السلام عليكم ومساء الخير عليكم جميعا

متزوج من 13 سنة ولم ننجب والمشكلة من زوجتي والحمدلله على كل حال
وقفنا معها ما عمري حسستها بالنقص وعشنا الحلوة والمرة تعالجنا في الداخل والخارج ولم يكتب الله لها شفاء
اتسلفت من البنوك ومن الاقارب ومن الناس حتى مرة دخلت سجن الحقوق بسبب دين وقلت لها انه مو بسبب العلاج اقصد السجن وانه بسبب دين قديم عشانها بس
قررت اوقف العلاج وسددت جميع الديون وتحسن وضعي والحمدلله
وسلمت امري لله
حاليا افكر بالزواج لكن خايف من موضوع العدل الراتب طيب بس ما راح يفتح بيت ثاني
نفسيتي تعبت وتعبت من المجاملات كل ما سألتني اقلها ضغط العمل ولا متضارب مع واحد الى متى ؟
الوالدة واخواتي متعاطفين مع زوجتي ويقول وش ذنبها ؟
انا ايش ذنبي طيب ؟
طبعا كلها مخلفين وعايشين حياتهم
والله وضعي صعب والنفسية في الحضيض ومتردد والله المستعان
لي عودة بعد قليل