السلام عليكم ورحمة الله وبركاته

عندي ملاحظة أو تنبيه بمعنى أصح ... يتعلق بالمنتدى ...
المنتدى هذا سلاح ذو حدين إن صح التعبير ...
ممكن تستفيد منه وتتعلم أفكار تفيدك في حياتك الزوجية فعلاً ..
وممكن تتثقف في أمور تخجل تسأل عنها أحد من اللي حولك ...

لكن في المقابل ...

ممكن تقرأ أفكار رومنسية حالمة وأوضاع مثيرة شريكك ما يعرفها أو ما يقدر يطبقها ... وساعتها بتلتفت له بكل حسرة وأنت تتنهد بقهر
وممكن تقرأ (أقصد تقرئين) كلام وتفاصيل تروووووووووووووعك
وتخليك تقررين ما تتزوجين أبد أبد
وممكن تلقين طبخات حلوة ما تخيلتي تلقينها بمنتدى تخافين تدخل عليك أمك وأنتي تتصفحينه

لا عاد الجد ...

لاحظت إن ناس كثير تتحسر وهي تقرأ الأفكار الرومنسية ... وتندب حظها لأن ما عندها شريك يسوي لها مثل كذا ... مع إن الطرف الثاني ربما يبذل جهده عشان يرضي شريكه ... لكن يبهت كل شي يسويه بسبب المقارنة بينه وبين غيره ... كأنه ما يكون صح إلا إذا سوى نفس هالأفكار !!
ولاحظت ناس تتحرق للزواج بعد ما تقرأ مثل هالأمور الرومنسية الحالمة ... ويمكن يرسمون في أذهانهم صورة وردية للزواج وإنه عبارة عن لحظات حب وشوق ما تنقطع ... وربما بعد ما يتزوج الواحد منهم ويعيش واقعية الزواج ... ينصدم لأنه مالقى الصورة اللي كان راسمها!!

أنا ما أقول هالكلام عن تجربة ... ولاني متزوجة ... أحد يقرا مواضيعكم ويتزوج؟؟!!
أنا وصلت لهالرأي بعد متابعة -بسيطة الحقيقة- للمنتدى ...
لذلك .... هذي رسالة بسيطة لكل قارئ وقارئة ... وزوج وزوجة .... وأعزب وأعزبة
لاتظلم شريك حياتك بمقارنته بغيره ...
ولا تتوقع إن الزواج عسل داااااااااائم ... ترى العسل من الـ "نحل"



وسلامتكم جميعاً ....