السلام عليكم ورحمة الله وبركاته ...
دكتور فادي مشكور على المساعدات اللي تقدمها لنا عن طريق الاجابه عن الاستفسارات اللي يطرحونها اخواتي واخواني في المنتداء وانا واحده منهم ..
من فتره كتبت لك مشكلتى ومعاناتي من اجل الحمل ونصحتنى ان اتابع مع دكتورتي وطمانتني باني امشى في الطريق الصحيح ..

هذا الشهر لما جائتني الدوره عطتني الدكتوره ....كلوميد....حبتين يوميا 100 جرام وفي اليوم الثامن من الدوره سوت لي سونار وكان فيه بويضتين في المبيض الايسر وحده حجمها 20والثانيه 18 وقالت ان العلاج جاب نتيجه واني ما احتاج هذا الشهر للابر والحمد لله وقالت ان من بكره ,,,اي اليوم التاسع للدوره,,, راح تنزل البويضتين وتبداء فتره الاخصاب ...
اليوم هو اليوم السابع عشر من الدوره وانا ابغى اعرف لو سويت تحليل دم راح يبان ان كان صار حمل اولا ؟؟؟؟واجوك يا دكتور لا تقول لي انتظري لاني مو قادره اعصابي متوتره وما اقدر اصبر لحد موعد الدوره الجايه ...الله يعافيك تجاوبني ..واذا كنت ابصبر ف لحد يوم الاحد الجاي بالكثير ,,,يصير اليوم التاسع عشر من الدوره ...
فهل لو اسوي تحليل راح يبان مع انه المره السابقه لما سقطت سويت تحليل قبل موعد الدوره باسبوع وطلعت النتيجه موجبه ........