إلحقوني .......... قبل الملل
أعزائي .. وحشتوني جداً ..
راجع بموضوع يهمني ويهم كل واحد خاطب وواحدة مخطوبة
الموضوع وما فيه إني بالرغم من إني بقالي خمس شهور خاطب ومع ذلك أشكو من شئ المفروض إنه يبقى في أول الخطوبة شئ عادي لكن مش بعد خمس شهور
الموضوع إني لما بكلم خطيبتي في التليفون بقولها (( إزيك.. عاملة إيه .. إيه أخبارك .. كيف حال ماما وبابا وأخواتك .. .....فترد الرد العادي
وبعدها أبدأ أتكلم عن آخر أخباري ولما آجي أسألها عن آخر أخبارها تقوللي ((زي كل يوم)) لا جديد ..
وينتهي الكلام واسكت محاولا أن أفتح أي موضوع وهي كذلك بشعر إنها منتظرة مني أن أفتح موضوع آخر وتطلب ذلك بأسلوب (( هااااا و بعدين ))
فأطلب منها أن تتكلم هي في أي موضوع آخر فتقول: مفيش مواضيع أتكلم فيها !!
أبدأ بعدها في قول (( أنتى عاملة إيه ؟ ج : كويسة )) (( أنت عامل إيه ؟ ج : كويس .))
ثم أنهي المكالمة بكلمة حلوة لها ونختمها سويا بقولى ((لا إله إلا الله)) وهي تقول (( محمد رسول الله ))
وفي زيارتي لها بحاول إني إفتح المواضيع معاها ألاقي المواضيع كنا فتحناها قبل كده في الهاتف بس المرة دي بنقولها بطريقة تانية .......
حاجة تزهق !! مش كده
طب قولولي بقى
الواحد مننا إزاي يملا الجو كلام سواء في الهاتف
أو في الزيارة
ساعات الواحد بيتكلم عن جهاز الشقة وساعات يتكلم عن العلاقة بيننا وساعات بنقول كلام رومانسي جميل وده غالبا من طرفي أنا أما هي فهي لا تتكلم كثيرا . بس الكلام بيخلص بسرعة
بصراحة بقيت أخاف من الملل وأقول .. يا نهار أبيض ،، لما ده بدأ يحصل دلوقتي .. طب بعد الزواج هنعمل إيـــــــــه ؟؟؟؟ :14:
على فكرة أنا من طبعي إني بحب أتكلم ولا أحب الصمت .. ولست ثرثارا ..
أما هي فلا تتكلم كثيرا ولا تعرف أن تفتح هي مواضيع ولما بطلب منها أن تفتح أي موضوع تقوللي افتح أنت موضوع وهتلاقيني بكلمك فيه على طول
انتوا عارفين المرة اللي فاتت من كتر ما حسينا إن الكلام خلص في ربع وقت الزيارة بين السلامات والغداء وشرب الشاي والكلام في آخر أخبار الشغل والشقة وتجهيزها وحبنا .. عارفين عملنا إيه ؟
قعدنا نلعب ألعاب ترفيهية مسلية حتى لا نشعر بالوقت ولا يصيبنا ملل
أنا قرأت قبل كدة موضوع أفكار للحديث فترة الخطوبة .. ولكنه ينفع من هم في أول الخطوبة
أنا عايزكم يا زوار المنتدى تكتبوا لي أفكار وموضوعات حلوة أو تقولولي أنتو بتتكلموا في إيه في الزيارات - يعني إيه الكلام اللي بيفتح كلام ويخلي الجلسة حلوة ومسلية
والهااااااتف بالذات لأني ببقى عايز أكلمها كل يوم وهي بتبقى فرحانه لما بتصل بيها لكن أنا خايف لما تتعود على إن المواضيع بقت قليييييييييلة وكلام التليفون بقى مجرد سلام وسؤال عن الحال فقط تفقد خطيبتي فرحة انتظار المكالمة
ملحوظة : أنما بكلمها يوم بعد يوم مش كل يوم في الهاتف لأنه مش هاتفها ولكن هاتف عمها في الشقة اللي تحتهم على طول وأنا بكون محرج
اكتبوا لي أفكاركم ومقترحاتكم وحواراتكم الحلوة والشيقة والمسلية ....
بسرررررررعة .. يوم الجمعة - معاد زيارتي ليها - قرررررب
مستنيكم ..
تيـــــــــــتو
27-06-2005, 12:36 AM
ضوابط المشاركة
العرض العادي
