مااعرف كيف ابدأ ووش اقول لاني احس اني ضاايعه محتاره
انا متزوجه من سنه ونص ومن اول يوم في زواجي بدت معاناتي
حسيت اني بعيدهكل البعد عن زوجي ماحبيته كرهت كل شي فيه كل تصرفاته
شهر العسل عند الناس صار شهر دموع وحزن وعذاب وربي وحده يعلم وش مريت فيه
صارحت زوجي قلت له مااقدر اعيش معك مااحبك قال انا احبك وقعد يترجاني اني استمر معه
شفته في موقف ضعف يترجى ماقدرت اقول شي لو قلت مااقدر استمر بجرحه وعديمة الرحمه سكت رجعنا ورحت لاهلي صرت لما اشوف رقمه اكتئب ويضيق صدري
صارحت امي قلت لها يمه وش اسوي قالت مدري عنك هذي حياتك انتي
سألت اقرب صديقتي قالت لي حرام عليك تطلبين منه الطلاق عشانك ماحبيته سألتني هو يصلي قلت ايه قالت هو يشرب قلت لا قالت راعي حريم قلت لا قالت خافي من ربك وش تبين اكثر تجيك نعمه وترفسينها بكره بتتحسفين كلامها اثر فيني وخفت
خفت اني اكون ارفض النعمه تحملت وسكت وكتمت في نفسي قلت وش ابي اكثر يكفي انه يحبني ويموت فيني
بس تعبت كل يوم وربي كل يوم بعد ماينام اجلس واصيح احاول احبه بس ماقدرت اتقرف منه استثقل دمه احاول اتغاضى بس مااقدر ومع كذا كتمت في نفسي ومثلت للناس اني اسعد وحده بالدنيا بس هو لاحظ علي قالي وش فيك ليه دايم احسك حزينه كذبت قلت بالعكس من قال اني حزينه قال اشوف انا واحس قلت له تتخيل
مااعرف وش الحل لدرجة انه حتى في الجماع مايثيرني اكون جاامده وماانزل
حاولت اني اتغير بس ماقدرت
احس حياتي انتهت ورب الكون ماعاد اعرف وش اسوي
متردده في قراراتي خوافه ضاايعه
تكلمت انا ووحده متزوجه قلت لها كل شي علمتها وضعي قالت بسألك سؤال بس تجاوبيني بصراحه قلت ايه قالت في بالك احد ثاني؟ قلت لها انا مافي بالي شخص معين بس مو هذا الانسان اللي حلمت فيه انا في بالي مواصفات ثانيه قالت طيب انتي ماكلمتيه ولاعرفتيه قبل قلت لا ماكلمني ايام الملكه وانصدمت في اشياء كثيره كنت متوقعته عكس
والحين هو يبغى اطفال وانا خايفه لاني فعلا مو مرتاحه
قولوا لي وش اسوي؟؟