهم لان قربها الحين راح يؤلمهم

حرام على شنو اختي؟
الأولاد رافضين يشوفونها وحتى يكلمونها نهائيا
الخيانه شهد عليها الأولاد يا اختي وطلعوا خياسها كله
انا كنت شاك بس كنت أتعوذ من ابليس لان الشك دمار لكن الحمدلله والله ستر و انكشفت

الحمدلله اللي خلصك منها ياعبدالله
وبالنسبة لها اعتبرها غير موجودة ولا ترد على اتصالات أو رسائل أوساطات تجي عن طريقها
واستعجل بالزواج. والله يوفقك