السلام عليكم ورحمة الله

عندي سؤال : هل من الطبيعي اذا اي وحده مرت بتجربة الطلاق بعدها تكره الزواج ؟
هذا الاحساس موجود عندي وبس ابغى اعرف اذا هذا الشي طبيعي بحكم انه مامرت فتره مرره طويله على طلاقي تقريباً لي 7 اشهر بس افكر انه ماابغى اتزوج ابغى اعيش بدون زواج !
حتى انخطبت قريب ورفضت بدون سبب وبدون لا اسأل او استفسر عن الخاطب ..

هذي مشاعر احباط والله اعلم
الله يرزقك الزوج الصالح الذي تقر به عينك

أنا مثل حالتك بصراحة وما عندي اقبال على الفكرة
فأتوقع إنه شيء طبيعي

عادي بعد سنه او اكثر تتغير مشاعرك وتتقبلي الفكره
سبعه شهور فتره قصيره

على الجرح انا لي 5 شهور متطلقه ومده زواجي5 شهور 💔
ماحسيت ابدا فيها اني متزوجه وانا نفسك متخوفه والله من تجربه ثانيه والشيطان يوسوس لك
لكن لاترفضين الخطاب اذا كان رجال وصالح لاترفضينه وانا انصحك وانا نفسك لكن من تجارب الي حوليوالي قريت عنها ماراح تنسين التجربه السيئه الا اذا تعوضت بتجربه ناجحه والله يرزقك ويرزقني ويعوضنا بالي يسعدنا وننسى الي صار

بعضهم ماشاءالله اول ماتطلق تزوج بعد العده مااعرف كيف يجددون المشاعر احس صعب
لكن اذا جا رجال صالح ومناسب ليش لا وانا ضد الي ترفض الي يخطبونا الله بيعوضها خير لاترفض لان ماراح تنسى التجربه الي مرت فيها الا اذا تعوضت بتجربه ناجحه والله يعوضها ويعوضني وبنات المسلمين

وانا بعد مع مرام لا ترفضي الخاطب الكويس
لان صدقيني مع الوقت بتنسين وتصيرين ايجابيه اكثر للموضوع

جزاك الله خير ♥

انا مو متخوفه نهائياً بس مااحس اني جاهزه لفكرة الارتباط
بس يمكن زي ماقالوا الاخوات عشان مامرت فتره طويلة..
الله يعوضنا ويكتب لنا الخير ♥

فاهمه قصدك كانك تتكلمين عني احس مو جاهزه احس طاقتي وجهدي والضغط النفسي كان في زواجي الاول احس توني طالعه من تجربه ومعاناه صعبه وكنت اقول كل الرجال كذا عانيت كثير في زواجي من ثاني يوم تعب طليقي يقولون عين او مس مااعرف صادق او كذاب الله اعلم ، وطلاقي رجعت وجهازي جديد وفوقها شعور غبنه وظلم 😭💔لكن اذا انخطبت وكان مناسب ماراح ارفض ليش الرجال يتزوج اول مايطلق والحرمه تجلس فتره لاترفضين المناسب ابدا ، واذا على النسيان الي مريت فيه ماراح انساه الين اموت لاني عارفه ماراح انسا العمر كله ليش اذبح نفسي من الهم والرجال طلق بقلب بارد ، صحيح الايام كفيله وراح تبرد الي صار لكن صدقيني ومن تجارب قريتها كثير وحده 8 سنوات مانست زوجها واهي بس ملكه وتوفى ورافضه تتزوج ، اعرف كثرت كلام لكن ماودي تضيعين فرصه تجيك وبعدين تندمين كثري استغفار وصلاه الوتر والدعاء والاستخاره واذا جاك الرجال الصالح المناسب توكلي على الله واذا انتي مطلقه بدون اطفال وصغيره ممكن فرصه يجيك اعزب او مطلق بدون اطفال نفسك ، واذا الله كتب وتزوجتي اطوي صفحه طليقك بخيره وشره عند زوجك الجديد😂👌🏻 والله يرزقنا بالي يعوضنا ويسعدنا وينسينا الي شفناااه دعواتك الدعاء بظهر الغيب مستجاب💓