اولا السلام عليكم ورحمة الله وبركاته

بصراحة ماتوقعت ابدا ان اكتب في هذا المنتدى ولكن آملة منكم المشورة وسعة الصدر وخاصة أهل الخبرة لاني ماكتبت بهالشيء الا بعد ما يأست تمااااااااااااااااااما وصارت فيني حيرة وان شاء الله ما اطول عليكم بسالفتي
اولاانا من عائلة معروفة اجتماعيا وحالتنا المادية ممتازة وانا لله الحمد انسانه متدينة وعلى خلق ومن عائلة محافظة المشكلة بدات لمن تعرفت على شخص من بلد ثاني وتلاقينا عبر النت وصارت بيننا معرفة ومااريد اطول بالسالفة المهم تطورت هالعلاقة وحبينا بعض وانا مابديت بهالعلاقة الا وانا عارفة انه يبي يتزوج المهم اتفقنا بس المششششششششششكلة انه صارت حالته المادية تعباااااااااانه لدرجة اني انتظرته سنتين على امل تتحسن بس للأسف والمشكلة الأكبر انه الزواج عندنا مكلف شوي و هومآخذ قرض علشاني وانا قلتله ما نتسرع خلنا نخطب الاول وبعدين الزواج مو مشكلة بس هو مصر الا ويبي كل شيء مرة وحدة انا مقدرة ظروفة جدا ومتحملة والله اني دايما ادعي ربي وساعات اقول في نفسي انا ليه اظلمة ويظلمني معاه ونسبب لأنفسنا المتاعب لدجة انه هو صار يقولي اذا جاني نصيبي واشوفه مناسب لي ما اتردد بس انا ماااااااااااااااا اقدر اسوي هالشيء وانا ادري يقولي هالكلام من زود حبه لي

بتقولون لي صلي صلاة الاستخارة والله صليت وااااااااااااااااايد وكل ليلة ادعي اني اشوف تطور بالسالفه وساعات اقول لا خلاص الافضل يروح كل واحد بحاله

وعلى فكرة انا عمري 25 وهو30
ولاتقولون يضحك عليج انا اثق فيه اكثر من نفسي وصارت لي مواقف كثيرة تثبت لي هالشيء وقلتله اني مستعده اتحمل معاه كل شيء بس هو وجهة نظره غير

فأبغي مشورتكم استمر وياه والا شو اسوي
الله يساعدكم دنيا وآآآآآآآآآآآآآآخره لا تبخلون علي بآرائكم

انتظر ردودكم والسموحة لاني كتبت بالعامية و طولت عليكم

بيني من اي دوله انتي وهو ؟؟

هل الأهل يدرون ؟

اختي الفاضله...
من رأيي ان تستمروا في موضوع الزواج ومن اراد العفاف اعانه الله...
لكن والاهم من ذلك ان تستشيري امك او من يقوم مقامها لانه مهما كان يتفهمونك
اكثر منا...والخيرة فيما يختاره الله ...اسئل الله لك التوفيق يا عزييزتي
وبكل واقعيه
كثيرا ما يصيبنا من عوائق دنيويه تكون ضريبة لعمل قد اغضب الله سبحانه وتعالى
فاكثري الاستغفار يا غاليه وحاسبي نفسك قبل ان تحاسبي و يكفي انك من عائلة متدينه
ونتوسم فيك كل خير...

__________________
سئل الخوارزمي عن الانسان فقال..
اذا كان الانسان ذو (اخلاق) فهو =1
واذا كان ذو جمال اضف الى الواحد صفر=10
واذا كان ذو مال ايضا اضف صفرا=100
واذا كان ذو جمال اضف صفرا ثالثا=1000
واذا كان ذو حسب ونسب اضف صفرا =10000

فلوذهب العدد (1) ذهبت قيمة الانسان وبقيت الاصفار بلا فائدة...

%%%%%%%%%%%%%%%%%%%%%%%%%%%%%%%%
اللهم اشفي امي وابي شفاء تاما..وعوضهما كل خير

جديد المنتدى...

سؤال وجواب (س.ج)

اختي الغاليه

اذا كان فعلا يحبك

حاولي انك ماتتعدين في علاقتك معاه وخليه يعجل يجي يخطبك يكون افظل

ولو مارضى حاولي اقناعه باي طريقه

على الاقل مثل ماقلتي خطبه اقصد فيها الملكه وبعدها يحلها الف حلال

والله يسعدك يارب ويكتب اللي فيه الخير لكم

مشكورين على ردوردكم الطيبة


اخوي بديع الحب .........انا من الامارات وهو من السعودية


اللاعب.......... لا اهلي ما يدرون بسالفتنا بس هم ما عندهم مانع من الزواج من الخارج بس طبعا بشروط اهم شيء الدين والسمعة الطيبة ومن عائلة زينة

اختي (حبيبة زوجي)........ انا اسوي مثل ما تقولين وان شاء الله خير بس انا فعلا حيرانة ودي بشيء لو بسيط يعطيني امل اكمل معاه لاني تعبت الصراحة ماصرت انام بالليل ابد والسبب هالشيء

أخوي معالم مشكور على تعليقك الأكثر من حلو وان شاء الله اوكل امري لله

طيب مادام هو في السعودية وانت في الامارات ... ليه ما تروحون عمرة وتخليه يقابلكم ويتعرف على والدك
واذا لاقاه يناسبك خلاص يوافق عليه ...

هذا راي والله اعلم

مشكورة اختي على ردج وما تعرفين اشقد فرحني عسى ربي يفرحج دنيا وآخره

وانا ناويه اسوي اللي قلتي عليه ان شاءا لله بس تعرفين وين المشكلة انه ظروفة الحالية ما تسمح يعني لازم نؤجل الموضوع.............. الين متى والله مدري..... وهذا هو اللي قاهرني مع اني مليييييييييييييييت من كثر ما اكلمه واقوله خلنا نسوي خطبة بس والزواج مو مشكله بعدين بس هو مصر على رأييه ويقول ما يبي يحط نفسة بموقف مو حلو

والله تعبت معاه ماني عارفه شو الحل

حيرااااااااااااااااااااااااااانة

خصوصا في مواضيع حساسه مثل هذي
بما انك تقولين انه حالته الماديه جدا رديئه وانت ممتازة تبين الصلراحه راح تتعبين لو تزوجتيه وبالنسبه للعيشه في السعوديه جدا صعبه يعني تخليك تكرهين نفسك
فنصيحتي لك فكري بعقلك مو قلبك اذا تزوجتيه كيف بيقدر يكفي مصاريفك لا تقولين ماني طالبه حاجه مراح تقدرين وهذا انا على سبيل المثال تعبت وانا حالة زوجي متوسطه مو رديئه
صدقيني تبين رايي كل واحد يمشي في طريق ابرك لك بتتعبين وقولي الصغيرة قالت لي
ملاحظه:لكل اللي بيقولون ماديه انا مو ماديه لكن هذي الحياة بعد الزواج تبي الوحده تطلع مع زوجها يتعشون برى يسافرون تبي تلبس حتى احيانا تبي تلبس لزوجها منين بتضييق عليها الدنيا واذا حملت تبي برنامج حمل واذا ولدت انتو عارفين طلبات الطفل وهي اذا بغت تروح لاهلها كيف بتسافر صدقوني صعبه وانا افكر بقلبي في كل شي الا في المسائل اللي فيها مصير يتحول وحياة ثانيه
انا آسفه اختي للرد لانو ما جاء على كيفك