انا عندي مشكله كثير كبيره وفي امس الحاجه لرايكم
عفوا نسيت قبل كل شيء السلام عليكم
راح اكون صريحه قدر المكان واحط بين ايديكم مشكلتي المتعسره
مشكلتي مع زوجي عويصه وصعبه فهو انسان غير متفاهم ولا يحب التفاهم معي
انا مراه الحين عمري 23سنه تزوجت في اوروبا وتغربت عن اهلي وناسي وبلدي وجيت لحد عنده حتى اني ما سويت عرس مثل اي بنت بسبب اني سويت عرسي في اوربا
وبعد كدا ماوجدت من هذا الزوج غير الصد والظلم والتسلط وضيق الصدر وعندم استحمالي والصبر علي وحبه لتسلط عامي قلبه مع اني الحمد لله محافظه جدا على حجابي وديني ولا احب التبرج والسفور ولا احب ادرس في مكان مختلط بالرجال
المهم انا طفشت منه وطلبت الطلاق منه لاني فعلا محتاج الى رجل يعطيني حب وحنان وعاطفي ويعف نفسي وما يخليني اشوف لغيره
المهم بعد الطلاق جلست معه في بيته كما قال الله ولا تخرجهن من بيوتهن ولا يخرجن
المهم الحين قربت العده تنتهي وانا ماعرف وين اروح
طبعا اهلي في دوله اوربيه اخرى وانا ماعندي اوراق حتى اروح لهم ولا هم يقدرون يجون في هذه الدوله
واذا فكرت ارجع لبلدي الاصل مابغى اروح لان جدي اللى رباني مات وكل اعمامي متزوجين وكنت اعيش معهم واعرف المشاكل اللي يسونهن لي
وزوجي يبغى يرجعني ولكن بشروط صارمه جدا
فهو وضع عشرين شرط ومن اهمها مايكون في البيت لا تلفزيون ولا انترنت وممنوع الخروج من البيت لا في روحه لسوق ولا دراسه في المدرسه حتى المدارس اللى مافيها اختلاط
وان اسمع كلامه بالحرف الواحد طاعه عمياء واذا انا طلبت منه شيء هو مزاجه اذا قال طيب اوكي واذا رفض خلاص ممنوع اسئله ليش لا او كيف او اتناقش معه في اي موضوع
يعني بعيش معه في البيت لا خرجه ولا دخله ولا اي شيء يسليني في البيت ولا اقدر اتناقش معه في اي امر
وانا بصراحه ماستحمل هذا اضيفوا على هذا الغربه وبعد الاهل وقلة الصديقات
المهم الان في امامي ثلا ث حلول
الاول اما اني ارجع لزوجي واموت وانا عايشه واقضي على نفسي بالوحده والهم
او اني ارجع لبلدي تحت رحمت زوجات اعمامي وبعدين ابوي يسوي لي دعوه واروح له اذا قدر الله وسهل لي امري
او اني اتزوج اي رجل يتقدم لي الان بعد العده مباشره
ارجو ان تفيدوني برايكم
واعتذر على الاطاله

الله يفرج همك ياختي ويوفقك من رايي تسالي اهلك في الموضوع ليسهلو لكي طريقة للوصول اليهم

كيف تتزوجى رجل اخر اول ما تخلص العده عندك احد مستعد فلو ايوة ما يجوز تفكرى باحد وانتى لسه متزوجه
عموما راى انك تتصلى باهلك وتستشيريهم ولو تعسر
ارجعى لعمامك ومن بعدها اتصلى باهلك وردى لهم
الله يوفقك ويهديكى للصواب
واعتقد زوجك يسوى كذا من البلاوى الى يشوفها
سلام

توتي بارك الله فيك اللهم امين اله يتقبل منك
احترت بتسجيل انا ماقلت انه عندي عريس الان جاهز ولكن لوجود شباب عرب في اوروبا باذن اله احصل زوج
اما البلاء اللى يشوفه زوجي في الغرب انامالي علاقه به فانا اخرج محترمه بكامل حجابي الشرعي
وللعلم ان الناس هنا في اوروبا كل انسان على حاله مافي معاكسات ولا ينظرون الرجال للمراة مثل مافي الدول العربيه اللى هم اذا شافوا المراة من بعيد وقفوا طابور
واشكر لك مرومرك الكريم اخوي

اختي الكريمة ، لا تفكري بالاحتمال الثالث وهو انك تتزوجي ( اي رجل ) على حد قولك ، هذا ليس حلا لأنها حياة طويلة ولا بد وانكِ قد استفدتِ من تجربتك الاولى دروسا كثيرة، وهو انه لا بد من اخذ الوقت الكافي لدراسة الرجل الذي يتقدم لخطبتك لا ان يتم الامر بسرعة وتهور، كما انه من اكبر الأخطاء ان نلجأ الى الزواج كحل او كمخرج لنا من مشاكلنا .

لذلك ارى انه لا بد من الاتصال بأهلك فورا واعلامهم بشأن طلاقك ودعيهم يشورون عليكِ وينصحونكِ بالتصرف المناسب.


وفقكِ الله وعوضكِ بزوج صالح يسعدك ِ .

__________________

أسأل الله العظيم..رب العرش العظيم..الذي جمعنا في دنيا فانية..

ان يجمعنا ثانية..في جنة قطوفها دانية

الله يعينك ويصبرك ويكتبلك مافيه الخير
والاخوات ماقصرو وباقي الاعضاء فيهم الخير والبركه

اختى العزيزة
الحل الوحيد هو ان تتصلى باهلك وهم يتصرفوا فى هذا الموضوع وارجوا ان يوفقك الله الى الخير

أختي...

مافيه زي الاهل ....الله يخليهم لنا...

ماراح يختارون لك الا الصالح...

اتصلي بأهلك عااااجلا...

وخليهم يشرفون على الامر كله...

لاتتصرفين اي تصرف دون علمهم..

(في نظري هذا افضل حل)

الله يشرح صدرك...وييسر امرك...ويعوضك خير ...

وانتي ماتدرين يالغالية وش الله مخبي لك بالغيب...

يمكن حياة افضل وافضل..

انتي اصبري ..وعليك بالصلاة اخر الليل..,الدعاء...

والله تلقين الحل عند رب مايخيب عبده...

يسر الله امرك...

ودلك الى مافيه الخير.

::أختك سمر:::::

__________________

السلام عليكم اختي ماء البحر...
اولا انصحك بالدعاء والتضرع الى الله لانه سبحانه وتعالى لايرد دعاء عبده المؤمن له..
ثانيا الاستخاره لانه ماخاب من استخار
وثالثا من وجهة نظري ان تستشيري والدك واذا كان مستعدا لانهاء اجراءات سفرك اليه حيث يقيم فاذهبي الى وطنك وانتظري الى ان تنتهي تلك الاجراءات وتذهبي باذن الله الى والدك واهلك...وفي تلك الاثناء حاولي تجنب المشاكل واشغال وقتك باي هوايه الى ان تنتهي مدة اقامتك لديهم...
اما بالنسبه لشروط زوجك فلا ترضخي لها الا عن قناعه تامه حتى لايحصل طلاق اخر فلربما في فترة بعدك عنه يعيد حساباته ويندم على افعاله ويعود طالبا رضاك بشروط تملينها انتي....وفقك الله عزيزتي..
اختك نعناعه

__________________