مشكلتي مع أخوات زوجي واطفالهم اذا عزمناهم على وليمة او زارونا زيارة على الماشي
يطلعون من البيت والبيت يصير زريبه ( اسفه الجماعة طلعوني من طوري) خلينا نقول غرفة فنية وهذا يرجع لسوء تربيتهم لاولادهم ولاهمالهم
والله يعورني قلبي من هالكلام لاني ماودي احش فيهم بس تعبت نفسيا وابي افضفض
والمشكلة انهم اخوات زوجي يعني مافي مفر وزوجي يموت فيهم بل يعشق التراب اللي يمشون عليه الله يخليهم لبعض بس مو على حسابي وعلى حساب صحتي ونفسيتي عاد انا حريصه على شي اسمه نظافه عدا ان الاثاث غالي وكل قطعه منه له قصه وذكرى خاصة القطع اللي اشتريها من برى والمشكلة عندهم فكرة عن هالموضوع لكن ايش نقول
تخيلو اول ماتجي الوحده تطلق لاولادها العنان في البيت ولا تفكر تقعدهم او تكلف على شغالتها تراقبهم حتى شغالاتهم اخذوا طبعهم الحده تركض على المطبخ تقرق مع الشغالات تاركين البزارين يلعبون باعصابي الي ينط فوق الطاوله واللي يمشي على الكنبات بالجزمه واللي ضيع ي الرموتات ويجيها ولدها ابو سنه وكم شهر يمشي ويطيح يبي حلا ولا تمر ولا تبخل عليه بنت الشايب وتعالو شوفوا البداع في الرسم على السجاد الولد في ادينه الحلا ويمشي ويطيح ويبقع الحلا ويمشي ويطيح ويبقع الحلا ويمشي ويطيح ويبقع الحلا
وامه تظحك( هاهاهاهاهاهايسلم قلبه )
حطينا العشا صفت عيالها (سمو ياعيالي )ولا بتأكل واحد فيهم حتى ابو سنتين ينقالها معلمتهم اصول الطعام وتفرجوا على الاعمال الفنية ولا واحد يبي ياكل بالملعقة وياكلون دقيقتين ويقمون يلعبون ويرجعون تشوفون اثار ادينهم على الجدران وعلى الارضيات والكراسي في كل مكان والام ماتحرك ساكن
يجي الطامه الكبرى زوجي من زود اشتياقه لاخته يطلبها تنام هي وعيالعا وما كذبت خبر وكل هذا ولا اقدر افتح فمي بكلمه واقول لا ياولد لان اخوات زوجي حساسات مره
وحده منهم فتحت لولدها تشيبس وهو صغير ما يفهم قلتلها يافلانه اكليه بيدك بيحوس البيت
انقطعت 6 شهور
اليوم قمت انا بغبائي شكيت لزوجي (بكل أدب ) تصرفات اولاد اخته وتطنيش امهم وهو مسكين توه ماسكها تنام عندنا لانه ماشبع من شوفتها وانا قمت وصدمته بها الشكوى حسيت اني خربت عليه فرحته باخته الله يقلعني والمشكله مارد علي يمكن مايبي احد يقول على اخواته شي تمنيت الارض انشقت وبلعتني ولا كسرت بخاطره وفداه البيت وصاحبته



لكن الوضع لا يطاق ايش الحل اخواته خمس وكل وحده عندها نص درزن اطفال

الله يعينك.. بجد موقف صعب. طبعاً العيال ما ينلامون لأنهم أطفال يتصرفوا على سجيتهم.. الكبار هم السبب وللتربية أصول.

لا أعاتبك على موقفك فالنظافة من الإيمان وتنبيه زوجك لهذا الشيء لا يعني أنك تكرهي أخواته لكنك تلفتي نظره لشيء وقد يكون هو أيضاً متضايق لكن ذي ما قلتي أخواته وضيوفه في بيته آيه العمل.. وأنا من طبعك أحب النظام وأكره مثل هذه الفوضى وأحاول جاهداً في مثل هذه المناسبات أن أشغل العيال بأشياء تلهيهم..

طبعاً أطفال الشقق كالمساجين تحس بأن حريتهم محدودة ليس مثل غيرهم من الأطفال عندما يجدون مرتعاً خارجياً لهم يتنفسون فيه ويحرقون طاقاتهم.

هاهاهاهاهاهاهاهاهاهاهاهاهاهااااااي

الله يقطع إبليسك
موتيني من الضحك
تخيلت أشكالهم وهم يحوسون البيت
وانتِ ياحياتي تغلين من جوه
والله حاسه فيك والله يلوم اللي يلومك
بس وش تسوين غلا أخواته من غلا زوجك
وعلى كثر ما تحبين زوجك حبي أخواته و"عيالهم "
وعلى كثر ماتقدرينه قدري أهله وعزيهم
صدقيني راح يحبك أكثر وتكبرين في عينه


" تصدقين عاد أمنيتي أشوف ملامح وجهك وهم يطامرون ويلعبون في بيتك "
اللي يذبح ويضيق الصدر إن أمهاتهم ساكتين لهم ..
إذا كان عندك أطفال حاولي إذا رحتِ لبيتهم
إنك تهاوشين عيالك قدامهم

وإذا كان ماعندك حاولي إنك تسولفين معهم وتفتحون موضوع زي كذا
قولي مثلاً " أنا أكره اللي يروح للناس ويحوس بيتهم "
أو " تصدقون قبل لا أطلع دائماً أقول لعيالي انتبهوا لاتحسون بيتهم ترى عيب اللي يحوس بيوت الناس بعدين الناس يكرهون إذا رحنا لهم مرة ثانية "

أو قوليلهم عن قصة وحده مثلاً قريبة من قصتك وإنها تتضايق من حركات عيالهم ..

ومن هالكلام ..
المهم حاولي إنك تقولين لهم لكن بطريقة غير مباشرة ..

والله يـــكون في عونك ..

... تحياتي ...
أختك /
* أميرة الـــورد *

__________________

اللهم إني أسألك بإسمك العظيم الذي إذا سألت به أعطيت ..
وإذا دعيت به أجبت .. يامن بين يديه الكاف والنون ..
وتقول كن فيكون .. أسألك واشهدك بإنك أنت الله
الواحد الأحد الفرد الصمد الذي لم يلد ولم يولد ولم يكن له كفوا أحد
أسألك أن ترزقني بالولد الصالح يارب العالمين ..يامن قلت
وقولك الحق ادعوني استجب لكم إن الذين يستكبرون عن عبادتي
سيدخلون جهنم داخرين .. هانحن دعوناك فأجبنا ياأرحم الراحمين..

__________________

أسأل الله العظيم..رب العرش العظيم..الذي جمعنا في دنيا فانية..

ان يجمعنا ثانية..في جنة قطوفها دانية

أميرة الورد نضحكين علي؟
الله لا يبلاك والله اني اخذ اسبوعين في بيتي تنظيف بعد كل زيارة علشان يرجع زي أول
يعني الموضوع من جد كبير

عزيزتي أنا أعاني من نفس مشكلتك لكن من أخوان زوجي الصغار وعيال أخوانه ونفس الوضع الأم ماتقول لعيالها ولا كلمة وعلى قولتك البيت يحتاج لاسبوع تقريبا عشان أنظفه كله وتعبت مره بس ماباليد حيله والله ضغطي يرتفع والام جالسه تتقهوى وعيالها قالبين البيت حتى الثلاجه والفرن ماتسلم منهم والله قهر مره الله ييسرها ويهديهم ويرزقنا اطفال هاديين....

اللّه يساعدك ويكون في عونك
مشكلة اطفال اخوات الزوج او اخوانه مشكلة اذلية
الكل يشتكى ويعاني منها
اما انا مع الايام اتعودت عليهم وعلى شقاوتهم واتحملتهم لانهم فين وفين حتى
يزورونا يمكن في السنة مرتين او ثلاث زيارات
بعض اطفال اخوات زوجي كبروا وصاروا في الثانوية ودائما بيفتكروني بالطيب
ويشكروني علىحبي واهتمامي فيهم لما كانوا صغار
واضح من كلامك انك جديدة على الوضع اعتقد مع الايام حتتعودي وتتأقلمي معاهم
اتمنى لك حياة سعيدة

والله ضحكت لما تقطع بطني


حقيقه ذكرتيني بأمور كثيرة جداً


ولكن اعطيك واحدة منها

عمتي ام زوجتي


مشهورة بالتحف وديكورها المميز في البيت


حتى انه عندها تحف نادرة وبعضها اشترته في اول ايام زواجها

وتحف لها ذكريات خاصة


عندها اطفال .....................


اطفالها ما شاء الله مثل الساعة


يخاف موت من التحف


لأنه عارف انه راح يتعلق من رجله


المهم


انا تزوجت بنتها البكر


والحمد لله ربي انعم علينا بولد

زي العسل


ما شاء الله عليه


جاب عاليها واطيها

ماخلى لها شئ ما كسره في بيتها


تحف محافظة عليها اكثر من 20 سنه كسرها ولدي في فترة وجيزة


وانا اسمع صراخها واضحك


فأقول لك اختي


الله يسعدك ويكمل عليك النعمة


ويرزقك بالحفيد


الي تشوفي يحوس البيت


وانتي في غاية السعادة


تحياتي

__________________

ما اقول إلى لله يعينك فعلا ....انا ايضا احس بهذا الشي في بيتي مع زواري

__________________
رايتك وردة عطشى ولــــما منحتك من دمي نهر الفرات
و جتك تغرقين وكان حبــي مدى الأيام طوقا للنجـــــــاة