__________________

اسأل الله ان يفرج همك من حيث لا تحتسب

لا جواب عندي غير ان زوجتك
من النوع اللي اذا ضمن الحب تمرد عليه

نصرك الله واعانك

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

جزاك الله خير أختي وعكس معنى كلامك إذا ما ضمن وش يصير ؟

__________________

يطرد وراك زي الكلب اعزك الله

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

كتبت رد طويل و حطيت اضافة وما طلع مدري وش المشكلة.
المهم ياخي اذا العناد مو شي جديد عليها يعني قبل كانت كويسة وتغيرت من فترة محددة ابحث عن السبب. يمكن كنت تغيب عن البيت كثير ، تطلع لاصحابك كثير، تسّوف شغلات مهمه، وتحملها مسؤوليات تربية العيال لحالها؟ . ترى الغياب وتهميش المرأة حتى لو ماكنت حاس يقتل فيها مشاعر جميلة للزوج.
انا مرت علي فترة كنت اعاند متعمدة، مهمل ويغيب عن البيت واذا جاء يبي كل شي جاهز ويبيني بس اركض بالبيت اشوف هو وش يبي، ويزعل اذا ماسويت اللي يبيه.
انا ما احط اللوم عليك بكلامي هذا، لأن ممكن تكون تربيتها كذا اصلا، او متأثرة بصاحباتها او اسباب ثانية كثيرة.
اجلس وتفاهم معها ذكرها بالايام الحلوة اذا لك خاطر ان الامور ترجع كويسة. اسألها هي بنفسها وش السبب ليه هي كذا؟

مدري وش اقول يا اخي بس الله يصلح اموركم يارب

واذا انت شايف انك مستعد للرجعة لا تنتظرها هي الى ان تتكلم وتطلب ترجع، خلك انت اللي يبدأ بالخير فاتحها بالموضوع لكن خلك صريح بالأشياء اللي تبغاها تتغير .. لا تندم على عمل فيه خير ومصلحة عيالك فيه ولا تقول كرامتي ماتسمح لي.

الله يعز مقدارك .. عموما نسفتها ورى ظهري وأنا ما كنت أعرف لو تجري وراي او ما تجري

وعمرها ما جرت ولاحظت فعلا إن فيه انكسار بس أنا خلاص طاب الخاطر وما عدت زي أول والله يعوضني خير وحسبي الله ونعم الوكيل

__________________

لا عنادها ونشوزها المستمر ماهو طارئ وغرورها متأصل من أخذتها ومن قبل بناء على أصل تربية الله لا يوفق من رباها على ها الخلق البغيض هذا . وكل الكلام اللي قلتيه ماهو في فأنا بيتوتي وخرجاتي قليلة ولا أنا راعي بنات وخيانات والله شاهد في هذا الوقت الفضيل ولا أنا راعي شلل وسرابيت ومخدرات ولا حتى تدخين ولا مقصر لا في البيت ومصاريفه ولا في حقوقها الشرعية ولا ولا ولا ولا ... هذا اللي خلاني أنجن فسلمت أمري لله . ومهتم فيها غاية غاية غاية الاهتمام بحكم حبي لها وإلا ( منطقيا إذا حللتها بالعقل ) أعرف إنها ما تستاهل ريال من ناحية بعض تصرفاتها معي بس ابتلاني الله بحبها فكل تصرفاتي تطلع بدافع محبة صادقة مالي قدرة بدفعها وحسبي الله .

__________________

لا والله ماني مستعد .. والحوار هذا هو طلبي من أصل المشكلة بأن أي غلط مني أو منها نجلس على طاولة حوار وورقة وقلم وحقوق وواجبات لكنها ترفض .. طيب ليه يا بنت الناس . قالت كذا . كذا معناتها ما أريكم إلا ما أرى . وطبيعي أرفض الغلط . وحسبي الله ونعم الوكيل

__________________

طيب تزوج ، محد بيلومك والحضانة عندك وكل امورك طيبة ان شاء الله.