سلام عليكم

كيفكم

والله حبيت تساعدوني بافكاركم تصير بين المملكين يعني لمن يجي عندي ابغى اسوي حركات روعه ورومانسيه وتخبل

وتطير عقل الرجال

ممكن تساعدوني وحتى المتزوجين ممكن يعطونا افكارهم

هيا لاتردوني

وموفقين

تحياتي

وانا بعد ابي بس شوفي هذا الموضوع كتبه فيه فكره يمكن تناسبك

http://vb.66n.com/showthread.php?p=209524#post209524

مشكوره حبيبتي لكن ابغى كمان بليز

أهم شيء لازم تسويه المخطوبة من خلال تجربتي البسيطة عشان تجنن خطيبها التالي :

1- تكون رقيقة و ناعمة .. بس طبعاً مو متصنعة .
2- كل ترة تظهر له بشكل جديد و حلو .
3- تلبس اللي يعجبه .. و تحاول تطور من روحها .
4- إذا قال لها لا تلبسين هذا الشيء .. تتركه فوراً ولا تفكر بلبسه من جديد.
5- تقول له كلام الحب .. بس ما تزودها .. لأن بعدين بيتعود و ما بيشعر بالفرق.. بس لا تحرمينه الكلمة الحلوة و تتعيززين ..
6- تكون (هابّة ريح) يعني مبادرة في السنع ... يعني مثلاً لما تروح معاه بيتهم تقولله حبيبي لاتخلي الخدامة تكوي ثيابك .. أنا باكويهم لك .. و ترتب حجرته و تبخرها و تعطرها .. و تبدي رايها في ثيابه .. لأن الريال يموت على المرة اللي جذي .. بس طبعاً بالتأكيد مايحب المرأة اللي تتدخل في كل شي .. فبالتالي حاولي تكونين هابة ريح و في نفس الوقت محترمة خصوصياته و حدودك..

7- بالنسبة للحركات .. فأنصحك أثناء بعض المداعبات البسيطة اللي أكيد زوجك بيبادر لها .. أنصحك بأن تكوني متزنة في ردود فعلك .. يعني الرجل يحب المرأة الخجولة . ( ذات الحياء) بس ما يحب المرأة اللي ما تتفاعل معاه .. يعني لما يقبلك .. أول مرة أكيد بتكون شوية مو سهلة ... بس في المرات القادمة حاولي تتفاعلين معاه . . و تبينين له إن هذي القبلة أثرت فيكِ و أشعرتك بالسعادة .. و هذا التعبير طبعاً يمكن يكون بالحركات او بالنظرات .. و أحياناً بالكلام ..

لا تحاولين تعاندين أبداً أو تتصنعين .. ترة هذا الشيء ما يحبونه الرجال ..
كوني طبيعية و مرنة ..

و نقطة مهمة أيضاً .. و خصوصاً في مرحلة الخطوبة ...
لا تعطين الرجل كل شيء مرة وحدة ..
يعني سايريه و دلعيه و سوي اللي تبين .. لكن بحدود .. عشان ما يحس ببرود تجاه العرس .. و تبقى حلاوة للعرس ..
هذي نقطة يغفلون عنها المخطوبين ... فانتبهي لها ...

طبعاً في حركات وايد ممكن المخطوبة تسويها حق خطيبها ...

بس ما أعتقد إنه من الجيد ذكرها في المنتدى بشكل صريح و واضح .. لأن ممكن يستفاد منها سوءاً ..

إذا حبيتي المزيد من تجاربي الشخصية و تجارب رفيجاتي .. ممكن تتواصلين معاي عبر الرسائل الخاصة ..

الله يوفقج إن شاء الله ..
و يسعدج مع زوجك ..

مشكووووووووووووووووووووور حبيبتي والله ماقصرتي واكيد بتواصل معاكي ولو ماعليكي كلافه وربي يجزاكي خير فياريت ترسلينه على الخاص اوكي ياقمر.. انتظرك

تحياتي

اتصرفي على طبيعتك وراح تكوني احلى وحده وبيحب تصرفك هذا ويتذكره واذا سويتي شي مو من طبيعتك صدقيني راح يبان انه تكلف ومصتنع