بسم الله الرحمن الرحيم

أعزائي أعضاء منتدانا الغالي

بصراحة أبي أستشيركم في موضوع مضيق صدري شوي

أمس تفا جئت ببنتي تقولي أنت ما تحبني تحب أختي أكثر مني

مع العلم داخلياً أنا أحبها أكثر بس ما حاولت في يوم من الأيام أبين هذا الشي عشان

ما أبي اسبب حزازيه وتفرقه بين بناتي

سألتها وش اللي خلا كي تعتقدين أني ما احبك

قالت أنت شرحت لرزان درس ألقسمه ولا شرحته لي

وإذا مشينا في السوق تمسك يدها ما تمسك يدي

ويوم دخلنا السينما في ألصيفيه جالستها جنبك

وفي المطعم كانت هي جنبك

قلت لها والله يا بنيتي هاذي كله صدفه أنا احبك مثل مااحبها

والدرس سألتك فاهمه قلتيلي إيه

وفي السوق أنتي كنت مع اخو كي

وسالفة السينما والمطعم والله جاث صدفه

بالعكس أنا أحبكم كلكم ولا افرق بينكم

بصراحة صدمتني

والله سألفه السينما والمطعم ما ادري مين اللي كان جنبي

بعدين أنا أتعامل مع عيالي بدميقراطيه واسمح لهم يمزحون معي ويعلقون على ولا زعلت في يوم من الأيام إذا سوو فيا مقالب

أنا مفهمهم إن ألام والأب لهم احترامهم بس مايمنع أنكم تمزحوا معا يا

لدرجه أنهم ما يندوني يبه ، ينادوني ياابو ثنيان

بس بصراحة انصدمت ، تعتقدوا أني غلط في معاملتهم بدميقراطيه ولا هي ألغيره
أفيدوني