السلام عليكم ورحمة الله وبركاته ....

زواجي باقي عليه تقريبا ثلاث شهور ..

المهم انا ابغى منكم تفيدوني ...


انا كل يوم اكلم حبيبتي على الجوال واجلس معها تقريبا من ساعة الى ساعتين سواليف وضحك وكلمات حب وزي كذا يعني ..

اثنين من ربعي يقولون لاتكلم يوميا خلك ثقيل ترى بتقضى سواليفكم ماراح تحصلون شي تتكلمون فيه بعد الزواج وكذا وكذا ... الخ ..


وحبيبتي صراحة تتمنى اني تكلمني يوميا وماترتاح الا اذا كلمتها ..


وش تنصحوني فيه يا اخواني .. هل اكلمها يوميا اوا اخفف مكالماتي يوم وراء يوم يعني او بالاسبوع مرتين .......


ارجو مساعدتكم ........

الكلام بين المحبين لا ينتهي...
و مع ذلك ...
لو تخففون شوية احلا....
عشان تشتاقون لبعض...

تحياتي

__________________

نصيحة مجرب خففففففففففففففففف

أنا مليت من كثر ماكلمني زوجي أيام الخطبة وكان يكلم يوميا وعلى فكره مابدأت مكالماتنا الا قبل الزواج ب5 أيام ومليت منه
وكان يسألني تبين أكلم كل يوم وأنحرج أقول لا مليت منك؟ كنت أقول طبعاااااااا ياحياتي ههههههههههههه
لاتخلصون كلام الحب والغرام ... عالأقل ربع ساعه فقط تكفي كل يومين ثلاثه ومثلا الخميس اسهروا سهره حلوه !!

انا اقول لك كلمه وخليها حلقه في وذنك
واسمع هالبيتين من أهل الخبره قبلك
عز نفـــــسك تــجـــدها _____ واصحا كلامك يزيد
واحفض شعورك بقلبك _____ في الحب خلك رشيد
وصدقني كل ما طولت المده بين المكالمه والمكالمه بتلقى حلاوه في الكلام
وبتحس إنك مشتاق لصوتها اكثر ... لاكن إذا جلست كل يوم بالساعه والثنتين
مهما كان بتوصلو لمرحه ويصير الكلا بارد وما عاد فيه حراره
افضل لك كل ثلاثه او اربعه ايام وإن بغيت رأيي فكل إسبوع مره وانت جرب وشوف بنفسك
تحياتي

[QUOTE=سوبر]
وحبيبتي صراحة تتمنى اني تكلمني يوميا وماترتاح الا اذا كلمتها ..
اذا كان الامر يسعد كليكما فلما الامتناع ولما الثقل؟؟؟
من وجهة نظري كامراءه ارى أن الثقل لن يفيد بشئ سوى انه سيعكر جو الحب الذي يسود بينمكا فزوجتك تعودت على سماع صوتك ولاترتاح الا بذلك ...ومحاولتك قطع هذه العاده سيؤذي مشاعرها وسيجعلها تظن أن في الامر شئ .. انك مللت منها مثلاً .. انك لم تعد تحبها كما في السابق .. او انك لاتهتم بها كفايه ... وقطع العاده عداوه كما يقولون !!
وفقكما الله لما يحب ويرضى وجمع بينكما على خير ...

الله يعطيكم ألف عافية حبايبي ......... !


والله يا أختي ti amo قال لي واحد الثقل زين .. قلت له خبل انت تبغاني اثقل على عمري على حبي على زوجتي .. انا كلمة الثقل هاذي ما اخذتها بعين الاعتبار .. انا قلت بس اخاف تتملل مني بس هي تقول ابي اسمع صوتك يوميا ولا ارتاح الا لما تكلم .. لدرجة انها تستناني الى اخر ساعات الليل لاني احيان اكون مشغول بالمذاكرة والامتحانات .. وهي تقول لي اذا عندك امتحان لاتتصل علي ............... !

ياجماعة والله احبها ولا اقدر ارد طلبها لانها تبي تسمع صوتي .............. !

يا اخي خلص
كلمها
و صدقني
كل اثنين لهم عاااااااااالمهم الخاص
مو دائما اللي يفيد غيرك يفيدك
الله يسعدكم و يوفقك بامتحاناتك

__________________

لاااااااااااااااااااااااااااااااا تقطع مكالماتك عنها مادامت حابة هالشي

أنا شخصيا كان خطيبي يكلمني كل يوم وكل مرة يزيد شوقي عشان أسمع

صوته وأنتظر مكالمته بفارغ الصبر والحين بعد الزواج أتذكر هالايام وأتذكر حلاوتها

لان ايام الخطوبة لذتها غير والزواج لذته غير يعني كل شي حلو بوقته

وسالفة الثقل هاذي شيلها من راسك مادام خطيبتك عاجبها الوضع

وسلاااااااااااااااااااااااااااام عليكم

لا بد أن يعرف الجميع أن فترة مافيل الزواج
((((((((( فترة ذهبيــــــــــــــــــــــــة )))))))))
ولها نوع وطعم خــــــــاص جدا
ولها أيضاً أثر جدا كبير عليك أيها الزوج وعليك أيها الزوجة

فنجد هذه المكالمات تتميز بكلمات الحب والحنان والمشاعر الجياشه
التي يكون لها عظيم الأثر على الطرفين

وحالتك يا أخي الغالي (( وهو تعلق حبيبتك بك ))
أولا طبيعية وثانيا هذا يرجع لروعة مكالماتكم وأثرها عليها

كلمة أخيرة :

لا بد أن يكون الكلام محصور على كلام الحب وأقول فقط وبس لأن فتح مواضيع ثانية يخرب الجو ويمكن يجلب مفاسد وممكن تتحدث في مواضيع التوافق بينكما وأحلام المستقبل وأشياء رومانسية مستقبلية للتشويق و أشياء عن شهر العسل (( كل الكلام يكون معقول ))

في النهاية :
كل زوجين كما قال الإخوة لهم عالمهم الخاص لا يدخل إليه إلا أنتما فأنت أعرف بسياسة عالمكم لكن استشر وزن الأمور واعمل بما هو أصلح لكما فقط ولا تفكر في الناس فالناس لن ينفعوك واترك الناس من أن يتدخلوا في حياتك وخاص الخاصة منها



دعواتنا للجميع بالتوفيق وخاصة المقبلين على الزواج بأن يحقق الله آمالهم في زوجاتهم وأزواجهم ويجمع بينها في كل خير

رجل مثل حالتك ( لكن العكس هي اللي في اختبارات )

وشكرا

والله ماقصرتوا معي .. الله يعطيكم ألف عافية ...

كلمت حبيبتي قلت عندي امتحان يمكن اجلس يومين ما اكلم .. وبالعكس كانت متجاوبة لدرجة انها قالت ماراح ارد عليك هاليومين لو تتصل علشان تذاكر ..

والله يوميا احس انه يطلع كلام جديد .. من جد اتشوق لها والعكس صحيح ..

الله يتمم علينا وعلى المسلمين بالخير والبركة يا رب ..


اتمنى اشوف مشاركات اكثـــــــــــــــــــــر علشان نشوف اراء الجميع ....... !