السلام عليكم ورحمة الله ..

اخواني المتزوجين والمتزوجات .. بدخل على الموضوع بدون مقدمات ..


انا شاب عمري 20 سنة سعودي .. الحمدلله اتمتع بعافيه جيده ..

وانا صراحه جنسي .. والمشكلة ان الفتن كثيرة وصارت متواجده بكل مكان ..

واغلبيتكم يدري ان الزاني (عليه نصف عذاب الامه )

فانا ابي اسئلكم وابي رايكم بصراحه ..

ودي اتزوج لاسباب كثيرة ..

1- ابعد عن الحرام

2- ابي اتمتع مع وحده بالحلال .. وبدون خوف او قلق ..

3 - هدفي مو اشباع رغبة وبس هدفي تكوين اسرة ..

لكن المشكلة اني مازلت بالكلية .. ولسى باقي لي سنتين لين مااتخرج ..

وانا بإستطاعتي اتوظف براتب الفين .. لكن شرط اسحب من الكلية ..

وعندي الشقه والمهر .. لكن المشكلة اخاف اني اتورط ولا اقدر اني اقضي جميع مانحتاجه انا وهي ..


وبنفس الوقت ماودي احتاج لابوي او لامي باي طلب ..

ودي اعتمد على نفسي اعتماد كاااااااامل .. وادلع البنت ولااخليها تحتاج لاحد مهما كان ..


.................................................. ....................


وانتم يالمتزوجين .. من نساء او رجال ..


لو كنتم بحالي .. (ومافيكم صبر )

هل تنوي انك تتزوج؟


بما انكم متزوجين ولكم خبره .. تتوقعون اني اقدر اعيش حياة طبيعيه في الظروف الي سبق وذكرتها؟؟


اتمنى الإفاااده ..


<----اخوكم متوهق

هلا اختي بنوتة .. واشكرك على التجاوب السريع ..

بس المشكلة يااختي ..

كيف اقنع اهلي ان الرزق يتيسر امره؟؟

المعنى انهم مو متفهمين وضعي ..

يحسبوني العب .. او عشان ابي اتمتع ..

ولو بإيدي كان تزوجت اليوم قبل بكره ..

بس كيف اقنعهم اني فعلاً متورط ..

والله الشباب يحكون لي عن الحرام بشكل جنوني ..


عندهم صار مثل شرب الماء .. للاسف ..

وانا على حافة الحفره بالقوه ماسك نفسي ..

والا الامر متوفر .. لكن الستر الحمدلله اكبر ..


بعدين انا .. ابي اسوي توافق مابين الكلية والدراسة والزواج ..

وماخلاني اقتنع بفكرة الزواج .. الا لاني لي زملاء بالكلية عايش هو وحرمته على المكافأه (1000 ريال فقط)


وسؤالي هو هل بإمكاني اذا تزوجت اني ممكن يكون فيه توافق مابين دراستي وزواجي؟

يعني مااظلم البنت ولا اظلم مستقبلي .. ؟

واكرر شكري لردك مره اخرى ..

هلا اختي المرحه ..

صراحه كلامك ماعليه غبار وواقعي للغايه ..

لكن موضوع السن .. ماله تاثير ..

ولكن اني اشغل نفسي هذي صعبه ..

لاني حاولت كثير جدا باي طريقه ..

لدرجة اني صرت اصمم مواقع بتفاصيلها وتعملتها كامله ..

كله عشان اشغل نفسي .. لكن بالاخير رجعت افكر وافكر ..

غصب عني .. هذي غريزة من الله مو مني ..

وانا اقول ان رفقاء السوء لو لهم تاثير كبير علي ..

كان عندي الحين اقل شي سبع اولاد ..

لكن الحمدلله قادر اسيطر على نفسي .. وامشي مع الناس الطيبه اكثر شي ..

لكن ( .. انا ما اقدر اصبر اكثر ما اقدر اصبر اكثر )

ان استمريت زياده سواء لدراسة او غيره .. بودي نفسي بداهيه ..

لان الفتن صارت كثيرة وبشكل جنوني وبكل مكان ..


ونسئل الله الستر

هلا اخوي المندهش ..

اي عمر الي تقصده؟ .. وانا اضمن اني اعيش الى بكره؟

والرسول عليه الصلاة والسلام قال .. (يا معشر الشباب من استطاع منكم الباءة فليتزوج فإنه أغض للبصر وأحصن للفرج)

وانا بإستطاعتي .. لكن اخاف انه يكون ضغط علي بعدين ..

.. لكن الامر متوفر والحمد لله الشقه ملك ماهي إيجار ..

والصوم صدقني صعب .. لاني ادخن .. وادرس ويكون ارهاق علي اذا صمت ..

ولكن لك الشكر الجزيل على رايك عزيزي

حياك الله اخي ابو اسامة .. اعرف معنى الوجاء ..

لكن يااخي الكريم مثل ماذكرت ..

صعب صدقني .. صمت شهر شهرين.. الى متى؟؟ والفتن كثيرة جداوكل يوم تكثر بتضاعف ..

واشكرك على ردك الكريم


00000000000000000000000000000


ياهلا فيك اخوي اسير الاحزان .. جعلك ماتشوف حزن طول عمرك لا انت ولا من تحب ..

ولكن يااخي العزيز مافهمت كلامك بالضبط ..

انت تقول افضل اني اعيش مع اسرتي؟

اي اسرة؟ تقصد زوجتي او اهلي؟

ان كان اهلي.. فالحمد لله امي لها راتب وابي له راتب ..

وان كان عني انا سهل ابعد عن رفقاء السوء ..

لكن غريزتي كيف ابتعد عنها؟