بسم الله الرحمن الرحيم
السلام عليكم

اخواني واخواتي

اتمنى ان تسمعوا لسالفتي وتعطوني الحل

انا الظاهر اني بنجن من تصرف امي
والله ما توقعتها من امي الحنونه الطيبه
انا شاب طبعاً طالب وباقي علي مده قليله واتخرج من الجامعة
وكذلك انا اعمل في فتره المساء >> والله ان فتره المساء ريحتي شوي يعني ما ارجع البيت الا العشاء وشوي اجلس مع الأهل وانام مع ان فيها تعب بس كذا عاجبني بعد المشكله الي صارت لي
مشكلتي
اني اتصلت على الوالده الله يحفظها وقلت لها يمه انا ابي اتزوج >> اكنت بتوقع انا تبارك لي
لكن تفاجأته انها قالت لي رح لبوك قله انا مالي دخل في الأول كنت احسبها تمزح لكن طلعته جاده في كلامها
قلت لها يمه انا اتكلم من جد ابي اتزوج قامت تصارخ علي انا مالي دخل فيك رح لبوك ومن الكلام هذا قلت انتي امي وانتي الي لازم تفاتحين ابوي في الموضوع قالت انا مالي دخل رح لبوك وتفاهم انت وياه طبعاً سكرت الخط وقعده كم يوم زعلان ما كلم احد في البيت والله حتى اني ادخل واحب راسها وراس ابوي بدون كلام معهم وثماً اروح لغرفتي ابوي كان يناظرني بنظرات وانا كنت اصد عنه

<< مع العلم ان مسألته البيت منحله مافيها اي اشكال ابد مع العلم ان الوظيفه ليست حكوميه الي اشتغل فيها بس انا باصم بالعشره اني ما راح انفصل منها لأن انا مدير فيها >>
المهم السالفه الأن نسوها
لكن المسأله بعد فتره من الزمن كنت جالس مع اخواني وكانوا يمزحون ويقولن يمه زوجي ولدك علشان يطلع عندنا ولد اخو او بنت اخو
قالت إن شاء الله بعد سنتين بنزوجه
بصراحه انا انقهرت مره قلبي ولع جمره لأن ما عاد احب كلمته اعرس او متى العرس
من مجرد اني اسمع الكلمه هذي اتضايق واحاول اني اغير الموضوع
والسبب كله من امي
والله الذي لا إله إلا هو اني اموت من القهر ويتقطع قلبي اذا شفت اخوييا معهم عيالهم الصغار والله ان بعض الأوقات صدري كنه بينفجر
ودي بزوجه تواسيني ولد اضمه لصدري
طبعاً الأن انا احتمال كبير اني اتوظف قبل لا تنتهي الصيفيه هذي<< دعواتكم ان ربي يرزقني بوظيفه رسميه صباحيه على مرتبه حلوه >>
لكن المشكله ان الأن انا ما اكذب عليكم ودي اتزوج اليوم قبل بكره << على فكره مو عشان مسألته فراش بالعكس ولكن ودي احس بالأبوه وحنان الزوجه ووحده تسمعني >>
لكن عقب حركته امي ما اقدر اتزوج وراح أأخر الزواج احتمال خمس سنوات
وهذي اقدر عليها بكل سهوله لأني راح اول ما أتوظف إن شاء الله راح أخذ سلفه من البنك وأبدى في مجال التجاره على خفيف يكون حجتي ان علي دين وما اقدر افتح بيت
وبعد ما تتحسن الظروف بطلع لهم بتصريفه ثانيه
وسبب هذا كله الي بسويه ان راسي يابس وعنيد مره
انا اكتب لكم الأن والأهات في صدري بتذبحني
تكفون شوفوا لي حل ولي يرحم والديكم

واسف على الإطاله

بسم الله الرحمن الرحيم
السلام عليكم ورحمه الله وبركاته
طيب خذ امك على جنب واجلس انت واياه جلسه مصارحه وقل لها كل الي في بالك
واتكلم معها عن سبب زعلها ولماذا لاتريد انك تتزوج
ولاتدمر نفسك علشان كلام بسيط
يمكن انها تحبك وماتبي تجي وحده وتاخذك منها بسهوله علشان كذا تدور حجج
ومهما كان هاذي والدتك ولست في غنى عنها وخذها باالسياسه ترى مافي ارق من قلب الام
وارجع واكرر اجلس معها جلست مصارحه علشان تعرف كل الي في قلبها
وان شاء الله تتسهل امورك وتتزوج وتخلف عشرين ولد

ابو وراء

ويبقى السؤال, لماذا فعلت أمك هذا؟؟؟؟؟

لماذا؟

لماذا؟

بنت الحروب

ياهلا بك اختي

وهذا الي فاقع قلبي انا الولد الكبير من بين اخواني

وامي تحبني مووووووووووووووووووووووووووووت وما ترضى فيني بكلمه حتى ان اخواني بعض الأيام يغارون مني

مع ان عمري الأن 24سنه

لكن جلسته مصارحه معها وبذات في هذا الموضوع ما اقدر مره لأني من النوع الكتوم مررررررررره بغير ما تتصورين

طفولته الشباب

هذا الي قاهرني مدري ليش

مدري بسبب اني ماني موظف رسمي بصراحه ماني قادر افكر

مدري وش السالفه اليوم بالي منشغل بقوه من البارح صاحي وابي النوم يجيني ما قدرت

آآآآآآآآآآآآآآآآآآآآآآآآآه يالقلبي

اول شي هدي بالك
يااخي لاتستعجل وتحكم على امك ...يمكن سبحان الله هذاك اليوم كانت امك معصبه مره وجيت انت ففشت فيك ...انا من راي الاخوان اتكلم مع امك وشوف وش اللي خلاها تعصب هذاك اليوم...ومسالة انك كتوم مرررررره تراها ماتنفع ...تجيبلك امراض...وتعال اتقول تبي تتزوج؟ ترى الوحده منا ماتحب الرجال الكتوم مررررره...اتمنى لك كل التوفيق

اول شئ الكتمه لها اضرار على نفسيه الانسان في المستقبل
وثانيا ان الكتمه هي الي تخليك بعيد عن امك ولاتقدر انك تفهمها
وبعدين الانسان لحم ودم وله طاقات محدوده ماهو حديد
انا اكبر اخواتي وكنت مثلك كتومه واخاف ان اصارح امي بكل شئ ولكن اتضح لي بعد فتره انني قلت لامي اريد ان اقول لكي كل ما
عندي فلاحضت انها تفرح اذا اردت ان اقول لها كل مابداخلي وصار شئ عادي باالنسبه لي
ولاتقول لااقدر قدرت ان تتعلم وتتوضف ولاتقدر ان تصارح امك فهي انسانه وليست شبح وترئ الرجال تسوي المستحيل
سبحان الله امي وابوي يبون يزوجون اخواني واخواني رافضين وانت تبي تتزوج واهلك رافضين
باالتوفيق ان شاء الله .............................

وعليكم السلام ورحمة الله وبركاته




طيب يااخوي قل لأبوك السالفة مثل ما قالت لك أمك وريح رأسك.....ليش تعاند وتتعب أعصابك ونفسيتك!!!!!!!!!!














يااخوي لا زم تعذر أمك المسكينة وإلا مافي أم ماتحب تفرح بولدها وهذه أمنية حياة كل أم تشوف ولدها عريس

بس لاتنسى أن أمهاتنا الأولين متعودين إن الكلام في هذا الموضوع خاص بالرجاجيل
ويمكن والدك من النوع الشديد علشان كذا هي تبغاك أنت تكلمه مباشرة
وفي إحتمال إنها كلمة أبوك من قبل إنها تبغى تفرح بك وأبوك عصب عليها وقال لها لاتتدخلي...
وممكن.....وممكن.............وممكن

إحتمالات كثيرة يااخوي لازم تتعذر فيها للوالدة

ولاتنسى ترى رضى الوالدين أكبر مفتاح للبركة والرزق ...يعنتي لاتزعل من أمك وماتكلمها مهما يكون ولازم تعرف إن مافي أحد في الدنيا يحبك مثل أمك أبداااااااااااااااااااااااااااااا.

















.......................

__________________

__________________