السلام عليكم ورحمة الله وبركاته,

عندما فكرت بالزواج فاتحت أهلي بالموضوع عشان يدورون لي على عروسه وطبعا سألوني عن مواصفات العروسه فقلت لهم المواصفات اللي ببالي وهي مواصفات تتعلق بالشكل والأخلاق وغيره ومن ضمن هذه المواصفات أن يكون فارق السن بيني وينها 5 سنوات فأكثر لأني أرى ان البنت تكبر بسرعه وقلت لهم لو اني لقيت عروسه فيها 40 بالميه من هالمواصفات أكون محظوظ لأنها مش ثوب أفصله على كيفي بالرغم أنه كان عندي شرطين أساسيين آخرين قلت ما راح أتنازل عنهم. المهم دورا لي عروسه وكل يوم يجيني أسم وبعد فترة أنتظار قالوا لي عن بنت فيها كثير من المواصفات الشكليه والخلقيه اللي تمنيتها وخصوصا الشرطين الأساسيين اللي طلتهم ومن ناس متواضعين وأهلها ما عندهم شروط تعجيزيه بس المشكله ان فارق السن بيننا سنتين أو ثلاث سنوات وبصراحه مدري شلون وافقت ورحت مع أهلي وشفتها وعجبتني حيل وعجبني خجلها وكلام أبوها معي وأعطيت موافقه بس شلون مدري واللي يخليني أكثر أعجابا بهالبنت أن كل واحد من الجماعه مدحهم لي وقال فعلا انك رحت للبيت الصح وجميع أفراد أسرتي مبسوطييييين بهالخطبه بس مشكلة هالسن تؤرقني. إذا فكرت بالبنت وجمالها ولله الحمد وأخلاقها وأخلاق والديها وتعليمها أرتاح كثير بس بمجرد ما يجي ببالي فارق السن أحس بقلق شوي. دايم أقول يمكن أن الله كتب لي الخير بهالبنت وان الحياة معها بتكون رائعه وأنه لا خيرة الا فيما أختاره الله. بمعنى آخر أنا أعيش حاله من الحرب الداخليه بين مزايا هالبنت العديده من ناحيه ومشكلة العمر من ناحيه أخرى.


شنو رأيكم أخواني وأخواتي الكرام,,, ريحوني

اذا حطيت هالشي في بالك راح تتعب ! فيه بنات كثير مايبين عليهم العمر حتى بعد الحمل والولاده وفيه العكس !! يعني مو ضروري ! واعتقد ان اللي صار معاك كان نصيب وكتبة رب العالمين!! وكأنك مسير لهذى البنت !! توكل على الله ولا تخلي هالمسأله تعكر سعادتك وحياتك معاها! مدامها جميله وعاجبتك واهلها طيبين توكل على الله !!
وش تبي ببنت اصغر منك واهلها يكسورون ظهرك او تطلع البنت مغروره او متدلعه مثلا؟؟؟ هالاشياء ماراح تعرفها الا بعد ما تخطب ووقتها راح تنصدم وتتحسر على البنت اللي تركتها ومافيها عيب!! وبعدين المسأله سنتين مو خمس سنوات عشان هالتردد
توكل على الله وانا اختك بس الاهم انك تنسى هالفكره بالمرررررررررره وللابد اذا حبيت تعيش مبسوط !!

__________________

لاإاله الا أنت سبحانك إني كنت من الظالمين

مشكوره أختي على ردك الطيب بس أيش كان قصدك هالجمله

(وبعدين المسأله سنتين مو خمس سنوات عشان هالتردد)

ما اخبي عليك اخي العزيز ان فيه بنات ماشاء الله مابين عليهم العمر وخاصه اذا كانت البنت تلبس وتغير نفسها باللبس والموضه

بس الحمدلله والشكر فيه بنات العكس يعني اعرف بنت مواليد 83 وانا 77 وتستغرب اني اكبر منها والله مابينتا فرق

فان كان فعلا هذا هو الي رادك ومضيق خليق فوسع بالك وافرح بحيات ولا تنكد عمرك علي اشياء تافه والله يسعدك

__________________
ارجوكم دعواتكم لقريبتي بالشفاء العاجل بان يرجع لها بصرها ويشافيها من الجلطات الي اصابتها ويرحم ضعفها وترجع لها عافيتها ويرجعها لاطفالها وزوجها سالمه اللهم امين


لايرد القضاء الا الدعاء

يعني لو كان الفرق بينكم اكثر من سنتين خمس سنوات مثلا !! بيكون لك حق تتردد !! لكن سنتين ماهو الفرق الكبير اللي يخليك تتوهق!!

__________________

لاإاله الا أنت سبحانك إني كنت من الظالمين

أنا اخوي متزوج وحده اكبر منه بسنتين وشكلها اصغر منه ومش باين فيها علامات الكبر

بعدين الفرق موكبير يعني سنتين تكون اصغر منك مناسب اتوكل على الله انا اشوفها

لقطه اذا هي فيها جمال والاخلاق هذا المطلوب ولاتنسى صلاة الإستخاره .

بالتوفيق ان شاءلله

لو لم تكن تعرف عمرها فهل كنت سترى عائقا في اتمام الزواج ..

اقبلها كما هي .. واحذف هذا المقياس من ميزانك ..

وستراها أقرب الناس إليك .. المهم ان تسعد معها وان تكون ذات دين وخلق ..

ألف مبروك مقدما لا تنسى ان الارواح جنود مجندة ما تعارف منها ائتلف وما تناكر منها اختلف ..
ربما تتزوج صغيرة لا تسعد معها او بطريقة تفكيرها ...

ويبدوا أنك استرحت عند رؤيتها فما الداعي للحيرة إذن ..

أتمنى لك التوفيق ..

__________________
-قاطع المنتجات الدنماركية والصحف التي تنشر دعايتهم ..
-ادعي على اعداء الاسلام والمستهزأين ..
- لابد ان نرفع قضية ليحاكم رئيس الوزراء - الملكة - الصحيفة ..
-لابد أن ينشر في نفس الصحيفة سيرة الرسول صلى الله عليه وسلم ..
-أن يفرد التلفاز الدنماركي برامج عن الرسول صلى الله عليه وسلم..
-والى متى يا امة المليار .. يارب متى نصر الله يارب احرقهم كما حرقوا قلوبنا على رسولنا وديننا

ياخوي الدنيا تغيرت والبنات الحين مو زي حريم اول الوحدة لاجبت لها طفلين تشوفها وكنها كبرت عشرين سنة

الحين صرنا احرص على نفسنا وجسمنا ومع الاهتمام واللبس صرت ماتفرق بين البنت والمتزوجة
وبعدين كونك اكبر منها بسنتين او ثلاثة بس فهالشيئ بيخلي بينكم تقارب في التفكير
ويصير بينك وبينها رباط اخر هو ( الصداقة ) وهذا بحد ذاته شيئ رائع
اما حكاية البنت تكبر قبل الرجال (( انسى )) هذا كااااااان زمان
استخير
وتوكل على الله
والله يسعدك ويوفقك

يا اخي استغفر ربك واحمده على حسن الاختيار والتوفيق وما التوفيق الا من عند الله. العمر ما هو مشكلة واهم اشي الاحترام والتفاهم ومخافة الله سبحانه وتعالى. اقرا عن زوجات الرسول -صلى الله عليه وسلم- هل حدد فرق في العمر؟؟؟

توكل على الله ولا تدع الشيطان يؤثر عليك

اخوك نادر

فديتكم أخواني وخواتي على ردودكم اللي فعلا كانت بمثابة البلسم لي.

يعطيكم الف عافيه