بسم الله الرحمن الرحيم
احم احم اجت الطباخه ديروا بالكم تعطوني عين وبطل اعرف اطبخ ( ولي برجعني جوزي لاهلي)
وجبة الافطار :
هي عباره عن (فتة حمص ) المكونات حمص – خبز يابس او عادي– ثوم حسب الرغبه – ملح –ولحمه مفرومه ( اختياري)- وبقدونس مفروم ناعم – وربع ملعقه صغيره كربولا – ملح .
الطريقه : ننقع الحمص بالماء قبل بيوم وبعدين نغسله جيدا ونضعه على النار طبعا بعد غمره بالماء حتى نسلقه وبعد الغلي نضع الكربولا والملح ونتركه حتى ينضج ثم نقوم بتقطيع الخبز الى مكعبات وسط ونقشر الثوم وندقه ناعم ونضعه فوق الخبز ثم نأتي بإبريق الخلط ونضع فيه الحمص مع القليل من المرقه والملح ونطحنه جيدا ثم نضع نصفه فوق الخبز مع القليل من المرقة ايضا ونقلبه جيدا ثم نصفه بصحن التقديم ونضع باقي الحمص المطحون على الوجه ونزينه بالحمه المفرومه طبعا بعد حمسها وحبات الحمص والبقدونس وتأكل معها حامض خيار وطماطم وبصل اخضر
واخيرا كأس من الشاي بالنعناع
وجبة الغداء :
المقبلات :1/( متبل باطرش + متبل بالحمض) المكونات باذنجان مشوي – طحينه – ملح – لحمة ناعمه – لوز محمص – لبن زبادي – وثوم مدقوق ناعم– ليمون – ورق نعنع اخضر للتزين – صلصة ( معجون الطماطم + ملح + مكعب ماجي + قليل من الماء )
الطريقه : ( متبل الباطرش ) نأتي بالباذنجان ونضعه على نار هادئه حتى لا يحترق بدون تقشير حتى تنتضج ثم نتركها حتى تبرد ثم نقشرها ونهرسها جيدا ثم نضعها في جاط ونضع فوقها اللبن والملح والطحينه ونحركها جيدا ثم نضعها في طبق التقديم نفردها جيدا ثم نفرد فوقها الصلصة المطبوخبه ثم نضع فوقها اللحمه بعد الحمس ونزينها باللوز المحمص .
( متبل بحمض ) نفس الطريقه نهرس الباذجان ونضع فوقة الزبادي والملح والليمون والطحينيه ونحركها ثم نفردها ونزينها بالنعنع ونضع القليل من زيت الزيتون على الوجه .
2/ من السلطات ولا غنى عنها ( التبوله ) المكونات 2 كوب بقدونس مفروم ناعم مع القليل من النعنع والخس– 1كوب خيار مفروم ناعم ( حسب الطلب) – 1 كوب بندوره كمان مفرومه فرم ناعم - نصف بصله مفرومه ناعم – سنين ثوم مفروم ثاعم – كاسه صغيره برغل ناعم منقوع – وليمون – وسماق ( حسب الطلب ) – وملح – وزيت زيتون - (اوراق خس – قطع خيار ) للزينه
الطريقه : نضع المكونات السابقه فوق بعض ونخلطها جيدا ثم نضعها في صحن التقديم وتزين بالخس والخيار المقطع
3/ ( شوربة العدس مع قطع اللحم) المكونات كوب صغير عدس احمر – لحمه مقطعه مكعبات وسط – وبصله – وملح وشوية فليفله حمره بودره – ملعقة سمن
الطريقه نسلق اللحمه مع اضافة بصله مقطعه الى شرائح مع الملح بعد ان تستوي نحاول ان نشيل البصل ثم نضع العدس ونتركه على نار هادئه حتى ينضج ثم نقطع بصله الى قطع ناعمه ونحمسها بالسمنه ونضعها فوق العدس ونضع القليل من الفليفلة البودره ثم نتركها قليلا تغلي ثم نسكبها بزبدية التقديم .
الطبق الرئيسي 1/ ( شيخ المحشي + ارز بالشعيريه ) المكونات كوسا مفرغ من الداخل – لحمه ناعمه – صنوبر او لوز – ملح – لبن - طحينه – عصير ليمونه – رز – شعيريه – سمنه – وزيت للقلي – بقدونس مفروم
الطريقه : نقلي الكوسا بالزيت حتى يصبح لونه بني ثم نضعه جانبا حتى يصفى من الزيت نكون حمسنا اللحمه مع الصنوبر نحشي الكوسا باللحمه ونصفها جيدا بالطنجره ونضع فوقها صحن ونثقله ونضع عليها ماء وملح ونضعها على النار مدة 5دقائق ثم نأتي باللبن والطحينه وعصير الليمون نضعهم في طنجره ونحركهم جيدا ونضعهم على النار ونحرك حتى يغلي اللبن ثم نضع فوقهم الكوسا المسلوق مع القليل من المرقه ونتركهم حتى يغلوا قليلا مع اللبن ثم نضعهم في صحن التقديم ونزينهم بالقليل من البقدونس المفروم
الرز بالشعيريه الكل يعرف طريقة طبخه
2/( البطا طا بالفرن ) المكونات بطاطا – دجاج –ملعقه فليفله حمره بودره – وملعقة معجون طماطم – وملعقه كمون مطحون - وثوم مدقوق – ورق عنب – وعصير ليمون – ملعقة فلفل اسود – زيت مازولا
الطريقه نغسل الدجاج جيدا ونضعه جانبا ثم نقشر البطاطا ونقطعها على شكل حلقات دائريه ثم نتبل البطاطا بالفليفله والكمون والملح والثوم والدجاج نتبله بالفليفله والملح والكمون وملعقة معجون الطماطم ثم نضع في الصينيه ورق العنب طبقه اولى ثم البطاطا ثم الدجاج ونضع فوقها القليل من الماء والزيت ونتركها على نار وسط حتى تنضج ثم نضع فوقها عصير الليمون ونحمرها ثم نقدمها مع المايونيز والكاتشب
المشروبات عصير برتقال طبيعي طبعا لاغنى عنه يعصر بعصاره يدويه ويلي مدلل حالوا عصاره كهربا
الحلو ( ليال الشام ) خفيف ونظيف وسهل ولا يأخذ وقت المكونات سميد - حليب – بيضتين – قشطه – فستق حلبي ناعم وجوز الهند – قطر (شيره)
الطريقه نطبخ الحليب والسميد والبيض على النار حتى يغلي ويصير ثقيل مو خفيف نصبها في صحن الطقديم ونزينها بعد ان تبرد بالقشطه وجوز الهند والفستق ويصب عليها القطر
وجبة العشاء :
( مقالي + سلطه) المكونات بطاطا – باذنجان - كوسا – زهر –العجه( بيض – وبقدونس مفروم – بصله مفرومه – ملعقتين طحين – فليفله بودره – قليل من البكم بودر) – زيت للقلي
الطريقه نضع البيض في جاط ونخفقه ونضع فوقه البقدونس المفروم والبصل والطحين والفليفله والملح والبكم باودر ونحركه جيدا ونتركه ثم نقوم بقلي البطاطا والباذنجان والزهر والكوسا واخيرا العجه
وطبعا السلطه الخضراء (الطماطم والخيار والبقدونس والنعنع والليمون والملح وزيت وخس)
انشاء الله المنيو يكون عجبكون ونال رضى الاخت العزيزه دهن العود وجميع المشرفين على المسابقه وصحتين وعافيه وانشاء الله اذا اقدرت رح نزل الصور
على فكره هي لمحبين الاكلات السوريه واي سؤال انا حاضره
15-02-2005, 09:09 PM
ضوابط المشاركة
العرض العادي
